陳振聰越窮越見鬼

陳振聰須即繳億元欠稅

要求暫緩 區院敗訴

【明報專訊】商人陳振聰早前遭稅局興訟追討3.4億元欠稅及利息，但遭陳要求暫緩繳稅，區院昨裁定他反對無效，扣除他2010年付了約3486.8萬元，去年又出售中半山楠樺居物業套現，繳付了1.99億元，陳仍須即時繳付約1.06億元稅款，並按照稅局一方提出，付8%利息及訟費。

稅局陳振聰不評論

原訴人為稅務局長，被告為陳振聰及楠樺置業有限公司。稅務局及陳振聰均表示不評論，陳亦未透露會否上訴。

稅局早前指出，華懋集團主席龔如心生前曾支付3筆共6.8億元款項予陳振聰，作為看風水費用，遂追討陳3.4億元利得稅及物業稅，日前以陳一方沒有合理抗辯為由，要求法庭以簡易程序裁定局方勝訴。

但陳一方稱，該筆款項由龔餽贈，且收款的為一家海外公司而非陳本人，認為必須正式審訊才裁決。此外，陳應繳的稅款或有變數，故認為稅局應待稅額的覆核結果，方再追討稅項。陳一方又表示，稅局要求陳立即繳稅，是惡意行為。

官：未證稅局惡意評稅不準

法官潘兆童認為，陳一方並無實際證據顯示稅局有惡意、或其惡意會造成評稅不準確及不可信。稅局已有足夠證據，證明陳振聰須繳稅。

陳一方又稱，曾反對2005/06年度、及06/07年兩個稅務年度的利得稅額，當時稅局接納其中一項反對。但法官表示，根據稅局今年3月的信件，可見陳一方說法並不準確，稅局亦沒有同意覆核稅額。法官又強調，根據《稅務條例》，陳應「先交稅，後爭議」，故即使稅局願意覆核，陳亦應先清繳稅額，若金額有調整，稅局日後大可退稅。

【案件編號：DCTC2290/10】

(16/4/2013 明報)

陳振聰越窮越見鬼，早輪為咗行將開審嘅高院刑事案申請英國QC代表佢，比律政司及大律師公會齊齊反對，佢申請嘅理由係倫敦大炮平過本地薑，原本代表佢嘅胡漢清、黃敏杰叫價肯定唔平，何況胡大狀又要找阿媽條數，否則白姐姐同佢阿媽喊苦喊忽見記者咁無面，梗喺向哨牙「通」借庫，分佢身家啦。哨牙「通」改咗乜嘢Christian name我一時醒唔起，總之跟咗第二個大佬都救佢唔到，林以諾最好會變魔術，否則哨牙「通」會變節，包埋個頭過檔真神阿拉，滿天神佛嚟打救。睇嚟陳振聰又幾似帶舞獅行街嘅大頭佛，面具都唔使。

講到請QC，佢又使咗啲寃枉錢，喺判辭度大老爺其實比佢請架，因為主控都喺London Silk，不過申請果枝大炮唔係打開刑事案，先至唔比咋，你話係唔係使咗寃枉錢嚟申請。所以做人要得些好意需回手，唔使搞到無氣抖。

哨牙「通」個名喺小甜甜改架，唔關我事。小甜甜見佢哨牙，英文叫Tony，所以形聲格叫哨牙「通」。