議會修甲

黃定光開會剪指甲
范國威投訴後被罵：佢講粗口

【明報專訊】唔少人都覺得喺公眾地方剪指甲係一件好唔衛生、核突嘅事，但呢件事偏偏喺立法會發生。話說新同盟范國威（Gary）噚日開開吓會，突然聽到啲怪聲，原來民建聯黃定光（象哥）喺會議廳剪指甲，Gary發言時梗係炮轟象哥嘅行為。點知，隔咗無幾耐Emily就聽到Gary喺立會走廊質問象哥「你點解要講粗口鬧我啊」，搞到要保安隔開佢哋，最後兩人面左左，搭唔同𨋢上樓返辦公室。

黃定光：我唔知咩叫粗口

Emily問象哥咩事，象哥好勞氣，反問「我指甲崩咗就要剪㗎啦」、「又關佢事，乘機借我嚟發揮」，象哥無回應用咗邊句說話鬧Gary，只係話「我唔知咩叫粗口」，又話只有Gary覺得嗰句係粗口喎！Gary就借「D7689」事件，話象哥句粗口其實係「D×你」喎。

另外，立法會內會噚日通過周三大會提早晚上8點休會，泛民只有公民黨、工黨、街工同李國麟贊成。

民主黨單仲偕發言時，質疑提早休會會減少議員發言空間，但建制派就質疑上周立法會流會，民主黨其實一個人都無坐喺會議廳。

社民連梁國雄即刻反駁﹕「你管掂你保皇黨坐35個人喺度咪唔會流會囉！」佢又批評部分人代政協一人食兩家茶禮，因為長毛喺未批准下發言，搞到被內會主席梁君彥趕出會議廳。
(31/1/2015)

有趣的新聞一則。如果搭港鐵有人在車廂內剪指甲，甚或把鞋袜也脫了剪腳甲，作為同車乘客，大概正常反應都會為之側目，就算指甲鉗是那種不會使甲屑亂彈的，不構成扔棄垃圾，也不違反港鐵附例對其他乘客造成滋擾，在公眾地方剪指甲，一定是儀態的問題。在莊嚴的議會裏，做出失儀的事，不單是個人教養出問題，而是一個城市的形象的表徵，確實使人生厭。萬一黃議員香港腳發作，豈不是要把鞋袜脫掉，搔個痛快？如果腹有氣結，豈不是要下氣暢通，在議會中連聲屁響？議員連基本儀態也不懂，失禮死人。指甲崩了，修剪一下本無可厚非，除非是十指皆崩，才需要剪幾分鐘搞到令人側目。

這本來是失儀的小事，沒有必要發展到粗言相向，這種小學生的幼稚行為，雖然未必只發生在香港，起碼香港還不至於有議員在議會中扭打起來，雖然講粗口也沒有甚麽大不了，澳洲網球公開賽就「忽」聲四起，在半凖決賽連Murray的未婚妻也粗口爛舌。可是，我看不慣，也看不順眼。畢竟這是立法會不是城市論壇，不管這些議員怎樣選出來，或者由那塊石頭爆出來，做議員就有個議員的模様，別使港人蒙羞。