2014年6月24日星期二

給李偲嫣寫一封信

偲嫣卿卿如晤:

都唔想文謅謅,用卿卿如晤會親切一啲。叫你偲嫣姐,又怕把你叫老了,叫你偲嫣妹,又怕你誤會搞男女關係。坦白講我又確實對身軀龐大啲人感到吃不消,太肥膩了,飲幾杯普洱先消到滯。我知寫這封信有啲冒昧唐突,反正大家面皮都唔薄,如果面皮薄就脂肪搭夠,我鼓起勇氣給你寫,給你打氣,支持你為正義犧牲脂肪,但千萬不要犧牲色相,後者會是浪費。浪費時間甚至生命,時有發生,浪費色相就萬萬不能,絕食時請盡量遮蓋脂肪,至少都若隱若現地遮住下,如果唔係,人哋一睇,就會心想:你咁有絕食條件,容乜易好似歡樂今宵咁,長做長有,等極你都命不該絕,人哋就無興趣睇落去,政府分分鐘拉你阻街,食環可以拉你非法露營,唔係道道都可以札營架,要喺designated area至得架。我都知你其實都好想真係畀人拉。拉你咪係畀個下台階你囉。為咗BMI,你要堅持多一陣呀,唔好搏拉呀。靜雞雞食少少嘢喇,唔好成日稔住會死喇,英年早逝,天妒英才,所以你唔會咁早去,千祈唔好假戲真做。

啱啱睇到你facebook,你好感人,你敢都講得出「偲嫣躺下了,也許不可以再起來」,我都唔知,原來你肥到起身都有困難,今次真係要堅持減磅。你都聽過「兩害而娶其輕」架啦,人哋娶老婆都揾個無咁大隻架,食量細啲,手腳靈活啲,香港地方咁細,張床又細,娶老婆都揾個細粒的架啦,起碼轉身易啲,無咁易跌落床喎。

老老實實,做乜要將減肥講成絕食啫?你話為公義絕食,人哋就喺你隔離食麥當奴,你話死唔死,特登引死你,不如算把喇,絕乜鬼食啫,詐帝暈咗咪收工囉,好唔好?今時今日,人人都講公義,人人都自稱為公義而戰,個個都攞上帝出嚟,上帝聽得邊個講喎?

點解絕食啲人要喺政府總部嗰度?係咪因為呢個大舞台唔收埸租,免費做show,所以咁旺?你其實有冇做市場調查架,邊有絕食得逞架?又無絕食死過人喎!厭食就會死人。不如餓到達標就收皮喇,點先達標?報紙又賣哂,啲friend 又like 哂,快啲收埋個帳幕落幕喇,唔係一陣馬恩國行過話你You are not even a Fxxking Chinese黑蚊蚊佢睇唔清楚,以為你係澳洲肥婆。林慧思行過又話What the Fxxk! 做乜警察唔執法拉你阻街。陳克勤行過,見到你呢個啖啖肉嘅自己友,同你打氣:Leticia,  try your breast, 陰公囉,都唔知try唔try好。如果有七十萬人投票,就try喇。我講咁多都係為你好咋!

你最新的粉絲

標笑上

7 則留言:

  1. 標少:好一個"兩害娶其輕",笑到我流眼水!

    回覆刪除
    回覆
    1. 我都唔想咁刻薄,佢啲咁嘅人,唔姑息得喎,姑息佢佢就得戚,我咪想兩句精警嘅等大家笑吓。

      刪除
  2. 標標, 你要批評她人品就好了嗎, 幹嘛取笑人家的身材。你取笑人胖, 即等於你覺得胖是可取笑的事。

    回覆刪除
    回覆
    1. 劍文兄,我上一篇講明要嘲弄這妖人,擺明車馬,從你的角度看這樣做不對,從我冩文角度看,是個人風格。我批評陳玉琒及林慧思時,講法理,所以沒有人身攻擊。李偲嫣講絕食,我不期然從食的條件衡量,繼而著眼在身型。至於她的人品,我不知道,行為嘛,妖行百出。我整篇針對她一人,沒有嘲笑其他人的體重。況且,她在自暴其醜,出來獻世,我才贈慶。至於賣菜阿嬸那類詞語,強調見識,對職業或社會地位並無歧視,仗義半從屠狗輩 ,負心多是讀書人,我一向都欣賞義氣仔女,去買菜買水果買魚,總是虛寒問暖,閒話家常。返港在路上碰到,都熱情寒暄。

      刪除
  3. 看見「偲嫣卿卿如晤」,打了個冷震。

    支持標少「擇肥而噬」,公平公義是對等的,做「反歧視」的 fundamentalist,對不義私煙仁慈,是對自己和其他人不公平。

    回覆刪除
    回覆
    1. 我不想去到道德、歧視的層面去探討,可能我歧視她、厭惡她、鄙視她,這是我的自由。

      刪除
  4. 代擬「給李偲嫣寫的第二封信」

    看見這段新聞,心情久久未能平伏,你偉大的情操,堅持到最後一刻,倒下了,慶幸你未能如願,重生站起來,使我們一眾憂心忡忡的粉絲,終可放下心頭大石。

    真佩服你能顧全大局,留得青山在,「在大家的壓力及請求下,結束絕食行動」。我明白,沒有令你喘不過氣的壓力,你是絕不會放棄你的原則,輕易放棄絕食。

    傻豬嚟㗎,其實你一早就唔應該做呢啲傻事,希望你回家大魚大肉,很快又可見到你的瘋〈噢,對不起,是「丰」〉采,和令人怦然心動的身影。


    「李 偲 嫣 肋 骨 下 劇 痛   應 大 家 要 求 結 束 絕 食

    2014-06-27 HKT 19:49

    李偲嫣因不適結束絕食行動,圖為她星期日開始絕食時攝。(資料圖片)

    在 政 府 總 部 外 絕 食 的 「 正 義 聯 盟 」 召 集 人 李 偲 嫣 結 束 絕 食 行 動 。
    正 義 聯 盟 指 , 李 偲 嫣 在 這 五 天 中 , 除 了 受 著 「 飢 餓 的 痛 楚 」 , 亦 忍 受 「 高 溫 焗 熱 」 , 蚊 蟲 每 天 都 出 沒 , 又 指 昨 晚 她 的 肋 骨 下 位 置 劇 痛 , 要 送 院 治 理 , 醫 生 要 求 她 停 止 絕 食 , 李 偲 嫣 在 大 家 的 壓 力 及 請 求 下 , 結 束 絕 食 行 動 。

    李 偲 嫣 早 前 指 , 不 滿 政 府 及 高 層 警 員 縱 容 暴 民 , 決 定 在 政 府 總 部 外 絕 食 , 直 至 政 府 聆 聽 市 民 心 聲 , 回 應 如 何 嚴 正 執 法 為 止 。」

    回覆刪除