李偲嫣絕食減肥

李偲嫣絕食 寫定「絕筆」

【明報專訊】泛民政黨早前為爭取普選絕食，正義聯盟召集人李偲嫣都嚟呢一套。立法會發生衝擊事件，李偲嫣批評政府同警方縱容暴民，所以佢噚日喺政府總部外紮營，宣布開始絕食，直至政府聽市民心聲，回應點樣嚴正執法為止。佢表明絕食無期限，會堅持到身體抵受唔住為止，其間只會飲水，亦會照常返工，更呼籲陳日君樞機、佔中發起人戴耀廷等人一齊絕食喎。

網民翻舊帳﹕李曾指摘絕食

李偲嫣先後喺facebook寫咗一篇絕食宣言同一篇「偲嫣絕筆」，講吓佢絕食嘅因由，當中提到「我不會使用暴力，也不想煽動其他人使用暴力，我只有一條性命，我願意用我這條性命去向全香港市民提出我的希望」，話希望絕食可以感染暴力者放下暴力，停止佔中、停止圍攻立法會，更加表明「一天他們仍然使用暴力，一天我的絕食行動是不會停止，直到我的生命完結」。

李偲嫣話「對香港的愛」所以犧牲自己，但有網民就同佢翻舊帳，話佢2012年曾批評學民思潮以絕食反國教科時講過，「絕食之風不可長」、「用健康作武器」，絕食係博社會同情！泛民人士上次爭普選絕食16日，唔知偲嫣嘅愛，可以撐到幾耐？
(23/6/2014)

醜人多八怪，李偲嫣無限期絕食？唉！一件五花腩咁，絕乜食啫？睇落都無味道。如果趙飛燕絕食，看她弱不禁風，楚楚可憐，看了於心不忍，你快啲食嘢喇，你有乜要求我都應承，萬事有商量。楊玉環要絕食，一早就要喇，BMI肯定超標，乜嘢嚟？Body Mass Index 囉。點計出嚟？將體重(公斤)除以高度(米)的2次方，得出答案不超過25就不算肥胖，香港版的羊肉橫，好心喇，老早就應該去纖體。今次乘機借勢去減肥，美其名為絕食，淨係為咗健康，都好值得嘅。這個肥姑，應該磅下重先，睇下減肥成效，咪幾好。如果減得成功，也算有點成就。五花腩變成西施骨，去邊處揾，恨死人喎。不過，佢話人地一天仍使用暴力，佢就不會停止絕食行動，直到生命完結。I don't think so 囉。儲備咁充足，肚滿腸肥，閒閒地可以挨幾個月都屹立不倒喇。而且，佢講得出做唔到喎，餓起嚟成隻羊都食得落，所以我叫佢做羊肉橫囉。我無心得罪對體重不滿意的人，只是有心嘲弄這個妖人。