2017年3月11日星期六

葉劉參選是酸是苦澀, 退選既輕鬆也喜悅

我是個不懂政治的人, 雖然不時會寫幾篇政治評論,  嚴格講我那些也不能叫評論, 只屬發噏風, 乘機搏取別人留言指正。這一篇講葉劉。

入不到閘的葉劉輕鬆了, 不用再硬梆梆擠出那種笑的表情來。她還在爭取提名時的笑, 不能說是苦笑, 也不是真正發自內心喜悅的笑, 而是尷尬不堪腼腆的笑。到了現在, 她沒有包袱, 所以笑得出, 笑着評論三個候選人:

林鄭: 政綱單薄, 擔心當選後不能兌現而被追數 / 熟書但好官僚

鬍鬚: 耍公關手段, 像聖誕老人 / 有親和力但無內容

胡官: 乜都應承, 所以政綱最啱聽 / 似做棟篤笑

泛民推胡官入閘, 究竟想達致甚麼目的? 對抗西環、對抗欽點? 不提名長毛而去提名鬍鬚, 我尚且明白。推胡官入閘, 泛民的策略就不知所謂了。現在胡官要求配票, 泛民好難會啋佢, 分薄了給鬍鬚的票, 林鄭就贏硬, 只有分薄林鄭的票, 鬍鬚才有機會贏, 或者搞到需要第二輪投票。要分薄林鄭的票, 即是要從建制手中奪票, 就應推葉劉入去, 我不知道究竟是我不懂抑或那些搞局、搞政治的泛民不懂。連胡官也可以推入閘, 那是純搞局但毫無實質作用的姿態, 泛民根本不會真心覺得胡官是合適的人, 與其是這樣, 作為一種對抗的策略, 就應該推葉劉入去而不是胡官了。 三名建制候選人中, 胡官是最非建制的, 因為他是四不像, 他只是一個諧星。選舉結果會顯示最不建制的候選人得票近乎零, 而泛民支持的鬍鬚又搞不成局, 那麼泛民對抗西環的策略又全盤失敗了。

葉劉由當初乞求提名不得的「酸溜溜」, 變成了現在入不到閘笑容可掬的「苦澀」, 她反而成為二次敗選的贏家, 可以有心情去看拳賽捧曹星如場。泛民不推她入閘, 造就了建制派的和諧, 泛民推胡官入閘, 反而造成泛民自己的矛盾。這是我不懂的政治策略。我講這些話並無政治取態, 我只是對政治手段及策略的一些觀察。

42 則留言:

  1. 其實係有人提議泛民都比葉劉入閘的(張達明?),只不過普遍黃絲(包括所謂既民主300+)都係Too Simple,Sometimes Native,以為封死葉太已經贏一半。胡官睇係好睇,但呢個只係因為佢明知選唔到而不斷開空頭支票既結果。

    Lou

    回覆刪除
    回覆
    1. 胡官睇戲就好睇, 睇真就無嘢睇。

      刪除
  2. 泛民當然唔會推葉劉入閘,萬一呀爺突然轉口風話支持葉劉,咁泛民以後5年點算?到時個龍門搬到外太空都唔掂

    香港人搞策略同政治都係意氣用事,都完全唔睇大局,最後搞到三不像。

    回覆刪除
    回覆
    1. 係咁咪林鄭搶葉劉票囉。阿公真係支持葉劉, 一早就安排佢提名入閘。這種轉想法毫無可能出現。

      刪除
    2. 大局唔可以當飯食,成功率根本唔高,推冇民望的葉劉入閘一定俾本土派插,影響支持者心目中形象,分分鐘影響議席。相反,推胡官就「順應民意」加分,你估佢哋會點揀?

      刪除
    3. 泛民是政治小學生,何來謀略、遠見?
      本土派也江河日下了。

      刪除
    4. 1:48, 胡官有乜民望? 推胡官入去搶鬍鬚的票? 就算300+全部投鬍鬚, 胡官搶到建制票咩? 胡官入閘, 除了裝飾, 有乜實際效用? 真係選到鬍鬚, 你估到他上任後泛民就唔鬧佢, 唔覺得後悔選錯人, 到時一樣會是因投票給他成為罪人。民意民望好temporal, 鬍鬚無處理過爭議性大議題, 如果他當選就不再能夠逃避, 到時就知民望是甚麼。泛民垢病小圈子選舉, 但要參與去宣示話語權, 如果要兩害取其輕去選鬍鬚, 當然希望他當選, 在策略上就要配合, 要耍手段達致這目的, 推個小丑角色入去有屁用。如果諗住鬍鬚一定選唔到, 選佢只係搞局, 咁仲戇居, 做乜唔推長毛入去? 更加唔會畀人插, 起碼長毛係大反派, 絕對非建制。我是純看策略, 泛民真的不知所謂。

      刪除
    5. 班泛民識搞策略的話當日就應該接受袋住先,依家佢地話要選lessor evil同叫人袋住先有乜分別?

      刪除
    6. 胡官的「民望」,正係唔提831,22條立法哩D胡說八道,係支持者們佔中以來的「核心價值」,泛民當然要表態支持哩個「政治正確」的候選人,俾佢入閘。
      至於所謂「造王者」,根本只係哂馬,係場show,泛民一向的賣點係「監察政府」,執政甚麼根本只係講吓,就算鬍鬚上臺,咪同上兩任一樣,扣個帽子,甚麼地下黨,佢阿爺同乜乜有關等等。一句「我們被騙了」,只要黨報全力協助,支持者一定接受,大家繼續「監察」。
      捉人錯一定比做的人少鑊,工作安穏。

      刪除
    7. 搞一帶一路和創新科技係未來幾拾年國家的重點發展,300+和部份以地產為主的財閥一開始便以"ABC" 口號和想利用鬍鬚來整走cy,亞爺見勢頭不對立即變陣,安排cy更上一層樓,cy唔連任由林鄭接棒,策略可變、佈陣可變但路線不變,300+和幕後的地產財閥已洗濕個頭押了注在鬍鬚,亞爺這一變令300+等變得進退失據,況且林鄭基層出身兼長期在政府服務,身家清白,300+想抹黑拉例佢都唔係咁易,臨時推胡官出嚟只有竄擾作用和希望有奇蹟出現,例如林鄭在競選期間嚴重失言,如無意外,相信林鄭會順利接棒。注意近期中資高調買地,似乎是預先警告班幕後財閥唔好玩嘢和重施故技推倒樓市,亞爺已防患未然

      刪除
    8. 更正:300+想抹黑拉倒佢都唔係咁易

      刪除
    9. 我沒有想過中資高價投地有關連。

      刪除
    10. 想想在政府使出雙辣招後大部份炒家已退場,現在是用家為主,連行內人都認為中資出價太高有機會蝕本,邊有水位去炒?可想而知中資高調買地未必是用來炒,蝕一至兩成好未,當維穩費囉,況且的錢都係益政府庫房,當慶祝回歸廿年亞爺送禮,何樂而不為

      刪除
    11. 高價投地的悖論 (信報, 2017年2月28日)

      http://www2.hkej.com/property/article/id/1500794/%E9%AB%98%E5%83%B9%E6%8A%95%E5%9C%B0%E7%9A%84%E6%82%96%E8%AB%96

      "...紅色地產商來港買地,是否涉及政治任務難以證實;單純以生意角度而言,「香港賣樓毛利接近內地」及「未來賺錢易調動」兩個說法都有一定盲點。說香港賣樓毛利約兩成,是過去幾年的平均數;近幾個月地價在中資追逐下屢創新高,除非未來樓價將有明顯升幅,否則賣樓平均利潤料會下跌──這將意味毛利下降,平均回報會低於國內..."

      刪除
  3. 300+ 唔係戰狼300
    可能并無宣傳中那麽有隊形

    回覆刪除
    回覆
    1. 提名長毛果班選委+IT界,醫學界,社褔界支持港獨果班選委會轉向投薯片?有疑問喎...

      再加上呢次都無好似上次咁有爆炸性的醜聞去把形勢逆轉之下,呢班選委可以投白票或糊官都唔會投薯啦...

      講分裂,泛民一向都勁過建制(否則唔會有"雷動苦主"啦).人地建制阿爺吹雞,就算面和心不和都會槍口對外...

      刪除
    2. 標少這次撰舉有隱憂
      林鄭取不到泛民票
      而狐官有泛民票
      中共只要牽引建制票到狐官手
      那比較容易
      而狐官當撰有什麽好處
      可以從法治上做中共執行機器
      以狐官身份比较容易可取

      刪除
  4. 葉劉都承認佢同百五提名票相差甚遠,睇嚟就算得到少數300+眷顧都徒勞無功...與其話西環使橫手要建制選委一條心撑娥姐,不如話葉劉人脈同娥姐相差甚遠

    回覆刪除
    回覆
    1. 講策略, 不是講實際支持。佢哋支持胡官咩? 為咗順應民意定係想鬍鬚贏面大啲先?想鬍鬚贏面大啲就要揾辦法搶林鄭啲票, 胡官搶到咩? 推胡官入閘是最廢的想法。

      刪除
    2. 所以被人笑佢地"300柒"係無錯架。。。
      事實上,糊生呢幾場輪壇表現較鬍生好。。。最少真係有向兩位大熱門狙擊。。。
      葉劉真係以後不要再發特首大夢了。。。

      刪除
    3. 马鹿只想淋病坐上后更倒行逆施 好让我们有机可乘。。。。。。。

      刪除
    4. 半年前,泛民講明傾政策只會同林鄭傾,半年後話人會倒行逆施?
      ABC? anyone but China?

      刪除
  5. 民主派要反對小圏子選舉制度, 就該完全不參與,抵制才是。如果認為這選舉仍有民主成份, 而現行民主制度的限制下,還有改進機會, 應要積極參與的話, 該怎樣參與? 集中力量要選出一位較合心意的人? 還是要搞些活動提高市民對制度的要求? 我看不到民主300對大多數市民有任何作用。
    翻過這個多月來免費大公報的照片, 林鄭的篇幅比習近平和李克強加起來都倍多,恐怕除了Donald Trump沒有人可比了。
    KKC

    回覆刪除
  6. 1. 林鄭 vs (薯片+胡官)
    2. 林鄭 vs (薯片+葉劉)

    如果一開波係2 號,中央統戰下林鄭比較容易過601 票。

    如果一開波係1 號,原本支持葉劉嘅票,可能因葉劉被掉棄而不滿,因而支持薯片,而若干提名林鄭嘅票,可能會不投票給林鄭,總的目的是增加林鄭不能在第一次投票時就當選的機會。

    就算不提名胡官,只要葉劉入不了閘,以上目的都可以達到。推胡官,可讓薯片看來不是一面倒的泛民代表,容易些吸建制嘅票,而且胡官亦可做砲手。

    Terry

    回覆刪除
    回覆
    1. 梁家杰即表示,未来的特首选举,“泛民”选委的一个重要任务,就是要令林郑拿不到601票。

      http://m.zijing.org/article/113471

      這可能係泛民的目的。薯片能不能勝出看來不是主要目的。

      Terry

      刪除
    2. 天真到傻,班建制咁易搞散就不是阿爺啦。。。

      依家泛民猛話糊生係鬼喎。。。誰才是不團結?

      刪除
    3. 話胡官係鬼? 我真唔明。佢自己行入去參選咩? 被人推入去喎, 你話邊個推吖? 泛民自己推隻鬼入去, 咁咪自作自受囉。

      刪除
    4. 泛民龍門一反任搬,今日全力支持,聽日係鬼,今日係離地高官,聽日變民心所歸的薯片叔叔,只要傳媒合作,龍門入深海、地底一樣得

      刪除
    5. 不要讓陰謀得逞
      (壹傳媒創辦人 黎智英) - 黎智英

      http://hkm.appledaily.com/detail.php?guid=19955267&category_guid=4104&category=&issue=20170312

      "看看他的背景。退休前後泛民的理念,他從來沒有半點共鳴,除了建制的說話,他從來未為泛民講過一句好話,也從未接觸過泛民中人,或參加過任何泛民集會,當然他參選後泛民爭取的目標話題他卻瑯瑯上口天花龍鳳,緊要過長毛上身,奇哉?不,更奇怪的是,胡官的兒子胡雅倫是中聯辦統戰組織菁英會和香港青年聯會的成員,他更是茂名市的政協。他在舅父鄧國強的律師樓工作,而鄧國強是中國國際貿易促進會成員,和中國國際商會的建設和勞動法調解員,這些都是中國大陸重點的協會,而他律師樓做的主要是大陸生意。
      胡官助選團的主幹鍾瑞珍以前是民建聯葛珮帆議員的助理,那倒是小事了。但大件事的是胡官從這樣的背景,這樣息事寧人溫婉的性格,突然間性情大變,顛倒了自己的背景和過去的是非,幡然大悟拿起黃旗反紅旗!世上沒有無緣無故的愛,也沒有無緣無故從保皇變泛民,老驥伏櫪雄心勃勃出來��票,只為愛子心切,天公地道,但我們卻不能麻木了理性把他當成是泛民啊!"


      不知道Terry點睇?

      刪除
    6. http://hkm.appledaily.com/detail.php?guid=56417189&category_guid=6996647&category=instant&issue=20170312

      我在今早看到黎智英篇文都覺得奇怪。首先,我看不出胡官係中共的一隻棋子,條片中胡官在明言佢目的係讓林鄭不能在第一輪中取得601票以上。看不到胡官在��薯片的票,佢哋希望林鄭流失選票。
      當然,我還未明白黎智英這個說法是攪什麼什麼的。

      Terry

      刪除
    7. 田氏兩兄弟兩條心,各有打算。李氏家族三人一樣係兩條心,各有打算,仔大仔世界,各有各算盤,講到自身利益,老父同兄弟都無面畀,何況舅父?胡官可能做官悶到嘔,見有300+的法律界選委慫恿佢參選搞局,一時童心未泯,咪試下做政治人物過下癮,就算低票落選又唔使死,預左喇!

      談論民主是美好的,推進民主卻是複雜的。學者講理想,政府講現實;學術講是非,政治講利害;學者“求異”,政府“求同”,一言難盡。

      刪除
    8. 登了一篇評論此事。

      刪除
    9. 看了。深有同感!

      匿名 (8:30)

      刪除
  7. 胡官入閘。冇乜可代表。當年柯俊仁可以入閘。真正投票時胡官可零票。泛民三百幾票全押曾。咁咪知幾多建制投林鄭。如林鄭當選。又可繼續拉布。但曾當選。日後冇借口拉布。迫建制投曾。

    回覆刪除
  8. 政治是變色龍, 藉口多的是。為了甚麼抗爭理由就會拉布, 這是個人賺取政治本錢的方法之一。投票給曾只是對抗選舉壟斷的手法, 泛民真的選建制? 真的選最有能力的人? 你的想法只是一廂情願的合理推論。

    回覆刪除
  9. ERIC,建制的民選議員暗地裏一定樂見拉布的,反拉布係一個冇成本,又可以呃選票的議提,所有的政客,根本就係靠對立的存在而生存,而傳媒的存在亦要社會的黑暗面,冇就冇銷路,尤其娛樂新聞低迷的今日。
    所以話,撕裂根本冇人可以解決,因為大家都會想辦法制造。減議員人工到唔吸引或者可行,但邊過到立法會呀?
    今日立法會咁真係多謝貪曾大加議員人工⋯⋯

    回覆刪除
  10. 睇完直播再睇明報網站新聞,火都嚟埋,只提鬍鬚威威,偏頗到呢⋯⋯
    鬍鬚同糊官出醜就隻字不提,連明報都咁,哎⋯⋯

    回覆刪除
    回覆
    1. Mingpao has long lost its credibility. 失公信第一,其漸有自。

      Old BJ

      刪除
    2. Credibility is comparative. 攞零分可以第一. 因為其他是負分。

      刪除
    3. 我哋眼中的「選擇性報導」,係佢哋的眼中只係編採自主,無損公信

      刪除