小販管理隊欺負阿婆

食署職員被指蝦婆婆

【明報專訊】噚日facebook有好多人轉載攝影師陳葦岳（Ryann）上載嘅一輯相，質疑食環署職員蝦婆婆。Ryann話前日傍晚行經長沙灣政府合署對開，見到一個食環署職員同婆婆對峙，話婆婆擺賣阻街。Ryann同婆婆解釋職員可能會收走佢啲嘢，婆婆即刻執嘢，但職員用身體擋住婆婆，婆婆轉身執第二邊，佢就「移形換影」擋住，仲踩住啲貨物話「呢啲係證物」，唔畀婆婆執走。

署方：接4投訴 會調查

Ryann話職員講嘢幾大聲，部分市民睇唔過眼，其中幾個夾手夾腳執晒婆婆啲嘢，職員就喺噓聲中離開。食環署回覆Emily話接到4宗有關執法嘅投訴，佢哋會調查事件同按程序處理。發言人話，當日接到市民投訴有人擺賣阻街，派咗一名小販管理主任巡查，發現有兩名年邁無牌小販擺賣，於是勸喻佢哋離開，並無提檢控。

但Ryann質疑，若職員畀婆婆離開，點解要踩住佢啲嘢，擾攘成半個鐘呢？Emily噚日去現場搵街坊求證，有雜貨店女店員話婆婆不時喺度擺賣，但佢見唔到事發經過，希望食環署查清楚

（29/4/2014）

現代個人資訊和傳媒又一次互動，這次是傳媒去報導市民的資訊。有利當然有弊。各大傳媒都一面倒同情阿婆，譴責食環署小販管理主任，因為那是民意所趨，所以傳媒也只好傾側。阿婆年老，鶴髮鷄皮，擺點東西在地上賣，當然值得同情。她站在弱者一方，稍有良心的人都應該深表同情。食環署職員理應酌情處理這類老弱無牌阻街的人，予以警告，不予檢控，這就是法律也講人情的一面。講得漂亮一點，就是考慮到檢控政策。

如果阿婆已多次受警告，卻屢勸不改，明知食環署職員只會叫她收拾東西，不會檢控，那該怎辦？這件事最錯的是小販管理主任的態度。處理得好，是憐貧惜苦，處理得不好，就被斥冷酷無情，欺負弱小。對於使用道路而受阻，附近店鋪的商戸生意受影響的人，他們可能又有别的看法。假如小販管理主任陰聲細氣，和藹可親，阿婆時常擺街邊，請問這問題怎樣解決？更甚者有人利用老人家搏取同情，以獲寬待，問你又怎辦？別以為我講得誇張，有案例可援，那是標少經手，叫ICAC出手的。可能已經沒有人記得1999年天樂里的小販頂包案，小販檔主在食環署的小販管理隊默許下，聘用七老八十的人上庭頂認，搏取輕判。所以看一件社會事件，也要考慮周詳一點，先不要熱烘烘一面倒去like去撐。