2017年8月14日星期一

打釘後記

近日城中給那兩位體態豐腴的「金童肉女」弄得烏煙瘴氣, 一時之間, 香港人又熱烘烘的啓動邏輯思維、偵探頭腦, 一起搜尋真相來。陳校長前些時聲淚俱下, 一臉含寃受屈之相, 戲碼交足, 越演越烈, 當自己是病貓, 一於搬出「病」這招牌來避險, 搞到教育局束手無策。人家拿手好戲嘛, 演完影子學生, 現在就演影子校長, 老校失了踪影, 教育局吹鬚睩眼。不過, 無有怕, 副局長是紅色娘子軍, 對付這婆娘, 綽綽有餘。個名就好應景, 這婆娘個名有個「章」字, 生了病就是個「瘴」字, 一塌糊塗, 睇佢點收科。好簡單, 刑事調查這弄虛作假的影子兵團事件, 到其時根據《教育條例》, 話你unfit to be a teacher, 咁咪可以butcher 咗佢囉。當然, 按程序來幹, 夜長夢亦多, 郁下分分鐘又搞司法覆核, 啲law 友又有生意了。

這邊廂肥仔健的真相越辯越黑, 開始要轉移視綫了, 指責警方怎樣的不公。天「眼」恢恢, 偏偏睇唔到拐「子」佬, 咁可以點講呢? 咁橋, 個名有個「子」字, 運交華蓋, 命途當拐。我在想, 若果我給拐子佬拐了去, 打埋釘, 但執番條命仔, 坐上的士, 我唔報警, 我起碼都打個電話畀老伴, 報過平安, 以免牽掛。不過咁, 可能肥仔健好細心, 嗰個鐘數老婆可能瞓到打晒鼻鼾, 唔忍心叫醒佢, 正如佢體諒啲警察一樣, 唔想叫醒晒佢哋。

這件案怎樣收科? 好簡單啫, 當事人話要閉嘴, 要遠離政治, 要遠走他方, 要盡快完結, 咁咪去同OC Case講, 我唔再追究喇, 個OC Case篤落個file度, 3粒英文字母: NFA, 搞掂。

95 則留言:

  1. 浪費警力、報假案 及妨礙司法公正?可以就此close file 嗎?

    Terry

    回覆刪除
    回覆
    1. 就算搵到証據話佢講大話,警察點會冒著俾人話政治檢控既風險charge佢任何罪名?最多個OC case咪問候下佢家人佢兩句。唔好聽啲講呢啲嘍羅警察都唔想同佢再有任何接觸

      刪除
    2. 警方拉了



      個肥仔

      刪除
    3. Terry,

      只有S.63 or S.64 Cap 232, 不構成妨礙司法公正。

      刪除
    4. 好似最近個網定係我個iPad 有d 怪,打好的東西不能直接用匿名出,要先log out google account 才可以。

      Section91(2) cap 221 得唔得?

      再請教妨礙司法公正是否包括向調查人員提供虛假的陳述?

      https://zh.m.wikipedia.org/zh-hk/妨礙司法公正

      Terry



      刪除
    5. 俗稱的報假案而已。
      已有司法程序展開/存在, 才有「妨礙」行為吧。
      B'J

      刪除
    6. 用警察條例最直接了當, 要求的元素也最低最容易舉證。

      刪除
  2. 有請侯德健:
    "我們是不是需要用謊言去打擊那些說謊的敵人?難道事實還不夠有力嗎?那麼,如果我們真的需要用謊言去打擊說謊的敵人,那隻不過是滿足了我們一時洩恨、發洩的需要而已,那麼,這個事情是很危險的事情,因為:也許你的謊言會先被揭穿,那麼之後的話你再也沒有力氣去打擊你的敵人了。"

    回覆刪除
  3. 標少2017年8月13日 下午9:26:「各路英雄, 單嘢越嚟越無討論價值, 鳴金收兵喇。」
    但又出個後記,心情轉得好快!

    回覆刪除
    回覆
    1. 事情有變化, 長寫長有。

      刪除
    2. 既然係咁, 你咪民主d囉, 討論價值讓其自然發生。

      刪除
    3. 可以有原因刪除留言嗎? 既然冇, 呢句解釋其實無關係。

      刪除
    4. 我叫人收兵, 咁又點唔民主?

      刪除
    5. Blog主「叫」, 你自己諗諗。

      其他坊間好多假民主團體, 都係用口叫、討論、評論, 跟你現在辯駁邏輯, 世上團體只要無犯法, 皆民主了。
      你自己諗諗。

      刪除
  4. 校長遲早都會拉 ,
    但肥仔坐個架的士無奶油搵唔到 !

    回覆刪除
  5. https://www.factwire.org/single-post/2017/08/14/%E9%96%89%E8%B7%AF%E9%9B%BB%E8%A6%96%E8%AD%89%E6%9E%97%E5%AD%90%E5%81%A5%E5%AE%89%E5%85%A8%E9%9B%A2%E9%96%8B%E7%A0%B5%E8%98%AD%E8%A1%97-%E6%9C%AA%E8%A6%8B%E6%9C%89%E4%BA%BA%E8%A2%AB%E6%93%84%E8%B5%B0-%E6%9E%97%E5%AD%90%E5%81%A5%E5%8C%AA%E5%A4%B7%E6%89%80%E6%80%9D

    回覆刪除
    回覆
    1. The above link was posted by me. Interesting.

      刪除
    2. 肥仔把自己連同首席大狀的聲譽都一起埋葬

      刪除
    3. 霞姨又要被鬧了。。。

      刪除
    4. 你点知首席大狀冇份.

      ea

      刪除
    5. 就算末席大狀都唔會諗條咁屎嘅橋。

      刪除
  6. 相信差佬應該仲有其他片喺手,睇下肥仔點兜?

    另外楊岳橋之前喺自己facebook上載一段片,慷慨激昂痛陳恐慌係警方做成, 現已刪除, 止蝕動作完成, 叻仔也

    回覆刪除
    回覆
    1. 以後的71遊行,肥仔可以由第N行跳到第1排,可以同班大佬平起平坐,接受鎂光燈下的焦点,幾咁威水呀。。。

      刪除
    2. 係叻仔一開始就唔會信佢啦,成件事講到9唔搭8咁

      刪除
    3. 最睇唔起D人刪片當無發生過.

      刪除
    4. 林卓廷今早接受港台訪問都即劃清界線, 話當日第一個記招唔關佢事, 華叔在天之靈真心傷

      刪除
  7. 楊大律師講野唔跟邏輯, 好似維園阿伯只有立場。

    回覆刪除
    回覆
    1. 楊大律師個律師牌點拎返泥

      越睇佢越似曾經黃教主坐下神獸:馬草泥

      把口就快, 個腦就慢

      律師公會係唔係要考慮清理門戶呢?

      刪除
    2. 容大律師都攞到個牌喇。

      刪除
    3. 我好憎姓容個位女大律師。佢乜叉都唔識㗎!

      刪除
  8. 班抽水政客柒咗!

    http://hk.on.cc/hk/bkn/cnt/news/20170815/mobile/bkn-20170815005428276-0815_00822_001.html

    涉嫌誤導警務人員 林子健大角咀被捕

    回覆刪除
  9. 涉誤導警務人員 林子健被捕後押返寓所搜證
    http://hk.on.cc/hk/bkn/cnt/news/20170815/mobile/bkn-20170815005428276-0815_00822_001
    真相大白囉!

    回覆刪除
    回覆
    1. 【04:50】探員將林押返寓所搜查後,檢走一批證物,包括3部手機、1部電腦、1部iPad、1副黑超及1個眼鏡盒。

      林子健聲稱三日前收到內地公安的恐嚇電話, 警方查得該號碼為太空卡, 但可能有人不知道, 除了電話號碼外, 每個電話還有一個IMEI號碼, 如果來電的IMEI號碼和3部手機的其中一個手機吻合, 就無需辯護了, 直接認罪求情吧

      刪除
    2. IMEI號碼?我唔識喎。

      刪除
    3. 掟個term出來嚇死人咩!
      簡而言之, IMEI即係張卡serial no.,
      簡而言之, 即是可以與當時出call時的紀錄了的serial no.作出對比。
      找到三部手機, 好人好姐, 略多吧, 點都有些可疑, 咪對比一下囉。

      刪除
    4. IMEI 唔係機身號碼咩?

      刪除
    5. Sim卡編號係IMSI
      手機編號係IMEI

      刪除
  10. 班政額未必只係抽水嘅! 可能編導演鬧各司其職… 不過,以no.1sc嘅經驗,又無理由咁破綻百出喎?!

    回覆刪除
  11. 如果肥仔爆埋其他同謀出嚟就實好睇過啲何李活大片喇。

    回覆刪除
  12. 成件事最慘係胡志偉,開記招件事佢事前唔知,figure head表現無遺,發展至此,相信李大狀會淡出, 等人忘記佢,而收拾殘局當然順理成章由胡主席主持啦,呢鑊黨內應該有唔少微言(電台話個whatsapp羣組有過千留言, 追都追唔切),梗係啦,仲想參選嘅梗係唔想有位俾人下次入!

    個人愚見,而家最好結局係肥仔自己come clean, 𠄘擔一切,差佬會不為已甚,費事又俾人話政治檢控也,民主黨黨格同大佬英名形象又得以保存,唔使搲爆頭拆炸彈,大家好做, 大佬仲可能投桃報李,幫你諗埋大事化小添!

    不過,若然死撐,大家都會做多好多嘢,即使俾肥仔打得甩,佢同民主黨都會有排俾人講,只會慘勝

    回覆刪除
    回覆
    1. 胡主席跟本就無大佬風範,夾硬推個扶不起的阿斗。。。
      民主黨下屆立會分分鐘變一至二人黨

      刪除
    2. 果然俾我估中,果頭留完言, 就見胡志偉見記者,大佬未免太明哲保身吧!

      刪除
  13. https://www.hk01.com/%E6%B8%AF%E8%81%9E/112040/-%E6%9E%97%E5%AD%90%E5%81%A5%E8%A2%AB%E6%8D%95-%E4%BD%95%E4%BF%8A%E4%BB%81%E5%B0%8D%E4%BA%8B%E4%BB%B6%E6%84%9F%E9%A9%9A%E8%A8%9D-%E6%83%9F%E4%B8%8D%E8%BC%95%E6%98%93%E6%87%B7%E7%96%91%E5%8F%97%E5%AE%B3%E4%BA%BA
    何咁多野講,「因此直至現時,亦不會輕易懷疑受害人,甚至質疑他報假案。」
    無疑宣稱自己唔習慣有警覺性、思考全面。

    回覆刪除
  14. 肥仔明顯比中方收買咗
    嫁禍泛民,證明一地两檢無問題。

    回覆刪除
    回覆
    1. 哈哈哈哈

      信徒們請繼續自圓其說。

      刪除
    2. 民主黨現在內訌
      就是證明中共手段了得

      刪除
  15. 香港地都竟然一而再有如此不擇手段串謀惡行。

    回覆刪除
  16. 咁好明顯連肥佬黎,李大炮,林議員,肥仔仁都係比強力部門強行收買咗喇。

    回覆刪除
    回覆
    1. 嫁禍非建制,證明一國兩制無問題。

      刪除
  17. 個人對樣衰肥仔一啲好感都無,亦唔咪完全相信佢講嘅話。我承認我係岐視佢,我無辦法知道,香港有幾多人同我一樣以貌取人,但各大小媒體所 post 的意見,都似係不利於佢佔大多數,亦對差人拉佢無異議,甚至有快感,這是香港對於民主派人士,一位自稱受害人並有受襲傷痕的人,近年極之少有的反應。
    警方目前拉佢嘅理據係佢嘅口供,與可參對的天眼記錄不符,這是浪費警力! 但佢所講嘅受襲情節,又好似未有客觀人證物證(譬如話,有人證睇到边個幫佢釘十字架)去全面否定喎!

    所以好想請教標少,對於ㄧ個自稱受襲受傷的受害人,因記憶不佳口供不符,係咪可以告佢呢? 當然啦,如果警方證實到佢完全無喺西貢出現過,由或者找到打釘真兇(他本人? 有私怨的第三者),咁佢就一定死得囉.....

    但到此刻,全世界都喺度鬧臭呢條衰公的ㄧ刻,警方呢個拉人(報案人)行動,又似乎跟政府ㄧ向對政圈人士的克制,出現咗好大嘅落差喎,希望標少及各有識之士,多多指點。

    回覆刪除
    回覆
    1. 唔係加入民主黨,就個個都係天使,好多時特大利益,會令人改變,警方拉得佢,手頭上應該還有好多手照,無八,九成把握,知道佢講大話,就唔會拉佢.
      小心眼 ,亦最唔想見到 , 原來係局中局 , 以為場戲快完 , 原來還有後續 , 肥仔又攞出新証明 , 再話警方非法拘捕.

      刪除
    2. 明知肥仔有法術高人照保,警方調查一定打醒十二分精神,冇足夠証據係唔會亂charge個肥仔,唔衰揾嚟衰

      刪除
  18. 跟車太貼 ! 當年民主黨員何偉途嫖妓事件番版.

    回覆刪除
  19. 香港人好善忘 , 兩,三個月又可以從新嚟過!

    回覆刪除
  20. 我本來想在前一篇留言說“這件事毫無討論價值”,然後覺得這句也沒有寫的價值就索性不說了。

    回覆刪除
    回覆
    1. 山中兄講得冇錯,泛民一直不肯自省,戰略只會越行越錯, 咁有自信嘅對手, 共產黨點會驚你

      刪除
    2. 泛民班友係無舵輪船,自從華叔走了後個個爭做大佬,未對老共就先互相打到自己人半死,老共驚佢地條毛。。。

      刪除
  21. 唔好串標少
    標少比機會大家可以在這裡發泄發泄一下
    平時大家都要正確討論事件,實在有點悶
    今次大家可以各執己見。真是多謝老標。

    回覆刪除
    回覆
    1. 寸我無所謂, 大家開心咪得囉, 唔打釘就得喇, 我怕痛。

      刪除
  22. 【反東北加刑】上訴庭准許加刑 12被告入獄13個月
    律政司要求改判13名被裁定非法集結的反東北撥款示威者即時收監案,上訴庭三位法官聽罷雙方陳詞後,認為案件涉及暴力、造成後果,考慮犯罪動機,原判社會服務令絕非合適,是違反判刑原則,明顯過輕,法庭有責任作出有阻嚇判刑,為維持公眾利益及秩序,故以入獄15個月作起點,考慮到各人已完成服務令,判其中12名被告入獄13個月,其餘認罪的被告判囚8個月。法官楊振權指判年青有抱負既年輕人入獄不是法庭樂見,但必須判阻嚇刑罰。

    黃浩銘被帶離法庭時大叫「土地屬於人民,還我民主規劃,公民抗命無畏無懼」。黃最後叫加油,庭內有人和應「加油」,而何潔泓聽到判監後即時落淚;梁曉晹則一直雙手合十。庭外旁聽的市民得悉各被告被判13個月監禁一片嘩然,有人拭淚質疑判刑過重。
    本案被告為社工梁曉暘、社民連副主席黃浩銘、劉國樑、梁穎禮、學民思潮前召集人林朗彥、朱偉聰、土地正義聯盟召集人何潔泓、周豁然、嚴敏華、招顯聰、郭耀昌、黃根源及陳白山。他們去年初被判接受80至150小時社會服務令,而他們已全部完成服務令。
    http://hk.apple.nextmedia.com/realtime/news/20170815/57082514

    回覆刪除
    回覆
    1. 我覺得重手,但班友連牆都撞爆,唔抵可憐。

      刪除
    2. 明明黃浩銘當晚阻止蒙面人士企圖用鐵馬衝擊玻璃門,話村民唔係咁諗,更自此被勇武派譏為村長

      刪除
    3. 13個月,仲重過某啲非禮、風化、危駕判刑,以住示威案件,被告不為個人利益,多數服務令或缓刑,今次咁重手,慘

      刪除
    4. 勇武果陣又話無畏無懼?做乜一判坐監就個個淆晒底?

      刪除
    5. 老友,勇武同此案被告係兩範人黎喎

      刪除
    6. 世上最可笑最悲慘的事情莫過於煞費心機要向統治者賣好 展示自己並無逆反之心 不惜出賣同路 可是統治者的狗不領情 照樣送你入監倉

      黃村長 你未來的日子過得好嘛

      -------

      左膠抵死 村長當晚極力阻止衝擊立法會 但統治者們并未因此而饒過牠. 叛徒的下場可恥又可笑


      馬鹿在FB上的留言

      刪除
    7. 馬鹿有冇FB條link?

      刪除
  23. 想請教其實上訴庭法官若真有如此的態度有冇問題?

    http://hkm.appledaily.com/detail.php?guid=57079714&category_guid=6996647&category=instant&issue=20170814

    回覆刪除
    回覆
    1. 表面看, 楊官驚堂木的確是拷大力了。
      不過這是單一報導, 且不見前因充分描述, 要看郭是否用了冥頑不靈的糾纏篇幅了。

      刪除
    2. 判辭未上載, 暫不評論。

      刪除
    3. 感覺不只政治案件,很多案件法官庭上如何詢問控辯雙方,經報導後大眾已可猜到判決結果。這樣還有公平審訊嗎?

      刪除
    4. 我會這樣看, 法官如果傾向有某種看法, 在庭上向兩方提出, 可以給他們陳辭的機會。

      刪除
    5. TT, "經報導後", 可以唔同晒, 呢D係無可奈何既。

      刪除
    6. "我會這樣看, 法官如果傾向有某種看法, 在庭上向兩方提出, 可以給他們陳辭的機會。" - I agree. 講出聲俾雙方有個機會陳詞係好事!

      刪除
  24. 請教標少,推翻判決機會大嗎?

    https://thestandnews.com/politics/%E9%83%AD%E5%8D%93%E5%A0%85%E5%86%8D%E6%8F%90%E8%A6%86%E6%A0%B8-%E8%A6%81%E6%B1%82%E6%89%80%E6%9C%89%E8%AD%B0%E5%93%A1%E9%87%8D%E6%96%B0%E5%AE%A3%E8%AA%93/

    回覆刪除
  25. 個官技規
    有哂佐證
    想推都難

    回覆刪除
  26. 掟西瓜落海喇!

    回覆刪除
    回覆
    1. 老標唔見咗呀!

      刪除
    2. 大佬, 我唔係鍵盤戰士。今早去打波, 之後陪老伴去街, 在街上我唔答留言架。

      刪除
  27. 誤會了!誤會了!
    对不起

    回覆刪除
  28. 13個月,堅靶9隻幾,當度吓假囉!常日衝得就預咗咖啦…

    回覆刪除
    回覆
    1. 以後啲人就預咗, 之前就無預過。

      刪除
    2. 到庭聽審的前立法會議員梁國雄指,據他所知大部分被告均會提出上訴,但現時要先拿取判詞才能提出上訴或到終院申請保釋。

      梁又指律政司提出刑期上訴不合理,因為原審裁判官已有事實裁斷,且已判處社會服務令,但律政司並無覆核原審的定罪裁決,而上訴庭卻就原審的事實裁斷自行再作裁斷,認為這種做法是無視法治精神,是三權合作逼迫示威者。

      Copy from on.cc

      真心想請教,個犯都釘左,DoJ 點樣appeal conviction?

      刪除
    3. DoJ無appeal conviction, 也不會, 只是application for review of sentence. 下一篇講新界東北案。

      刪除
    4. 我知DoJ冇appeal conviction,我係follow唔到長毛嘅logic啫

      刪除
  29. 何俊仁真令人失望
    如果找人扮肥仔,為舍不做埋虜人上車咁笨?

    回覆刪除