「扑嘢」議員

批生存空間窄 游蕙禎：青年無房做愛

【明報專訊】前日喺理工大學有個「香港2047議會抗爭與統獨之爭」論壇，請嚟4名立法會新丁交流，大家原本集中講論壇議題，臨近尾聲，出席者之一游蕙禎（圖）喺講緊社會空間不足時，突然爆咗句「就算我哋要扑嘢（做愛），我哋都搵唔到房去扑」，令台下唔少觀眾嘩然。

Emily打電話畀游蕙禎問吓「扑嘢」論，佢助手就話佢唔方便，要遲吓先覆。

有人撐一語中的 有人批不雅

游蕙禎原本講緊香港移民福利政策，話認為若果單程證審批機制一日唔取消，香港嘅福利都只會被外來移民壟斷。佢批評政府無幫過香港嘅年輕人，之後愈講愈激動，話大學畢業生做嘢之後要還貸款已經辛苦，仲連生存空間都不斷被縮窄，「就算我哋想要扑嘢，我哋都搵唔到房去扑」。

論壇喺大學校園舉行，但當時唔少聽眾都係婦女或非大專生，佢哋聽到之後都嘩咗一聲。事後唔少人喺網上討論，有人撐游蕙禎一語中的，亦有人批評佢用字唔文雅，有失議員身分。

噚日凌晨3點幾，游蕙禎就喺facebook打咗篇「點解後生仔連野（嘢）都冇得扑？」嘅論壇後記，入面無回應佢嘅「無房做愛」論，只係講年輕人搵工難、又負債，仲要「年青人就連扑野（嘢）的場所都買少見少，連扑野（嘢）都要排隊」，認為社會實况難以令人抱有憧憬。

(5/10/2016 明報)

看來我應該被香港傘後的一代淘汰了, 如果我批評游蕙禎的言論粗鄙, 恐怕又要被人說阿叔你離地。有人認為她一語中的, 真的嗎? 講粗口來表達不更加赤裸裸的坦蕩蕩嗎? 一語中的抑或這是她的日常語言口沒遮攔衝口而出呢? 今時今日性觀念開放, 性的討論已不是禁忌, 可是議題不是講年青人的性行為, 而是講抗爭、統獨喎? 離了題不在話下, 凑巧論點涉及年青人的前途和出路而要扯到性方面, 無需神聖也無需粗鄙, 游議員中文系出身啊, 用詞真的這麼貧乏, 表達得斯文一點也不能? 她可否把話說成: 年青人也有性需要, 他們連滿足這需要的地方也沒有? 意思清晰, 語言嚴肅, 真的連這種能力都沒有, 你是女神抑或神女?

兩星期前, 中大百萬大道上, 6賢打雀論英雄(下次揾多1個喇, 竹林有7賢), 他們挑戰權威。萬一有人「扑嘢」缺空間, 幕天蓆地, 在繁星見證下, 被倒霉的保安碰到, 高聲質問犯了那條校規, 請問保安大叔點回應。到頭來可能被指Peeping Tom。這是一個歪理的時代, 比二次大戰後的荒誕劇還要荒誕, 不夠vulgar你就離地, 不粗口爛舌你就掉隊。

性交點解叫「扑嘢」? 網上眾說紛紜。讀書時我未聽過, 因為這種語言不是當時學生貼地的語言, 我第一次聽是來自一班稔熟的大狀的口。我相信這下三濫廣東話是英文譯音而來, 不是"bonk"就是"poke", 都是性交的意思。"Bonk"是個用得很普遍的字。"Poke"字我還是近年仔細聽歌舞劇 Les Miserables的歌詞才學曉的, 就在Fantine賣肉養孤兒的一幕, "Lovely Ladies"一曲的歌詞。以讀音和詞意而言, 這兩字似乎最接近這「扑」字。

如果粗鄙成為賣點, 罵娘展示豪情, 善於為滅鼠出謀獻策出了「鼠王芬」, 如此類推, 新晉來了個「扑嘢精」。希望不會在國際媒體見到這報導。失禮死人! 哀哀蒸民, 雨傘的一代給「扑嘢的一代」淹沒了。