2016年3月2日星期三

魚蛋西施

上一篇講熟食小販, 使我想起了一個魚蛋粉的故事。

讀中學時有同學住在長洲, 有一次招攬了幾個同學到他家中玩耍, 他帶了我們到碼頭旁邊吃魚蛋粉, 其實想我們見識一下魚蛋西施。當年是年青小伙子, 除非特別的豬扒, 否則女人都是美女, 見到那兩女子, 現已不記得是否沉魚落雁, 依稀是鄉村娥媚, 皮膚白裏透紅, 少年無醜婦。至於魚蛋粉是甚麼味道已記不清了。女兒年幼時帶過她們去長洲多次, 但沒有再幫襯過。倒是移民後有一年刻意造訪, 想追尋過去的食味, 可惜碰上東主有喜, 摸了門釘。碼頭旁邊的排檔已在多年前拆掉, 重建成比以前大的熟食市場, 而魚蛋西施的粉麵檔也遷了入鄰近的店鋪經營, 招牌依舊, 名叫張記。

我最近返港就刻意走去長洲逛逛, 雖然是閒日, 渡輪也爆滿。下船的第一感覺, 嘩! 仲多人過崇光門口, 真有點意外。在船上聽到四鄰話語, 已知同胞跟上帝一樣, 無處不在。船上的情景, 雖然在心理上已有所預期, 落船時見到碼頭的擠逼, 始終超出預期。魚貫而行經過張記, 排隊的人並不算太多, 於是慫踴老伴吃其西施魚蛋。招呼人客的阿姐十分麻利, 三扒兩撥就安排好座位。我少時已吃過香港仔謝記無數次, 正一由細食到大, 食到佢執埋。筲箕灣的安利在移民前也吃不少, 因為在東區居住及在西灣河上班。張記卻久違了。以前打魚蛋的狗棍已給人吃到絕了種, 張記用來打魚蛋的我相信是門鱔。味道不錯啊, 也比安利便宜。游目四顧, 那幾個阿姐無一個似西施喎! 心中嘀咕, 可能當年無知, 把女人都當西施。標少年紀大了, 求知慾仍然很強, 不恥下問是我的強項。可是, 斷不能直接了當問誰是西施。這樣問法不恥會變無恥。於是, 趁未埋單前, 剛巧人客較少的時候, 乘機問下那位做事麻利的阿姐。阿姐, 請問你哋啲炸魚皮係乜魚嚟呀? 門鱔皮。一如所料, 是門鱔。我又再問。 阿姐, 我好多年無嚟幫襯, 你哋依家仲係唔係以前嗰代人打理生意呢? 唔係囉, 嗰啲女移咗民去加拿大, 佢哋仲係好靚, 依家由個仔打理, 佢哋嘅細佬。嘩! 阿姐真醒, 就係知道我想知嗰兩個西施嘅下落。最後, 我話我第二次飛返嚟再嚟幫襯。

唉! 咪一味講本土, 好食嘅嘢人哋大陸同胞咪都嚟撐你場囉, 喺安利同張記門口排隊嗰啲都唔少係大陸人, 有麝自然香。長洲嗰啲芒果糯米糍咪喺香港做到成行成市, 眼光闊啲就唔會開口埋口淨識講本土。

15 則留言:

  1. 上次到長洲和食「張記」,是廿多年前的事了,記憶味道一般,「魚蛋西施」,更全冇印象。當年長洲,是魚村風情,遊人稀少,環島一周行,傍晚食平價海鮮,感覺一流。

    「仲多人過崇光門口」,崇光門口,已要兜路行,長洲呢幾年,應該唔會再去。

    回覆刪除
    回覆
    1. 我反而沒有在長洲食過海鮮。年紀大了就愛緬懷過去。

      刪除
  2. 這類本土食店除了能保持品質,沒有租金壓力也是生存好條件。如果在中上環租舖,早已轉讓給國際咖啡店快餐店之類。如果長洲有優良本土食店,又有好海景和沙漠,很多內陸人嚮往,怪不得長洲多人去了。早前自殺的學者江緒林也寫過對長洲的好感。
    我印象中本土派有驅蝗派和非驅蝗派分別。 KKC

    回覆刪除
    回覆
    1. 我從沒花時間去豣究本土主義。

      刪除
  3. 謝記 - the food quality is quite consistent
    安利 - much worse than before, quite salty and very expensive now
    張記 - average

    回覆刪除
  4. 去年香港遊客逼爆長洲。長洲居民埋怨港人爭船爭路。
    與港人埋怨陸客有異曲同工之妙~

    回覆刪除
    回覆
    1. 咁得意, 我睇漏咗呢單新聞。

      刪除
    2. http://std.stheadline.com/yesterday/loc/0407ao04.html
      http://the-sun.on.cc/cnt/news/20150407/00407_037.html
      http://hk.apple.nextmedia.com/news/art/20150406/19102780

      網媒將事件與人民日報關聯,雖然倒果爲因,亦可見用心良苦
      https://www.thestandnews.com/society/%E9%95%B7%E6%B4%B2%E9%80%BC%E7%88%86-%E4%BA%BA%E6%B0%91%E6%97%A5%E5%A0%B1%E7%86%B1%E7%83%88%E6%8E%A8%E4%BB%8B/

      刪除
    3. 人民日報推介長洲, 可能使長洲逼爆, 但沒有惡意, 等如旅遊雜誌推介景點一樣。

      刪除
    4. 還有 人民日報 是4月9日,已經係逼爆之後的事

      刪除
    5. 算是照顧該網媒讀者口味吧

      刪除
    6. 連factual causation都無 哈哈

      刪除
  5. 有樣學樣

    東區裁判法院下午在不足1小時內,先後有兩批合共9名疑犯(23至44歲)集體報稱不適,消防派出5輛救護車接載疑犯到東區醫院診治。有疑犯抵達醫院時高呼:「有乜理由一安士冰都唔畀保釋,動亂嗰啲又畀,我哋全部特登嘅!」

    http://hk.on.cc/hk/bkn/cnt/news/20160304/photo/bkn-20160304163015389-0304_00822_001_01p.jpg?20160304202726

    回覆刪除