麻雀文化遺產發揚光大協會突然要搞選舉，畢屈太是創會會員，經歷十多年的人事更替，一向都沒有選會長，都是毛遂自薦的，由勇於承擔的人站出來做。畢屈太對吃喝玩樂當仁不讓，就年年都自薦做會長，想著千秋萬世，死而後已地去做。可是，好景不常，雀友中出了個造反派，依樣畫葫蘆，覬覦這雀位。雀位，不是爵位喎，都有人垂涎？世事就是這樣無聊，講到底就是權利慾。講開垂涎，不難聯想到唾手可得，很多人都把它誤作垂手可得，以為是伸下手就拿得到的意思，其實是唾手可得，即是向手吐啖口水，易如反掌的意思。畢屈太以為是打麻雀時，伸手摸牌，隨時自摸槓上花，所以在她概念中，不單止是垂手，還是自摸槓上花。對於會長這職位，她又以為自己可以年年冧庄，做其永遠會長，直到永遠，阿門。自摸吃餬，還有誰可以搶得到。幾乎無，但是人家吃十三么卻是例外。畢屈太這一回真的遇上做十三么的人。
「老公，你話有乜道理，我年年做開，搞乜選舉啫，又話唔准做超過四年，擺明搶我個位啫。個雀會唔喺我搞出嚟，佢哋邊有得玩喎？依家仲出嚟爭，唔鍾意咪唔好嚟打囉，你話依家點對付佢？」
「老婆，叫黃太出嚟做會長囉。黃太咁聽你話，佢做同你做咪一樣，到時你做會長後面嗰個會長囉。」
「都好，不過依家話直選喎，點叫黃太做呀？」
「好易啫，用直選名義實行曲選囉。」
「點曲選呀？」
「嗱咁咪得囉，佢哋唔少人以前問我攞法律意見，欠我人情，我叫佢哋出嚟講，話黃太人品好，唔使選啦，一於叫佢做，咪得囉。個個都造馬架啦，香港選特首，咪一樣係咁，御筆欽點，點邊個選邊個。」
在畢律師的疏通之下，黃太當上了麻雀文化遺產發揚光大協會的會長，畢屈太捐了點錢，成為永久榮譽會長。那些雀友，把民主選舉忘得一乾二淨，有一兩個記得的，也不堅持，反正中國人做了幾千年無選舉的愚民，這源遠流長的文化遺產，豈能不接受，遺產喎，你唔要咩？
「老公，你話有乜道理，我年年做開，搞乜選舉啫，又話唔准做超過四年，擺明搶我個位啫。個雀會唔喺我搞出嚟，佢哋邊有得玩喎？依家仲出嚟爭，唔鍾意咪唔好嚟打囉，你話依家點對付佢？」
「老婆，叫黃太出嚟做會長囉。黃太咁聽你話，佢做同你做咪一樣，到時你做會長後面嗰個會長囉。」
「都好，不過依家話直選喎，點叫黃太做呀？」
「好易啫，用直選名義實行曲選囉。」
「點曲選呀？」
「嗱咁咪得囉，佢哋唔少人以前問我攞法律意見，欠我人情，我叫佢哋出嚟講，話黃太人品好，唔使選啦，一於叫佢做，咪得囉。個個都造馬架啦，香港選特首，咪一樣係咁，御筆欽點，點邊個選邊個。」
在畢律師的疏通之下，黃太當上了麻雀文化遺產發揚光大協會的會長，畢屈太捐了點錢，成為永久榮譽會長。那些雀友，把民主選舉忘得一乾二淨，有一兩個記得的，也不堅持，反正中國人做了幾千年無選舉的愚民，這源遠流長的文化遺產，豈能不接受，遺產喎，你唔要咩？
有源遠流長的文化遺產，不限於中國人，還有印度人，菲律賓人，泰國人。既然多數人選擇延續文化，也算是「民主選舉」吧？
回覆刪除也可以替他們啓蒙啓智，無需死守傳統。
刪除我的畢屈系列，只有我生活圈的幾班不同的朋友，才知我在諷刺甚麽人。