2016年12月24日星期六

誰搶貴了成熟的櫻桃

今年澳洲的櫻桃是有史以來最貴的, 我去年總會買2、30公斤, 今年截至現在只買過5公斤, 每公斤$10, 這種貨色去年只需$5就買到。很多人的第一反應就是: 畀大陸買晒。這種講法距事實甚遠, 始終是新鮮蔬果, 出得口的空運成本高昂, 只有上等貨色才能承受得起這種嬌貴。昨天在市場所見, 上等貨色要$65一盒兩公斤, 去年買塔斯曼尼亞那些頂級貨, 只需$40, 所以今年會少吃一點。那麼, 價格上升的原因為何? 主要是天氣反常, 近收成時氣溫比正常低, 今年雨水又特別多, 所以收成只有去年的四成。在這情況下, 貨錢貴一倍就不稀奇了。不是大陸人而是大自然使櫻桃漲價。

大女兒3個月前回來探望兩老, 閒談間赫然發覺她用的Oral B 電牙刷頭要港幣$50一隻。嘩! 搶錢, 即是澳幣$9一隻, 我半年前趁Costco減價, $20有10隻, 買了20隻, 於是叫女兒帶回去用, 女兒只帶了幾隻。最近親友來訪, 我就看下有甚麼讓他們捎回去, 他們的蜜糖還有太多存貨, 我確認他們有用電動牙刷, 便在Costco買了幾排牙刷頭, 雖然Costco也漲了價, 10隻牙刷頭也只是A$27, 換算港幣也只不過是$15一隻。送了20隻給他們帶同去, 在香港價值$1000, 這裏只花$300就買到。

是誰搶貴了香港的物價呢? 元兇一定是地產商, 租貴物價一定會貴, 一間麵包鋪要月租50萬, 菠蘿包$5、6一個, 每天要賣多少個才維到皮費? 真的能教人不瘋嗎! 大風就可以吹得很遠的一個菠蘿包, 要吃幾多個才飽?

去年朋友問我澳洲出這種Emu油要多少錢:


她覺得好用, 香港的專門店賣$99一瓶。我在藥房和禮品店都找不到, 又不是甚麼名牌, 正在苦惱不知在那裏可找到, 於是去逛超市, 赫然發覺, 原來是平到不得了的貨品, 只售3個幾, 比一杯regular size的cappuccino還要平(細杯的cappuccino都要3個8), 約港幣$20, 於是買了10個8個回去。我返香港仲有乜值得買回來? 除了海味和茶葉, 我偶然會買的是casual 的衫褲, 因為cutting較合身, 而且悉尼買衫不包改, 長褲改短下也很昂貴。除此之外, 我真的沒有興趣買其他東西, 回流返香港更不用想, 我那有錢買個舒適單位來住。

42 則留言:

  1. 標少,香港係購物天堂這美譽早已經浪得虛名。我有時同人講大家小學時課本內容什麽維多利亞港水深港闊、購物天堂,都係諷刺一番而已。今天在書店看到 Christie Agnatha 小說,80多大元。上網海外訂連 運費,才50多元。香港香港已死了好一段日子了。多年前我已經改在外國網站買書(中文書還只好在香港買)、去旅行到日本買衣服同家居日用品。西裝恤衫還是在香港度身訂造。我不要名牌,只要品質好,但在香港,我覺得是很難找到的。

    誰偷走了我們的香港。Terry

    回覆刪除
    回覆
    1. Terry,

      Agatha Christie的偵探小說我很久沒有看了, 也真不知價錢了, 現在返香港幾乎只買中文書, 英文的不買。香港的東西貴到離譜(相對於一般人的收入而言)。誰偷了我們的香港? 那些人暴發? 那些人就偷了香港。

      刪除
  2. 標少用過你當地的蚊怕水moov 綠色盒roller 頭嗎?正嘢,但香港買唔到。可以考慮作為手信。Terry

    回覆刪除
    回覆
    1. 無用過, 我以往用過覺得最好是Bushman, 在紐西蘭Milford Track行山對付 sandfly最有效。被sandfly叮到痕足七日, most irritating.

      刪除
    2. 下次返去我可以考慮帶Moov。其實我根本不太想返去, 住得不太舒服, 可免則免。有時睇那些上車盤的新聞實在欷歔, 百幾呎單位; 搞盡腦汁去設計, 五臟俱全, 舒展的空間也沒有, 無蝸的為了這牢籠作為生活的目標。不是講風涼話, 儘管同情這一代人, 我不為此而活。這樣落去, 有些人千秋萬代富死, 另一極端就窮死不能脫貧。政府的守財奴卻看着貯備膨脹而沾沾自喜。

      刪除
    3. Bushman DEET 成份超高。留意各國建議DEET 含量。

      http://technews.tw/2013/07/31/deet_lasts_3hrs/

      MOOV 不含DEET 可驅sandflies

      https://www.asteronline.com/products/root-first-aid--supports-first-aid-remedies-mosquito-repellents/ego/ego-moov-insect-repellent-roll-on-50ml/pid-11240828.aspx
      Terry

      刪除
    4. Thanks mate. I will bear that in mind.

      刪除
    5. 我往往覺得這一代人係比較悲的,物價樓價貴一倍以上、人工比以前差不多、機會就減少、競爭又大,年青人不是絶望,還剩下什麼。基本沒有可能有推動力。

      如果我係特首。。。可以做些什麼呢。Terry

      刪除
    6. https://en.tripadvisor.com.hk/ShowTopic-g294331-i883-k3955040-Best_mosquito_repellant-Fiji.html

      Post numbered 7 and 8. 用家意見。Terry

      刪除
    7. 「如果我係特首。。。可以做些什麼呢」, 我想了一會, 答案只有一個: 辭職。

      刪除
    8. 2016年12月24日 下午9:58

      好多野都變晒,真係唔可以睇回頭

      不過我相信一樣野,就係儲錢等機會

      唉......班後生......又要玩,又要駛,又要有棟樓

      以前D人挨幾份工,都係慳得黎先上到樓......

      淨係對比數字,意義真係唔大

      好多野都變左普及,尤其是教育同埋大學生......香港人浪費係所謂既「高等教育」既鐲反而最多......



      二哥

      刪除
    9. 很明顯新一代吃苦的能力較低, 也很明顯地產商的歛財能力高, 只能靠政府去平衡, 政府有做到嗎? 就算正職加兼職的收入, 相對於樓價, 也只是泥牛入海。

      刪除
    10. 上年行開西環,四佰多尺唐樓4.3 million. 當兩口子每人兩皮一個月,比你㸃吃苦,共儲蓄三皮一個月,四年有首期,未計裝修、釐印等費用,之後同樣生活八年多,未計利息支出。
      一般不是專業人仕,還可以靠可控可見的升職加薪令負擔減輕,有一絲絲希望,一般市民或其他畢業生的人生是如何的? 希望在哪?Terry

      刪除
    11. TO標少

      政府可以點平衡?

      樓價跌可能一堆人破產跳樓

      樓價升可能一堆人只係生活質量差,未去到破產死人

      你係政府你點做?

      97正正是好例啦

      Terry,你唔捉97因樓價大跌走出來推翻一個想壓樓價既政府果50萬人?

      希望係果陣就比佢地滅左啦

      二哥

      刪除
    12. 所以你話如果你係特首,辭職是正確的

      二哥

      (剛剛刪野時刪埋左呢句)

      刪除
    13. 我真不懂, 當政府講八萬五時, 我一直都支持, 搞得不好也是失衡的問題。不能安居, 潛在的社會風險也不少。政策上是兩個極端的擺盪,也是失衡的結果。

      刪除
    14. 確實好難平衡架......應該話無得平衡

      因為資本方同平民方一定有衝突

      資方你令佢無得賺,佢實走去其他地方賺,香港既資本出入咁自由

      咁樣既話失業率高企(建造業),稅收大減,資本外流就變成嚴重經濟問題

      雖然炒炒賣賣我唔認同,但炒賣既過程其實好多人係可以過河濕腳,賺到D,肯消費
      (雖然消費出去既錢很大比例又番到地產商,業主呢D資本家手上)

      係咁既系統底下,大家飽到肚唔係問題,但係想追求財務自由達到人生自由

      係需要一定既勤奮努力,人緣天運

      香港絕對係個機會城市,但係資訊發達,成日係度人比人比死人,網上一大堆極端失敗CASE SHARE就信晒,搞到自己無希望既人自己都要負一半責任

      我自己就好好彩,雖然阿爸阿媽無乜野留到比我,最好既就係佢地自己有積蓄,自己搞得掂自己,同埋由細到大叫我出黎做野挨10年苦儲錢再等機會,現在我挨完10年儲左一筆錢,等經濟爆死去FULL PAY買樓,我錯過左0809,當年18歲,亦都係令我定落儲錢等機會呢條路

      二哥

      刪除
    15. 二哥你本事啫。作為政府施政, 不能指望市民個人的本事, 政府不應向地產商偏側, 要以行政政策來干預。

      刪除
    16. 上網查下,一般認為供樓或租金不應超過收入的30%。超過的就不太健康了。政府政策不應該令樓價去到一個人只為供樓而活或超過這負擔界綫。政府要面對的當然包括你所講的兩個情況-樓價高無香港人供得起;樓價大跌,上了車的人可能面對的財政問題。但各地政府都要面對這問題。只係你覺香港政府在這方面做得如何?

      今天政府就市民的供樓負擔能力的風險控制比97年的不同。97 年不少人供多過收一半,利息10厘,佢地出嚟示威有乜問題?有乜好捉?希望又點比個班人滅了?你點知佢地無捱十幾二十年將當時買入的樓好好的供滿了?Terry

      刪除
    17. 政府唔係無試過壓地產商

      結果如何?董建華被鬥到腳痛落台,出左個曾生,結果又如何?

      梁振英竟然未上台都有人要佢落台,究竟係咩力量控制下要佢未有政績就落台?

      想搵地起公屋都難,又環保團體又保護家園雲雲,政府可以點做?

      有幾多立意係惠民既政策比反對派講成係私相授授?

      政府想做既惠民政策都要被反對派BLOCK晒,點解?因為政府真係搞得掂民生,佢地就要摺埋架啦

      君不見台灣,蔡大媽將之後國民黨想做既德政但比佢地推翻左既再通過咩?

      香港以前一直係個崎型遊行文化,只有反對既出黎遊行

      支持既一直坐係屋企,輪到佢地變成愛害者先出黎反對

      佔中後先有支持團體出黎搞支持遊行,唔係通通只有反對聲音

      我唔係想幫政府,但眼見政府有力難施,成班人都比人帶風向去X政府X左咁多年

      係咪應該去想下其他真係唔係政府問題,係反對派想要既結果?

      =========================================================================
      咁你諗唔諗到點樣解決?
      一個賺50K既人同賺12K都想租地鐵上蓋物業
      50K既人覺得9K租金無問題,唔超佢30%
      12K既人覺得有問題,因為佔佢60%
      咁可以點?係市場問題定係果12K既人不自量力?
      香港一直係市場經濟,價高者得,又唔係第一日係咁
      要怪,怪晒全世界,自己無問題一定最容易
      香港又有傳媒願意幫D人將所謂既不公擴大
      究竟係真係不公平,定係D人想不費吹灰之力將人地好努力得來既成果佢都要呢?

      除左新加玻,將所有樓按政府分配咁濟,都唔係幾睇到各國大國算解決呢個問題好徹底
      新加玻點解又做到啊?馬六甲海岸既錢佢地夠駛夠用啊
      香港政府憑咩賺錢啊?稅收咁低,高價賣地既收入去支持香港政府既痴線基本支出,其實就係要全港人供樓當收稅啊

      佢地出黎示威係無問題啊,但係佢地既示威間接令一個想壓制地產商既班子落台,下一任上位既醒目仔,見到掂地產呢一個餅既慘死,咪唔再搞公屋居屋,舒舒服服完左任期咪好囉,地產商咪繼續坐大囉

      好多人都捱完層樓啊,我都唔少呢D客,挨完高息供完,等於買兩層樓既錢,然後點啊?然後佢地既想法大多數都係層樓繼續高價啊,因為佢地上晒岸啊,有咩事按層樓既價值都高D,有咩事移民時拎走既錢都高D啊,唔係黃子華既魚蛋論係咩啊?

      政府有力難施,反對派又日日洗腦
      我都成日同後生講,政府好難靠,乜都要靠自己,靠人地既野一定唔安全
      自食其力自己努力,仲有唔好人比人,呢個世界好複雜,唔係咁單一可以比既

      德國人覺得賣層樓比人,賺10%已經覺得心滿意足
      你係香港,搵到呢D人咩?
      果班咁既成日叫搵唔到希望賺唔到錢既人,賣部IPHONE炒價比人,賺20%,賺信用卡積分,低1%比人都唔得啊
      其實,問題炒風文化係咪深深入左香港人骨髓?即使平時X炒賣X到最大聲果批人
      ==========================================================================
      最後,我唔係為左幫政府講好話
      政府係靠唔過,大商家一直渣住各國政府既春袋(亦即係經濟)
      政府玩野,商家聯手隨時玩更大,到時係更大既怨氣要呢個班子倒台

      所以,年輕人,記住要靠自己,出來行挨十年八載等機會無壞既
      不過,係物慾縱橫既香港,溫室長大既孩子,又有幾多個會聽?大部份都淨係怨,我老豆不是李嘉誠喳!
      有時真係想反問,你想唔想你個仔都繼續傳承呢句金句啊?

      ========================================================================
      發洩完XD

      二哥

      刪除
    18. 二哥,

      你在發表, 並非發洩。

      刪除
    19. 當然如果做到一般人都可以用不超過30%來供或租樓,當然無問題,大家收入不同,住半山又得,住大西北又得,問題係是否現況可以譲一般人都租或供得到樓而又唔要超過30%先。老兄你儲了十年銭,當一個月兩皮,都二百幾萬,咁都未能上樓,樓市不奇怪嗎?此外,occupy Central 後係多了人出來遊行以示支持,但不要忘記不少係統領下的安排,我朋友在中資銀行做,講明要今次遊行,該行要交幾多人出來。當然各人要努力上進,但當下年輕人的將來如何?是否努力上進後,供過20年樓,去住180呎有找的房屋,這是年輕人的出路、是他們的目標?Terry

      刪除
    20. 標少

      聖誕快樂~

      我在發表,也在發洩XD~

      ========================================================================
      係市場經濟下,價格主導,奇咩怪姐?咁點解你唔0809去買樓?果陣有D100萬都唔駛既樓現今4,5百萬啦
      要怪你唔去怪埋美國佬?
      佢QE到美元咁癲,間接拉低左港元既價值
      令到乜原材料資源都無既香港要比更高成本入貨,加上班後生既只想係OFFICE嘆冷氣無乜人出黎做建造業,以前請開果班平工人,因為澳門大起酒店比人高薪請左過去,又要高薪先肯番黎,樓價點跌啊?手持呢堆數據既政府點敢壓樓市啊?只會壓到地產商買地都唔敢買,因為根本賺唔番地產商要比銀行既利息同埋股息,咁樣香港政府靠果丁屎咁多既稅收真係食得屎

      以前D人都係靠經濟大爆發果段時間搵得多先五年內上得到樓,大佬,經濟唔會變架?睇番香港歷史啦,樓價股價高既時候失業率先低,因為有好多公司老闆,甚至大機構都會炒野架,你整爆左樓價,一D公司破產,一D公司裁員,失業率更高,銀行亦唔再容易借錢比人買樓,咁樣咪似97,0809咁樣,樓價再低果班無儲蓄既人都係買唔起架啦。現在出現200呎200萬既樓啦,15K人工30年拉長黎還,每月33%左右供款,理應同你講既對得上啵。但係點解都係咁多聲氣啊?因為賺15K既人想200萬買現在市場600萬既樓啊,現實與佢地既理想不同啊,而佢地又唔願接受現實啊,想要政府幫佢地整個烏托邦出黎啊,亦即係發緊夢啊!

      你話遊行示威有人統籌,我信架,而我亦都信唔少人係自發架,我自己就係其中一個,好大原因係羊群心理,人少一定吸引唔到人出黎架,人多自然吸引到其他人自發出黎。佔中果陣,好多外國人中午LUNCH TIME出黎坐住食飯盒撐,比CNN影相,吹到外國人好認同,大佬,我有朋友係美國銀行大廈外資機構做,佢地既阿頭落命令要"外國人樣"既人落去撐同埋比CNN影相,咁又點計啊?你以為反對派果邊全部都自發啊?

      年輕人計劃要做,亦要懂得變,個世界個市場唔會跟住你既願景去走,一定有意外
      我自己儲左成千萬,萬一樓價十年內唔跌,我都係買唔到自己心儀既樓,唯有繼續等囉
      再加上,點解香港人一定要望住層樓做人姐?點解人地外國租樓都好自在,係乜X野核心價值令到香港人一定要人人都有自己既樓?其實咪又係魚蛋論,人有我無嘛,我租樓等於幫人地供樓嘛,咁樣好蝕丫嘛,日日比傳媒比老豆老母洗腦,個個既目標都同層樓綑綁,係咁強大既剛需底下,樓價點會跌啊?好多盤一開無幾耐就比人掃晒(辣招前),其實係咪代表根本好多香港人係買得起,而買唔到果批懶LOOSER其實係咪佔好少數?只不過傳媒喜歡集中報導佢地,令你都覺得年輕人係全部無晒希望既人咋?唔識慳,又好食懶做去到邊度都死啦,香港又係物質天堂,定力唔夠就駛左錢啦,我有兩個朋友,去澳洲農場打工三年,減晒肥瘦晒身,袋番400萬港幣番黎結婚買樓,咁又點計啊?佢話農場山卡啦地方想駛錢都無得駛先儲到錢,你班香港LOOSER食住老豆老母又駛得大,仲點儲錢買樓?你試下問果班人,100萬既樓當FULL PAY佢地都未必靠自己拎得出黎買啦,究竟係樓價高定佢地根本無儲蓄,唔想儲蓄又駛得大,買唔起樓就賴樓價高啊?

      反對派遊行人數日益減少,香港真係咁X差既,點解玩唔到多次50萬人以上既遊行啊?佔中都係得20萬,最高峰的時候,仲要係反對派X UP既數字!

      最後,唔想同你糾纏係正唔正常呢個問題上面,不如你給個解決方案比政府啦,一齊研究下點解決好無?唔好成日拋問題唔拋解決方法,唔好話自己唔專業唔剩,講你心中既解決方案出黎,大家結合唔同既感受經驗,一齊參祥下可唔可行。

      我就諗唔到政府方面有咩解決方案,好多野都綑綁晒,要變,可以,但香港未必承受得起,所以我估政府都認為不變應萬變等市場自行調節是目前最好既策略,所以,我呼籲年輕人都係食自己,咪咁多負能量,如果唔係你唔會的得起個心肝去做野,日日盼望一D唔係希望既希望。

      二哥

      刪除
    21. 聽老兄一講,香港樓市根本沒有問題喎。收入兩皮,每月儲皮半,四年後有首期,供二百萬嘅樓,之後供三十年,每月利息五千多,份收入30%安全綫下。樂也融融。唔怪得發展商主力二百呎二百萬嘅樓。人人有樓住,只要力爭上游,做個月入兩皮,月儲皮半嘅成功人士。再唔係學老兄,努力去做嘢儲錢,十年儲個千萬,租又得,時機成熟,買又得,正所謂進可攻退可守。

      不過先要開班教授一般市民平般收入不足二皮,佢哋應該發什麼樣的夢、什麼人生夢?買100萬樓供三十年嘅夢?租5千大元嘅板隔房的夢?在香港無機會要到外國打三年工賺錢兩球的夢?三年兩球?我想不少年青人都願意喎。

      外資公司叫人去遊行、佔中或靜坐?恕我草莽無知,願聞其詳。

      對樓市有咩解決方案?我都想有。維園呀伯發夢時奇想,如果政府可以只限香港人在港買樓,這可否能將港人的真正購買力跟樓價能有較直接的連系。

      Terry

      刪除
    22. 限香港人在港買樓,資產係市場既流動能力受限,對樓價當然有影響,不過係雙刃劍,受其他市場環境因素影響,效果唔一定係樓價跌,可以係樓價升.

      以今日香港既環境睇,非香港人在香港有居住需要,唔買樓都要租個單位黎住,而樓價同租金掛勾,多人搶租,租金就會升,租金升就會令買樓收租變更得吸引,自然會多左本地人買樓收租,多人買樓價自然會升.所以呢招表面睇係將內地人既買樓需求消去,但實際上只係將自住需求轉為港人投資需求.港人港地因此無用,政府亦唔再推行.

      今日升既時候你唔比外地人買,他日跌既時候亦無外地人有貨賣到出黎,賺同蝕既風險都係本地人承受曬.呢幾年買得樓既大部份都係本地用家,唔少後生仔透支家中上幾代人既退休金黎買樓,之後樓價如果跌起上黎,首先受害既係呢D後生用家,之後先到投資者.至於內地人,佢人民幣跌緊,依家買左港樓,第時就算賣樓蝕樓價,分分鐘換番做人民幣之後仲有賺.

      刪除
    23. 世界大同點做啊?

      呢個世界好複雜,你獲獲都好簡單要人人平均做到,我只可以講,痴線

      就算我教到100000個二哥出黎,到時係可能連二哥都買唔到樓啊,呢個世界一定係物以罕為貴

      君不見大學生人工低咩原因姐?通街都係替代品啊!

      我出來發文也不是希望所有人見到做到,係希望呢個BLOG既年輕人見到後,知道呢個世界係大把路揀,情況唔都唔一定跟足新聞紙既悲慘情況,亦講下自己既心路歷程

      係通街都玩借錢既年代,就要反向操作儲下錢,讀下經濟都知銀行系統就係不斷玩泡沫,爭在幾時爆,錯過一次可能要等十年,或者更久,0708我錯過左,我等緊黎緊既一次金融危機先有機會發圍

      下下望政府,只會望到自己絕望自己負能量

      5000大元板間房有咩問題姐?有問題?唔好租囉!個市價係咁,你唔X下個房東唔人道?
      唔少山卡啦地方租1000-1500咋,自己買部單車每日多2小時上落班時間,當鍛鍊身體,選擇姐!

      點解一定要係香港搵機會啊?香港都大把機會賺到錢啦,唔輪到出聲想依賴政府果班或懶或LOOSER既人賺之嘛,如果唔係房屋問題既遊行係咪應該會有超過100萬人出黎遊行啊?

      佢地應該發咩夢係佢地自己揀架,輪得到你幫佢地安排一個夢咩?夢工場制造所啊?
      你唔睇歷史,唔了解世界發生咩事影響到樓價咁,同埋將來會發生咩事有機會影響樓價,淨係聽黃色新聞,緊係死得啦!點解唔0708買樓姐,一定要1415買樓姐?
      條路自己揀,仆街(SORRY,出呢兩個字先感到神韻)唔好喊
      自己無知,睇見人地上樓,就要有人有我有既心態,夾硬上埋樓,或上唔到係到指天罵地X政府,點解班人要發夢果陣都要揀樓市最火熱果陣啊?沙士又唔見發左夢?金融危機時又唔見發左夢?

      願聞其詳D乜?你想願聞其詳D乜?
      當你想願聞其詳果D野陣,唔該你先將你的什麼朋友在中資行什麼什麼的願聞其詳一下先啦

      只限香港人買?你真係好諗頭,不如你諗下呢樣野對香港有咩負面影響先,好無?
      雖然下面有人答左我心目中答案7成左右

      刪除
  3. 祝標少及各位聖誕、新年快樂!!!

    回覆刪除
  4. 元兇一定是地產商?
    聽落同畀大陸買晒差唔得幾多.

    回覆刪除
    回覆
    1. 你睇吓年報邊個在地產賺大錢囉。

      刪除
  5. 大粒較貴很正常。
    而且.... e.g. 目測大少少 (尺度長了26%」, 體積便大一倍, 貴一倍絕對合理。

    回覆刪除
  6. 上面以每個計算, 如果你的櫻桃像上blog的草莓般碗口大! haha~
    講真, 價錢與供求、市場、品質很有關係吧, 一包cherries香港普通超級市場賣>$30, citysuper賣過百(品質較佳)。

    回覆刪除
  7. 咁又唔貴, 不過不知有幾大粒。

    回覆刪除
  8. 樓上有幾位我覺得係偏激左,香港冇講你地講到咁差

    香港其實可以用好少錢就生活得開心。講真,市區樓係貴,新界樓咪平好多,代價就係交通唔方便,但係唔通個個都有能力住市區 (最少小弟冇)。買野方面,依家都唔知有幾多工業區開倉, 價格比商場平好多,而質素又唔係差。全世界都係一樣,有做research就搵到大把平靚正野,下下要方便既係有代價

    回覆刪除
    回覆
    1. 其實嘛,心態問題

      不過黃子華既魚蛋論講香港人好岩......

      仲有......有乜理由政府公屋起得是正,近地鐵,有大型巴士站配套......
      應該起差D,等D人發奮搬離先係.....



      二哥

      刪除
    2. 一隻手掌拍唔响既。。。
      當大家炒埃瘋,炒股票,炒演唱會飛炒到天價時,果班話大陸買晒D野既人又唔出黎鬧下?

      刪除
  9. Bill

    Quite a lot of Cherry in Europe was infected by virus during Summer this year, that could be another reason for rising price of the fruit.



    Hmm...and the "West" fleet is really active in every website to pull Pringles down......very interesting

    回覆刪除
  10. I see. But, I don't quite understand what you meant in your second sentence.

    回覆刪除