又是X人老母

候選人簡介會 梁天琦爆粗罵馮驊

【明報專訊】因不滿梁天琦、陳浩天等提名遭否決，本土派及泛民政黨昨在立法會候選人簡介會上發起多輪抗議，甚至搶佔主台，簡介會在混亂下被迫腰斬，直接進行候選人抽籤。警方則派出大量警員在場戒備。

選管會原訂昨晚7時在九展舉行立法會候選人簡介會，簡介會甫開始，泛民多個政黨已集體拉橫額站在主台前，高呼「維護公平選舉、反對政治篩選」，雙方僵持逾10分鐘。其後泛民集體離場表達不滿。

泛民連環抗議佔主台 選管會譴責

被否決參選資格的本土民主前線梁天琦更一度站在椅上，向選管會主席馮驊舉中指，大呼「食屎啦你 」，並叫罵「馮驊我X你老母」。梁天琦其後與香港民族黨陳浩天等離場。

到簡介會中段，香港眾志羅冠聰、社民連吳文遠、土地正義聯盟朱凱廸等多人又突然衝上主台抗議。台下亦出現零星衝突，社民連梁國雄高呼「不分政見、團結一致」。幾十名警員衝入會場維持秩序，並拉走部分示威者。

主持人多次要求會場保持安靜不果，決定中斷簡介會，直接進行候選人抽籤。原訂介紹免費郵遞安排、答問環節均取消。

選管會表示，簡介會期間有人擾亂秩序及搗亂，令簡介會中斷，「選管會對該些人士的暴力行為表示極度遺憾，予以強烈譴責」。

由於梁天琦及本土派組織呼籲支持者到場聲援 ，記者昨現場所見，警方5時許已在九展會場內外佈防，附近街道每約50米便有兩三名機動部隊警員把守，又泊有10多部警車，九展內每層亦有軍裝或便衣警員把守。

(3/8/2016)

可能我大驚小怪, 這篇要講粗口。前些時馮敬恩因刑事恐嚇被捕, 港大學生會的民主牆就有「李國章×你老母」的大字報。昨天Barnabus開簡介會, 又被港大的梁天琦罵「馮驊我X你老母」。我已很久沒有進入任何香港的大學校園, 不知道今時今日大學生是不是對這種粗口出口成文, 談笑自若, 抑或是我是被時代淘汰了, 現在的語言就是這樣, 我讀大學嗰陣無人講粗口喎。Barnabus假假哋都係高院法官, 梁天琦唔係地盤佬同公仔佬傾計, 使唔使X人老母? 他朝有日去高院審暴亂罪, 唔通釘咗又問候個官個老母? 最好就唔好畀馮官審, 否則容乜易又再問候。咿, 調番轉個官問候你老母又得唔得呢?

話說當年Gerard Muttrie做mag嗰陣, 釘咗啲老同入戒毒所啲老同都寧願乾手淨腳咁坐監, 因為戒毒所有recall order, 老同唔想揹住個啷啷, 因為戒毒所放出嚟再驗尿驗到有料到要再入去, 坐監就坐完拍拍屁股返屋企無手尾跟。所以老同都好憎入戒毒所, 死人都想唔使入去。大老爺睬你都傻, 戒毒所報告話適合就判入去。有啲老同會發難, 嘈生晒唔肯走, 有啲就鬧個官X你老母, 中文唔多識嘅大老爺粗口一定識。不少華洋大老爺都會運用裁判官條例第99條嚟加監。Muttrie別具一格, 有一次笑笑口對老同講: The same to you, defendant. 又有另一次佢就咁講: Go ahead defendant. My mother is 80. 老同來不及反應, 已被庭警夾走。

人的談吐能否反映人的質素呢? 表示憤怒也許會隨着個人修養用不同方式和語言來表達, 還要看對象和場合吧。我離地了, 可否有人給我啓蒙一下? 現在的年輕人對粗口的認受性很高嗎?