求情理由

上一篇陽劍文留言問我有冇興趣講李唯治單嘢，我link唔到，師弟PH畀蘋果個link我，我睇完之後無乜特別睇法，如果報導正確，facts speak for themselves。唉了一聲，問兩位想怎樣討論。點知個匿名咁留言：

匿名2014年8月27日 下午6:46

〈應問被告「你點解咁變態？」〉

條友都好離譜喎，咁又唔識講，媽叉 Stuart-Moore QC，維護個不知所謂嘅 mag 仔，又可以寫十九幾篇，真係服咗你。

另一位匿名叫上面嗰個：

匿名2014年8月27日 下午7:03

Please don't ruin this strawberry post.

呢啲就叫食唔到士多啤梨就食廁所李。乜叫廁所李？李官是也。佢英文叫WC Li，所以就變成廁所李囉。律師求情，你唔接納咪唔考慮囉，個律師大體上都係咁講，個犯白手，你梗係講佢平時無咁做，唔通話佢成日非禮上得山多終遇虎咩！所以個律師再重覆個求情，即係寸個官囉，真係未瞓醒聽唔清楚咩？咁既case，有乜好評論。仲要肯定報紙無避重就輕嘩眾取寵喎，加上我剛開咗本書嚟睇，就唔想嘥時間去評論。

匿名挑機，我唔係成日會回應，咪由佢囉。由佢我唔怕佢得戚喎，反正畀人沾沾自喜吓都無壞喎，最驚佢心結難解，鬱悶成疾，所以我唯有開導佢幾句。我以前都講過，如果你去間鋪頭食嘢，你覺得唔好食，領咗嘢，你以後仲點會去吖。就係呢個道理囉，唔順超咪唔好入嚟睇吖嗎，點解好似畀個前度撇咗咁，又愛又恨啫？或者好似染咗不良啫好戒唔甩咁，我呢度無美沙酮飲喎。越唔想睇又越要睇，豈不是飲鴆止渴！

好喇，就幫6.46嗰個匿名止吓渴喇。首先，如果你喺上court牙尖嘴利嗰種，學人寸嘴無乜所謂，但係雖然寸嘴，實際上係要食腦，唔係真係用把口去咬架。我識唔識寫關乎我有冇興趣寫，有冇時間寫，同埋值唔值得寫，又冇收錢，唔寫得唔得先？「維護個不知所謂既mag仔」，厠所李都係mag仔，如果我鬧佢，咪一樣變成鬧個不知所謂既mag仔，咪咁白鴿眼先得架，你連mag仔都睇唔入眼，點解睇我啲嘢啫？Mag仔就一定錯，QC就一定啱？你見得大蛇太少囉。人哋Suart-Moore, 你再咁諗嘢，見高就拜，完全都唔睇理據，就好易搞到自己Stupid More。呢種文其實寫一篇就夠，一篇就可以伏咗你。你咪戴住個blinker嚟睇文先得架，講到尾嗰九篇都無講個mag仔啱喎，你揾句「維護」既話我睇。 如果再咁留言，我都話「你點解咁變態？」

又有個匿名當標少係白姐姐，咁嚟問我：

咁乜野先係求情理由？

問李官先啱喎，嗰啲嘢唔係我講個喎，呢個唔係標少信箱喎，你想講既嘢，我唔一定識講或者有睇法喎。呢個可唔可以係我唔寫既求情理由呀，住在Mount Olympus的匿名諸神？