新世代的立法會

立法會換屆選舉塵埃落定, 未知數是選後的選舉呈請, 到其時會不會引發憲政問題尚未可料, 後話當然是日後的說話, 現在講就只是斷估。我不做占卜之事, 而且呈請路途漫長, 現在猜測也沒意義, 兩三年後才有結果的事, 現在瞎猜, 到有結果時都會把說過的話忘得一乾二淨。不談那些, 不如談議員怎樣選出來。正路講當選的人當然是有支持者, 建制、泛民、本土等都各有票源, 各自啓動選舉的謀略, 不論是配票、雷動、在手掌寫下候選人號碼、用汽車接送、輪椅滾動, 方法之多不勝枚舉。選舉就一定有人當選。當選的人跟才能、經驗、地區往績、論壇上的表現並不掛鈎。有些是時勢造王, 有些受祝福掄元, 所以, 甚麼議題都是白紙一張的人, 表現白痴的也可入局。我說的不是別人, 是大律師容海恩。我原本完全不知這人的表現是怎樣的, 第一次的印象可謂奇差無比, 那是靠讀者留言所賜。在選後算賬一文, 讀者把選舉論壇的youtube連結給我看: https://www.youtube.com/watch?v=C_HOwCsF-dw&app=desktop, 討論水貨客的。本來選舉論壇議題多, 凑巧開着不是候選人熟識的討論課題, 難免表現失色。可是, 容大狀實在太不像樣, 思考能力奇劣, 像個律師嗎? 似化粧師多啲。也罷, 人總有失手的時候, 不能以一次定生死。昨晚看明報即時新聞, 看到這一篇:

【Emily Online】《dbc主場》最後直播　主持人最難忘係容海恩？ (22:25)

香港數碼電台廣播（DBC）上月公布因發展未如理想，決定向政府交還牌照，113名員工今日Last day，傍晚嘅時政節目《dbc主場》，今日就特別預留最後1小時，畀主持人講講難忘事，點知原來不少主持，都對新科立法會議員容海恩，留有深刻印象。

其中李華明話，原來曾有兩次同「又靚女又好鬼高」嘅容海恩合作，女方幫忙做義務客席主持，兩人拍檔做節目，嗰次無嘉賓又唔多現場訪問，「咁主持人都要吹吓」，因自己最終要唱獨腳戲，所以記憶好深刻。

其他主持人即笑問，佢係咪話容海恩係花瓶，李華明直認不諱，話當時雖然對方無透露參選之意，但已覺得「此女子非池中物」，而且明顯同建制派較親近。李華明仲形容，對方喺社會議題上好似一張「白紙」，因為佢咩都唔講，為想佢開口講吓嘢，就叫做律師嘅佢講吓法律意見，點知佢都係唔講，「所以我都搲晒頭」。

李華明話，都有睇對方參與選舉論壇，覺得表現麻麻，話佢成日話要修改議事規則抗拉布，點知人哋問佢邊條就唔答，只係話人哋一定反對，講都嘥氣，「你咁Sell，咁重要政綱，咁即係邊條先？」

另一主持人許禎亦接口，話有次容海恩出席佢嘅節目，對方當時代表一個鼓勵年輕人創業組織，許禎話，按自己經驗唔特別鼓勵年輕人創業，因除資金外，伸有好多其他因素如性格等影響，所以就問容海恩，點解咁鼓勵年輕人創業呢，點知「佢唔係無創業經驗，佢係無返工經驗！」

許禎話，當時都有問容海恩平日法律工作做啲乜，接商業工作多定民事工作多，雖然佢不停問容海恩問題，點知容都係答唔到，令佢都覺得好奇怪。(7/9/2016明報即時新聞)

擺到明社會議題白紙一張, 本行議題也一片空洞, 無生意極都有啲嘢做下啩, 連本行問題都答不到, 你點撈?  這一屆事干多, 入局的人生命受威脅, 入不到局的生命也受脅迫, 脅迫無所不在, 境內境外, 本土外來。 香港將會踏入一個甚麼的世代 , 只有拭目以待。