2016年8月15日星期一

勇武的梁天琦

網傳片段梁天琦與人爭執 左報記者報警稱受襲 警改列「在公眾地方打架」 (03:01)

網上瘋傳片段指,本土民主前線梁天琦上周六(13日)晚在港鐵太古站與人爭執,警方曾指,派員到場後未有發現相關人士,將案件列作「糾紛」。至周日,警方指,一名42歲姓盧男子晚上到柴灣警署報案及提供資料,指前一晚在港鐵太古站被一名男子襲擊。警方將案件改列「在公眾地方打架」,交東區警區刑事調查隊第8隊跟進,暫未有人被捕。

《壹週刊》報道,梁天琦周六晚與人在太古城港鐵站打交,與梁爭執者為是《大公報》記者。上載短片顯示,梁天琦上衣已有破洞,正與一名灰衣男互罵,雙方都有爆粗。

現場有港鐵職員及疑似途人勸交,另有女子手持電話向梁方向拍攝。梁指,灰衣男為《大公報》記者,其後拿出電話反拍對方。灰衣男在鏡頭前曾大叫「梁天琦打人」,其後奪去梁的電話擲地,兩人互有推撞,梁一度被拉扯推落地,他亦有衝向灰衣男子,雙方爆肢體衝突。兩人爭執一段時間後,灰衣男先行離開。有關片段被網民瘋傳,而涉事的《大公報》記者,則被網民「起底」。

「點新聞」周日深夜在社交網站facebook發表報道,指《大公報》姓盧記者於周六晚在銅鑼灣找到梁天琦,希望他回應該報即將發表的獨家報道,梁拒絕回應,而記者全程拍攝,梁則爆粗叫記者離開。

報道指3小時後,當記者下班後與家人吃完飯準備回家時,卻在太古城港鐵站與梁天琦相遇,其後相方發生衝突。報道指梁罵記者是狗,又衝上前打記者,其間記者咬到舌頭受傷,更與梁扭打成一團。

「點新聞」在fb上載多張相片和兩段短片,相片中梁天琦的上衣仍完好,他與身穿灰衣的《大公報》記者似在推撞拉扯,居中的一名男子則企圖隔開勸阻。而另一片段短片顯示,梁曾喝罵記者「做共產黨隻狗」,當時其上衣已有破洞。

最後上載的短片則是記者的訪問,他展示自己身體多處受傷,其面部、頸上均有紅痕,左手則紮着紗布。記者稱,其個人資料在網上被公開,更有人表示要跟蹤他和其家人,表示「我真係好擔心」,又稱只是想報道新聞。「點新聞」報道指,記者稱不怕對質,願意說出事件由來。

梁天琦周六晚曾在網台講述事件,他表示在街上被《大公報》記者追着拍攝,形容對方「一直講你屋企人點點點……你屋企人喺邊到……總之佢起晒你屋企人底,不斷講你嘅事,不斷挑釁你叫你回應。」梁估計,對方或想在他身上找到黑材料,問到會否因對方找不到其黑材料而故意挑釁時,梁則表示同意。

本報曾致電《大公報》了解事件及查詢灰衣男身分,《大公報》接聽的職員表示,暫時未有人可就事件回應。

(15/8/2016 明報即時新聞)

星期六晚已有讀者留言說梁天琦涉打架, 我當初還不知是甚麼事, 直至昨午在法官講粗口一文的留言和連結, 我才有機會看在網上流傳的一段片。涉事的大公報記者報案聲稱受到梁天琦襲擊, 警方列作公眾地方打鬥案。我看到的影片顯示, 這是明顯不過的「在公眾地方打鬥」罪, 違反法例第245章《公安條例》第25條, 一經定罪可處罰款$5000及監禁12個月。港鐵的大堂毫無疑問是公眾地方, 兩人的行為屬非法打鬥, 大公報記者雖然不是首先攻擊者(aggressor), 但他跟梁天琦的扭打已超乎合理自衛的界限。超乎合理自衛的打鬥就是非法打鬥。而且, 影片也顯示梁天琦多次挑釁這記者, 撩他打架。當然, 從梁天琦的角度看是這記者在跟蹤他及言語上作出挑釁在先, 可是, 縱使這大公報記者跟蹤梁天琦的做法屬纏擾行為(stalking), 到目前為止, 政府還未打算為這種行為訂立刑事法例(2000年《香港法律改革委員會》的報告已建議為纏擾行為立法: Stalking (HKLRC Report))。

另外, 兩人在港鐵大堂粗言穢語互罵, 也違反了法例第556B章《香港鐵路附例》第28H條的「在鐵路處所之上粗言穢語」罪,

(1) 任何人於鐵路處所之上,不論何時─

(a) 不得使用任何威脅性、粗穢、淫褻或使人反感的言語,或鬧事、行為不檢、行為不雅或作出使人反感的行為;
......

最高可處罰款$5000。

影片亦可見大公報記者刻意扔掉梁天琦的手機, 這無疑是刑事毀壞罪。港鐵職員在過程中調停分隔兩人, 警方可為他們錄取口供作控方證人, 也可索取港鐵大堂的閉路電視及下載網上流傳的影片為證據。警方當初接報到場未有發現, 所以將案件列作糾紛, 這講法相當可笑, 打完架的人走了就當沒有打過架嗎?

一般而言, 如果涉案雙方都沒有案底, 這類案件申請撤銷控罪簽保守行為是絕對有可能的, 可是梁天琦有案在身, 還是會交付高院審理的暴亂罪, 現在屬於保釋期間犯事, 雖然不致於為此而拒絕他的保釋(法例第221章《刑事訴訟程序條例》第9G條), 要求撤銷控罪簽保守行為就不可能了。

有留言指梁天琦想當政治人物, 卻只是浮燥的爛仔一個, 這一點我同意, 他根本只是個讀過點書的爛仔, 他由港大校委會事件, 發展到年初二的暴亂, 新界東補選, 九月立法會被拒參選, 一直有點hero/villain的混合形象, 一點政治人物的情操也談不上。到了現在, 明顯地只是個anti-hero, 而且是個accidental的anti-hero, 真章盡露, 廢青一個。當然, 對所謂政治人物我們又怎能有要求, 立法會裏廢柴甚多, 鍾樹根、蔣麗芸、吳亮星、葛珮帆之流都可以叫政治人物, 梁天琦又怎不能?

87 則留言:

  1. In the eyes of many, this incident will be seen as an orchestrated political persecution if Leung is detained for committing further offences while on bail. And it won't help even the police have the leftist reporter arrested as well since he will most likely to be granted bail. In the old days, turning a blind eye is perhaps the best option in the eve of election. Unfortunately we are in the age of smartphone.

    Sorry for politicizing the blog but I simply have nothing to add to the legal discussion.

    回覆刪除
    回覆
    1. It is fine. Discussion here has no limit. We are actually in the electronic era of being stalked.

      刪除
  2. 梁是有預告:会打人,这又如何量刑?.

    回覆刪除
  3. 俾人影到渣名車,住服務式住宅,唔發癲至奇。咁既形象唔通佢唔怕俾背後既人cut米路?話事話,馬鹿有冇教佢格鬥先?睇片就知佢唔夠打啦!連記者都打唔贏學人打贏解放軍?真好笑

    之前都話左動物農莊日日上演,點知有人比故事主角更利害,未達到目標就去爽YY。香港靠佢地死得

    回覆刪除
    回覆
    1. 革命家要及時行樂嘛!
      看來果然有好好學習共產黨的行事手法~ 按此推測是次大革命很有成功的希望

      刪除
    2. "俾人影到渣名車,住服務式住宅,唔發癲至奇。咁既形象唔通佢唔怕俾背後既人cut米路?" --唔明。佢好似從冇sell過基層形象噃。

      刪除
    3. 马鹿不认识琦琦啊. 但去年他还没出名的时候 我倒曾经在菜街本民前和热血追击陈净心那次 在他发言时后面拉住他裤腰 以免他被公安扯去或者失去平衡.

      有几点要说明澄清的 车是黄台仰家的 也不是琦琦开的; service apt 的租金没证据来自本民前. 琦琦家底看来不错, 说不定是父母资助以免受滋扰.

      我没教过他自卫术, 但现在看来的确需要. 勇气和武功没有直接的关系. 武功可以练习, 勇气却大都是天生的.



      马鹿

      大公报记者stalking他人 就要预左家人朋友都给起底.

      刪除
    4. 回上面先,冇人話佢sell基層,不過俾人起底之後俾全世界發現原來佢收入與消費行為不相對,咁即係迫佢幕後金主現身,金主唔做野點得?

      馬兄回應之前,有冇睇清楚大公成篇報道。第一,部車係以網台間公司名註冊,點會同佢屋企人有關係?第二,我都想有個老豆咁捨得自己住一間200尺嘅屋,而留返啲錢俾自己個仔住Service apartment。基本上梁先生個底已經比狗仔隊起晒,只係差幾時大公會再爆科,我估背後嘅金主唔會再保佢,之後嘅路佢應該都幾難行。

      話時話,今次大公報個批狗仔隊係由比壹傳媒裁員之後轉過來嘅,我只能夠講今次真係以其人之道還治其人之身啦。

      刪除
    5. 狗仔隊無專利, 黨報也想增加銷量嘛, 抹黑揭陰私也要有個媒介呀! 金主就好像包養小三咁, 一個獻金, 一個獻身, 無價值時就被拋棄, 這世界邊有咁便宜呀, 不外乎互相利用, 各取所需。如花似玉的美女也會一朝春盡紅顏老, 何況是個爛仔偶然變成英雄的人。他有甚麼實力?

      刪除
    6. 1) 重复一次, 有无证据显示 service apt 租金来自金主捐款? 没有吧. 当然我没看过大公报.

      2) 车注册OWNER是 网台公司, 琦琦和RW是用车来私用 pleasure ride 还是 勾女呐? 我知道7月1日那天 他们俩就在车上寻找空隙位 在西环区 聚集抗争者的.

      本民前如何运用资源, 要责问也只能是向他们捐款的资助者有这个权利, 不是的话就属于没事找死.

      还有捕风捉影地来点阴谋论也好, 其实是半点用处都没有的. 闹笑话而已.

      说到底 , 其实港豬很多就是怕改变, 误以为港獨会触及他们的利益. 却不知道 香港自97沦陷后 一直在堕落. 港獨是唯一能拯救香港的方式.

      马鹿

      刪除
    7. 馬老大,

      爛仔的身世我無興趣知, 你別常叫人港豬好嗎, 我當自己是港珠咋。你以為香港人不想拯救自己嗎? 如果可以獨起來, 還會等你講嗎? 實際一點, 別總是空口講, 講些不能實行的事。

      刪除
    8. 其實成篇報道嘅主旨都係懷疑緊佢哋來歷不明嘅財產,當然佢哋唔係公職人員我哋又唔可以話都佢哋乜嘢,但係比佢哋執掌政權嘅話我相信佢哋兩個隨時會比陳水扁更加貪。咁你叫市民點信佢地?

      其實講港獨唔係一個問題,但係用呢個話題而得到個人利益就係一個好大嘅問題。馬兄我相信佢唔係為咗個人利益去做,所以我唔會去挑戰佢嘅信念。但係佢啲朋友睇個樣都係為咗佢搵着數先至去搞呢個壇野,所以我估一旦金主斷左佢哋咪路,佢哋就會自動消失,乜嘢都唔會再提

      刪除
    9. 馬鹿係點樣嘅大家都無見過喎!

      刪除
    10. 我仲以為你或你朋友已確認此人的真實性,我先講以上說話。原來仲未呀?

      刪除
    11. 他聲稱是律師我不置疑, 因為有很多討論測試到, 他也時常在現場報導, 騙不到人。他不是我以前認識的人, 所以我不知他是誰, 絕大部份留言的律師我也不知是誰,不露真身好過。

      刪除
    12. 本民前如何運用資源,只有捐款者有權問責?
      出黎搞政黨參選,搞政治活動,但唔向公眾負責,一把年紀都係第一次聽見.唔知既以為你講緊ISIS.
      沒事找死?聽起上黎同內地成日講既尋釁滋事都有幾分相似.

      刪除
  4. today's headline

    重奪公民廣場 周永康緩刑一年 黃之鋒羅冠聰判社服令
    http://std.stheadline.com/instant/articles/detail/203733-%E9%A6%99%E6%B8%AF-%E9%87%8D%E5%A5%AA%E5%85%AC%E6%B0%91%E5%BB%A3%E5%A0%B4+%E5%91%A8%E6%B0%B8%E5%BA%B7%E7%B7%A9%E5%88%91%E4%B8%80%E5%B9%B4+%E9%BB%83%E4%B9%8B%E9%8B%92%E7%BE%85%E5%86%A0%E8%81%B0%E5%88%A4%E7%A4%BE%E6%9C%8D%E4%BB%A4

    羅冠聰黃之鋒判社服 周永康判囚3周緩刑1年
    http://hk.on.cc/hk/bkn/cnt/news/20160815/bkn-20160815092721569-0815_00822_001.html

    回覆刪除
    回覆
    1. Andrew,

      Actually Her Worship uploaded the reasons for sentence in the judiciary web today. I read that.

      刪除
    2. 太轻 slap on the wrist.

      马鹿

      刪除
    3. 但而家問題在輕判有千千萬萬個理由
      但法官們都喜歡用一些親黃絲的理由來輕判,還要加進判詞內
      例如什麽“為表達社會訴求...”等
      好難唔俾人認為法官有偏幫
      而律政司又打死唔肯上訴刑期,呢個又明顯係689鬥爭之心不夠,或者律政司內親黃絲陣營佔優

      刪除
    4. 律政司要到上訴庭申請判刑覆核一點也不易, 本案的判罰不屬manifestly inadequate那種, 加上感化官報告正面, 去上訴也只會徒勞無功。

      刪除
  5. 已經改列公眾地方打架

    回覆刪除
  6. 光環無晒,証明毓民已经正式離棄他

    回覆刪除
  7. 重有一個叫邱民X,新界東,用椰子是XX係高登post埋D咸濕野,走去選9月,真係只要港獨附身,不需品行。

    回覆刪除
  8. 梁天琦因有案底無法申請撤銷控罪守行為。 請問,如果記者無案底,可以申請嗎?

    Ron

    回覆刪除
    回覆
    1. 我無話梁天琦有案底, 我根本不知, 我只話佢有案在身。記者可申請, 但佢擲爛人哋個手機就差咗啲。我就唔會批准申請, 涉及stalking.

      刪除
    2. 原來如此。 謝謝!

      Ron

      刪除
    3. 標少錯矣,
      記者涉及stalking係早前在車內stalking梁天琦>> 之後梁天琦在網台開咪明言:被大公報跟蹤要打記者>>梁天琦反跟蹤/ 剛好遇到記者就發生打鬥事件

      刪除
    4. 即是梁天琦反跟蹤記者發生打鬥, 梁天琦不敵勇咩武?

      刪除
    5. 1:08匿名, 我不知來龍去脈, 兩個都告囉。

      刪除
    6. 唔多明.
      記者跟人搵料,正常不過,點講得上係stalking?

      刪除
    7. 採訪自由就大晒? 毫無界限嗎? 在加拿大或澳洲某些省份, 這記者的行者足以干犯纏擾法。個人自由沒被侵犯嗎? 記協一定反對訂立纏擾法, 吳克儉被跟蹤而導致記者被捕, 記協立即發聲, 據說大公報這狗仔先被梁出手打, 記協點解唔出聲明? 他們認同左報記者應被打? 定係認同stalking唔啱? 梁天琦是爛仔, 也令我討厭, 但也有權不受過份纏擾。

      刪除
    8. 香港記協存在的作用 就是給美國國務院各式各樣的監察報告做footnote

      刪除
    9. 姐係外國記者唔可以跟人?可唔可以具體D講條界係點畫?

      估唔到反而係香港既採訪自由度比加拿大/澳洲高.

      刪除
    10. Canada

      Section 264 of the Canadian Criminal Code.196 It provides:
      “(1) No person shall, without lawful authority and knowing that
      another person is harassed or recklessly as to whether the other
      is harassed, engage in conduct referred to in subsection (2) that
      causes that other person reasonably, in all the circumstances,
      to fear for their safety or the safety of anyone known to them.

      (2) The conduct mentioned in subsection (1) consists of
      (a) repeatedly following from place to place the other
      person or anyone known to them;
      (b) repeatedly communicating with, either directly or
      indirectly, the other person or anyone known to them;
      (c) besetting or watching the dwelling-house, or place
      where the other person, or anyone known to them,
      resides, works, carries on business or happens to be; or
      (d) engaging in threatening conduct directed at the other
      person or any member of their family.”

      刪除
    11. England and Wales

      “‘stalking’ shall mean engaging in a course of conduct whereby a
      person-

      (a) follows, loiters near, watches or approaches another person;
      (b) telephones (which for the avoidance of doubt shall include
      telephoning a person but remaining silent during the call),
      contacts by other electronic means, or otherwise contacts
      another person;
      (c) loiters near, watches, approaches or enters a place where
      another person lives, works or repeatedly visits;
      (d) interferes with property which does not belong to him and is in
      the possession of another person;
      (e) leaves offensive, unwarranted or unsolicited material at a place
      where another person lives, works or regularly visits;
      (f) gives offensive, unwarranted or unsolicited material to another
      person; or
      (g) does any other act or acts in connection with another person
      so as to be reasonably likely to cause that other person to feel
      harassed, alarmed, distressed or to fear for his safety or for that of one
      or more third persons to whom he has a duty of protection or with
      whom he is associated.”

      刪除
    12. 你話香港傳媒係唔係大晒, 凌駕「普世」標準幾多!

      刪除
  9. 黃台仰同梁天琦一樣,大學都讀哲學?仲獲牛津大學哲學系取錄
    黃台仰除港獨之外,還收藏過量偉哥

    回覆刪除
    回覆
    1. Wong is admittted to a two-year certificate programme run by an affiliated institute of Oxford University(much like SPACE vis-a-vis Univeristy of Hong Kong). Completion of the programme does not guarantee admission to Oxford University, and credits earned are not transferrable to Oxford U even if he is later successfully admitted to Oxford U, going through a separate application.

      Just wish to get the facts right.

      BJ

      刪除
    2. Thanks BJ. I vaguely remember I read something like what you have told us.

      刪除
  10. 黃台仰幾十萬現金同偉哥都有問題!

    回覆刪除
    回覆
    1. I don't think viagra is a prescribed medicine in HK. If he has a dysfunction problem and needs it, it is his problem then.

      刪除
    2. 逾百粒第一部毒藥「偉哥」及其他壯陽藥物,以及小量懷疑大麻

      Which doctor will give 100pcs viagra to him?

      刪除
    3. Haha. The doctor who has also suffered erectile dysfunction.

      刪除
  11. 正常黎講偉哥係要有醫生紙先比買,唔可以亂比人.
    不過香港既藥房好多都亂賣,放蛇斷正就是但搵個人頂左佢.

    回覆刪除
  12. 馬鹿兄,
    我是黃絲,60年代在屋邨長大,黑社會橫行,但絶不搞對手家人。你的搞家人言論,只証明你的道德標準連黑社會都不如,請勿再説你是黃絲!
    Bill hk

    回覆刪除
    回覆
    1. 當日佔中,黃絲為求目的不擇手段,做盡所有同民主精神背道而馳既事.今日本土派系出同源,更進一步,一D都唔奇.佢地既一言一行充滿中共對內對外爭權奪利既影子,時常令我有種難以形容既奇怪感覺.就好似睇緊40~70年代內地各式各樣黨爭時期,留低既文章同歷史事件咁.到底本土派同舊中國共產黨有咩分別?我諗只係打既旗號唔同.

      刪除
    2. 激進本土全是大陸人..........

      刪除
  13. 香港大多數市民撫心自問,誰唔懷念市頭婆?97後,誰不想獨立?只是現實不允許。提吓港獨只是望梅止渴,咁都唔得?中共也深知香港根本無条件獨立,只是借反港獨進—步加强對港统冶,看來司法界是中共下—步要對付的體制。香港司法界真係中共眼中釘,—句反港獨便可以清除異己巳是司马超之心

    回覆刪除
    回覆
    1. 懷念97前既人,對香港,中英,仍至世界既近代發展史根本一D都唔了解.

      香港自割讓比英國以黎,發既一直係國難財.先係賣鴉片,再黎靠內地工人搞山寨廠.回歸前香港好景,一有賴國內基建落後,人工平,香港工業北移,將成品輸港,換個盒當係make in HK再輸出,成為轉口港,二係資產泡沫下魚翅撈飯.今日香港就算再歸英,亦無可能再做番轉口港,北上建廠亦唔會再好似97前咁易發達,泡沫經濟亦唔可能再成為政府經濟政策.

      回歸前根本無人諗過要獨立.80年代當時中國剛剛經歷完文化大革命,香港人多有內地親人留係國內,所以知道內地既窮況係幾咁慘.中英談判時港人怕既係共產主義,怕回歸後一切收歸國有,變到好似內地親友咁窮.

      刪除
    2. 由佔中開始睇標少個BLOG
      終於有人識得 歷史搭配民間事跡搭配地區經濟 去講97前既威水從何而來

      亞洲四小龍
      韓國--得美國技術援助,當時低成本高效益出產賺亞洲各國既錢
      台灣--因為越戰做美國既後援補給,美國提供錢提供技術,後來全力做代工
      新加玻--馬六甲一日無替代品,一日都難令佢地窮
      香港--作為大陸入世貿前對外既唯一窗口,就好似經紀佬咁抽佣,手持十億人頭市場

      刪除
    3. 唔識呢段發展史既,唔單止香港年輕人,仲有中國年輕人.
      早排李+X撤資中國既傳言係內地熱炒,內地有人寫文講X哥發跡史,竟然寫到好似佢大部份身家都係中國度賺番黎,係中國發跡,依家忘恩負義咁.

      刪除
  14. 3:35兄,
    現在情況如此,我們更要明白對手最想我們消失的那種優勢,這便是香港法治精神。
    現在如馬鹿這般儍瓜,自己走去個位給人入,自毀長城!
    Bill hk

    回覆刪除
    回覆
    1. 敋加之罪,何患無詞,即使唔搞港獨,按中共現今的話事人,又豈容得下香港的司法獨立,只是港獨之题给中共—个借口罷了,只要—日香港司法不姓黨。都要除之而後快,現在只是苛延

      刪除
    2. 敋加之罪,何患無詞,即使唔搞港獨,按中共現今的話事人,又豈容得下香港的司法獨立,只是港獨之题给中共—个借口罷了,只要—日香港司法不姓黨。都要除之而後快,現在只是苛延

      刪除
    3. 現在這種黃色司法霸權真心唔要都罷

      刪除
    4. 6:15你想香港要什麼樣的司法制度?

      刪除
    5. 港獨一不如願就糾衆恐嚇,圍人,嗱!係講部份唔係全部,惹了一批搞事攪亂份子聚集,一樣恐怖。

      刪除
    6. 犯着刑法就告佢啰,告唔入就放人,律政司唔服可以上訴,告得入就收監,總之够料就拉人,唔够料就放人,千萬唔好将環保回收品當恐怖組織的武器拉錯人。樣衰衰。

      刪除
    7. 犯着刑法就告佢啰,告唔入就放人,律政司唔服可以上訴,告得入就收監,總之够料就拉人,唔够料就放人,千萬唔好将環保回收品當恐怖組織的武器拉錯人。樣衰衰。

      刪除
    8. 拉:有理由懷疑
      告:有成罪機會
      判:無合理疑點
      三者用三個唔同準則

      自稱環保倉案,夠拉唔夠告,係有幾樣衰
      同類型事件根本每日都不停發生
      除非有證據證明係非法拘捕,否則都係冇拉錯人
      (甚至有部份警察認為明知告唔入,但係拉咗攪你48個鐘,轉擔保幾次煩你幾個月,都係一種技巧)

      刪除
  15. 撫心自問,我一點都不懷念事頭婆。

    六十後

    回覆刪除
  16. bill hk:

    有一个问题, stalker在壹传媒的前同事同我话, stalker自己就是黄丝.

    马鹿自从14年11月19日 冲击立法会后就不再是黄丝

    我的确是傻瓜, 但我也明了香港从来未曾有过法治, 即使是英属时期.

    马鹿.

    回覆刪除
  17. 马鹿小姐

    我細時 6x-7x年代, 好多街坊睇住d 差佬向白粉檔收片, 通水走鬼...5x-6x年代 我媽生每一個細路都要比茶錢$ 醫院d姑娘亞嬸至有好服務, 當中國人係泥........後來有icac, 好多人環境又漸漸改善

    我係土生土長香港人,一點都不懷念事頭婆, 也對阿爺無感。 政治泠感
    港獨, 去看下Mouvement souverainiste du Québec,Quebec sovereignty movement 然後對比一下如何影響經濟, 民生再說。

    回覆刪除
  18. 5:22兄
    香港非靠國難財,武漢香港鉄路通車和大型輪船興起,香港是中國南方出口點便不會變,有出入貨物便有資金流動,有資金便有企業和服務業,再有各行發展。再加英式法律受人信赖,資金可放心存儲和投資,金融做大便可做些大行業,做糖,做船等,這才是香港成功原因。
    另只看左報,多查數據和歷史!
    Bill hk

    回覆刪除
  19. 我也许沒有5:22那麼博學,學貫中西,現代史,我只知自49年中華大地陯陷後,從五十.六十,七十,八十年代成千上萬我們的父辈甚至我們自己,冒着生命危險,跋山涉水偷渡南逃就是為了呼吸這片殖民地的自由空氣

    回覆刪除
  20. Bill,睇黎你唔多了解.google"香港貨櫃碼頭吞吐量",有如下資料:
    16年4月5日
    "陳迪手說,港口貨櫃吞吐量,2010年時約2370萬個標準貨櫃,但去年1至11月只有1849萬個標準貨櫃"
    15年5月3日
    "有港商表示,近幾年不少港出口商紛紛轉由深圳蛇口出貨,以省回將貨物經陸路運輸回本港碼頭再轉口的運輸成本,但關鍵因素還包括港貨櫃碼頭處理費高踞不下。"
    "當中鄰近本港的深圳港,今年首季貨櫃處理量按年增長達10.08%,至571.99萬個標準箱。而在深圳港的主要港口中,鹽田港區處理貨櫃達270.36萬個標準箱,按年增長10.04%;增速最快的是蛇口港區達157.46萬個標準箱,增長18%。"
    "至於去年位居全球第五大繁忙貨櫃港口的寧波舟山港,今年首季貨櫃增長按年大升13%,至512.4萬個標準箱,趕過了本港同期處理的488.2萬個標準箱,進身第四位,而本港亦是今年首季全球五大貨櫃港中,唯一一個出現負增長的港口,期內貨櫃量按年跌8.1%。今年首三個月,本港貨櫃處理量已連跌三月。"
    2003年
    過去十年,香港港口有九年成為世界最 繁忙的貨櫃港。二零零二年,總貨櫃
    吞吐量達 1 910 萬個標準貨櫃單位。經香港港口處理的貨櫃,主要是來自或輸
    往 香 港 主 要 的 經 濟 腹 地 和 伸 延 的 生 產 基 地 ── 珠 江 三 角 洲 地 區 。
    然而,香港作為華南貨運業最重要門檻的地位,日漸受到深圳 (具體來說是鹽
    田、蛇口和赤灣 )的貨櫃港的迅速發展所威脅。二零零二年,深圳港口的總貨
    櫃吞吐量達 760 萬個標準貨櫃單位。在過去五年間,深圳的貨櫃吞吐量以平
    均每年 46%的升幅迅速增長,速度遠超過香 港貨櫃吞吐量相對錄得的 6%升
    幅。在二零零三年首八個月,兩地增長懸殊的趨勢持 續,與一年前同期比
    較,深圳的貨櫃吞吐量激增 40%,而香港則僅升 8%。這主要反映近年珠三角
    的貨運處理服務質量和能力皆有所提升 ,並已簡化清關手續。此外,深圳的
    服務成本相對偏低,亦是重要原因之一 。上述種種因素均促使更多在珠三角
    地區生產的製造業貨品直接從深圳的港口付運,而非間接經由香港外輸。

    回覆刪除
    回覆
    1. 香港評論, 1997
      1996年香港的貨櫃碼頭每年吞吐量達到一千大百萬個標準貨櫃箱.

      刪除
  21. 另外,bill所講"金融做大便可做些大行業,做糖,做船等,這才是香港成功原因。"亦唔正確.
    香港4大船王起家年代係70年,太古糖業係香港開廠更係1884年既事.唔通香港120年前已經係金融中心?

    回覆刪除
  22. 另外亦搵到一份 "香港港口競爭力 - 立法會"既資料,有興趣既話可以睇下.

    回覆刪除
  23. 當時D貿易出入口公司好勁,成十幾個月糧。

    回覆刪除
    回覆
    1. 當時出入口真係好好搵,我是但係內地買D野返香港,換個紙皮箱,轉個貨櫃,就可以sell到去外國搵幾萬到十萬,一年搵成千萬,經常同伙計大魚大肉.係內地設廠既朋友,就唔理間工廠做乜都好,總之有貨就一定sell到出去.內地既工人工資極低,但點都好過留係農村無野做,所以唔怕請唔到人.香港一業興百業旺,又有物流同進入內地既優勢,鬼佬黎香港飲茶食包買野都平過人,自然係股市同樓市向上.後來國內進一步改革開放,已經無得再賺呢D錢.而呢段好日子引起既負作用就剛好係回歸後先慢慢爆出黎,一個就係中港貨車司機係內地包二奶生仔,第二個就係資產泡沫化,第三就係年到中老年既港資廠商,今日再次面臨工業轉移,更要面對內地新興資本家既挑戰.

      刪除
    2. 當年中國鎖國,外國一直都唔妥中共

      不過大家都知政治鬥爭還政治鬥爭,生意都係要做

      就搵左香港呢個經紀佬,D貨無論入口或出口,印個MADE IN HK就上到台面

      大家生意照做,政治照鬥,保住大家FACE,唔扯破面皮

      回歸後問題慢慢出黎?

      不如話回歸前95-97果段時間香港人HIGH X大左,然後索羅斯吉爆左個氣球而已

      真正問題浮現係大陸04加入左世貿,可以正式對外開放,香港以前既"獨市生意"全部要拎出黎分餅仔

      高鐵又好,港珠澳大橋又好,阿爺都想為香港建立交通樞紐,保持競爭力(不過算啦,人工太高啦)

      保持運輸競爭力係為左比外國佬有選擇啊,選擇係邊度落貨係外國進口公司

      點解要用你香港港口?貪貴咩?貪要過香港關又要過大陸關啊?除左交通快,同埋安全D(鐵路運輸比貨櫃運輸便及安全,長遠計)

      你唔怪得人地揀深圳天津等港口架,成本咁貴

      刪除
  24. 11:22兄
    前文是給5:22兄解释,香港可以比中國其他地方更早和更好的發展原因。
    中國國難自清中葉香港開埠開始,所以很多人就指摘香港是靠發國難財發達,不去了解真實原因。不認識世界運輸(大輪船難入珠江)和通訊方法(外地消息靠船帶過來,後來有海底電纜也一定先經香港)的改變,這些外功造就香港,英式法律是內功使香港能把外功化作自身力量。所以香港很早便是金融中心。
    每個地方都會受其他地方挑戰,如何變改,有難,但一定要做。但詳情不在這佔了標少地方去討論了。
    Bill hk

    回覆刪除
    回覆
    1. 問題係依家新一代在high爆既環境長大,根本唔知乜野係辛苦。當大陸新一代繼續進步,而我地仲好似台灣咁沈醉於內耗既時候,就係香港沒落之時

      成日有人講大陸人唔想香港好,但國策而言大陸係想用香港帶動全國進步(大陸既軟件比香港仲有段距離)。當然香港人問題係佢地唔想大陸進步到咁樣,否則點顯得香港既優越?

      刪除
    2. 黃台仰high爆偉哥

      刪除
    3. 18日12:47兄
      中國當然不想香港能力太大,否則不會為設立深圳機場,寧願延遲廣州白雲机场擴展這麼多年。機場經營是大者全取,所以香港三跑興建刻不容緩。現在是兄弟都要争生意的時代,商業競爭,無可厚非。香港只可以靠自己努力去爭,不用想也不要想中央益你。
      Bill hk

      刪除
    4. Bill
      唔通成為英國殖民地,被迫開放貿易,二戰及國共內戰,文革,呢D歷史事實全部唔係國難?香港發展受呢D事件影響極深,得益之餘亦有負面影響,但發既肯定係國難財,根本唔係單馮一句大輪船難入珠江,海底電纜得香港有可以解釋到.至少如果當年中國唔係有呢D國難,無理由佢碼頭同海底電纜都一定要起係一個小小魚港.就係香港有呢D國難財可以發,英國佬先會選擇經營香港作對華貿易之用,商人先會搞得成山寨廠.

      另外,我覺得並唔係中央想唔想香港能力太大既問題.而係內地城市自設港口,起機場,爭做金融中心,呢D係各個城市接需要發展自身優勢,無可厚非.香港現有基建已無法滿足內地產業需要.無理由要人地唔起基建,人同貨全部經香港出入,先叫為香港好.今日香港已無國難財可發,香港行得資本主義自由市場,當然應該自己努力,唔應該叫中央為香港定位,指派任務.

      刪除
    5. 其實,香港人并唔係眼紅你大陸發達,只係睇不慣你—朝得意語無論次,,十幾年束,自由行搞到香港鳥煙瘴氣,每日無止境放150人落來,香港根本没審批權,有钱的落來抄貴晒的樓,無钱的干方百計拿福利,香港彈丸之地點頂得顺?仲成個救世主咁訓斥港人不識好歹。直于做生意,無話邊個益邊個,互相利用,中共鎖囩幾十年,要收返香港易如反掌-文革67年都已兵臨城下,英國佬—定拱手相還,最终都係考慮香港的特殊性,再則中共開放後二十幾年的繁榮,香港貢獻就费事提拉、成日叫人睇現代史,認識中國,—大堆數據,我只知今不如昔,越睇現代史-睇埋中共黨史(不是中共寫個的)越不愛國,越想港獨(明知無可能丿但講吓望梅止渴都喊打喊杀,這個政權太軟弱了

      刪除
    6. 英冶年代,曾灶財幾十年自稱九龍皇帝,到處涂鴉,到處見佢墨寶,揚言要同事頭婆共管九龍,又唔見皇家警察拉人封艇,現在班後生不滿現實,提吓獨立,當今政權如临大敵,特首選举其間炒到咁熱,難得—班“愛国”的傻佬踉住起哄!689暗自笑死

      刪除
    7. 竟然有人攞曾灶財同港獨比.笑左.

      曾灶財整理祖先遺物時,發現九龍部份土地(九龍城)被割讓給英國之前,曾獲御賜為他祖先的食邑(封地)。香港成為英國屬地後,他們卻不再是九龍的地主。曾氏不滿政府「霸佔」其土地,故開始四處稟狀,經常在家附近塗鴉「宣示主權」[11]。
      曾灶財多次因為塗鴉問題與市政人員及警察發生爭執,亦屢遭帶走、檢控,但警方多以警誡或罰款了事。

      2004年10月底,他的作品被拿到蘇富比拍賣,金額一半歸曾灶財,另一半用作籌辦藝術展覽;底價1萬元,每口叫價1000元,後因投標激烈而改為每口2000元。最後作品以55,000港元成交,由一名康姓太太投得;記者事後訪問曾灶財,他反問:「是康熙的後人嗎?」

      刪除
    8. 這就說明港獨是個偽命題,只是有人醉翁之意不在洒

      刪除
  25. 梁金城入閘稱會推動港獨 - 星島日報
    https://www.singtaousa.com/829269/post-%E6%A2%81%E9%87%91%E5%9F%8E%E5%85%A5%E9%96%98-%E7%A8%B1%E6%9C%83%E6%8E%A8%E5%8B%95%E6%B8%AF%E7%8D%A8/
    20, a, 梁金成. b, 邱文勁. 新界東,
    梁金成和曾於網上發布「佔領禮賓府」指南的邱文勁合組名單,參選新界東地區直選。

    椰子是無辜的=椰子是冤枉的=邱文勁=保安員=新界東,用椰子是XX係高登post埋D咸濕野,走去選9月,真係只要港獨附身,不需品行。

    回覆刪除