法庭：法官當法庭課室 成被告翻案理由
【本報訊】九龍城法院一名暫委裁判官審理一宗盜竊案期間，不滿主控官的表現不濟，而將法庭當作課室，親身向主控官示範發問技巧，問了事主近三百條問題；期間該暫委裁判官又批評被告「叻唔切」，結果他昨日被指過分干預案件，而成為案中被告上訴得直的理由。
判決透露，該暫委裁判官向陳宣讀控罪時，已頗不禮貌地說陳「叻唔切」，在陳自辯時又多番嘲弄陳。而當主控官向事主提問時，該裁判官不斷插口說：「做Show呀？依家你？（指主控官無預留時間給裁判官做筆記）……你之前有無受訓過？（指主控官問題雜亂無章）」，及後更索性自己問事主。結果主控官問了事主約二百條問題，而該裁判官卻問了近三百條。
(1/6/2012 東方日報)
暫委法官彭寶琴判令上訴得直，我看了判辭引用的錄音謄本，真的無話可說。舉兩處為例
19. 事實上，從審訊的謄本可見，當裁判官聽取上訴人的答辯時，他已與上訴人有如下對答：
20. 另外，當主控官剛開始進行主問控方第一證人時，裁判官便與主控官有如下對答：「…裁判官以本地話向被告人宣讀控罪官： 係咪叫做快捷模型呀？定係有冇其他名㗎？被告人：係呀，快捷模型。官： 我問緊主控。Ms CHAN：係呀，冇錯，閣下。官： 你好鍾意講嘢咩？被告人：唔係。官： 請你細心再聽多次，唔該。裁判官以本地話向被告人宣讀控罪官： 我重新再答辯過。主控。Ms CHAN：係。官： 你睇下particulars。Ms CHAN：係。官： 快捷模型呀，跟住最後嗰句，快捷模型店。邊樣打邊樣呀究竟？你後面嗰個defend--被告人又叻唔切。」（見上訴宗卷第87頁J至S）
(香港特別行政區 訴 陳德源 HCMA531/2011)「…官： 做show呀而家你？主控。Ms CHAN：點樣？閣下。官： 你自己個人表演呀？Ms CHAN：係。或者我--證人--講嗰時我忽略咗閣下要寫番低筆記。官： 我話畀你聽，由頭到尾，而家我都好亂。又跳下呢度，又跳下嗰度。Ms CHAN：閣下唔知想--我想--想我點樣再做法？官： 我都唔知你想--點樣可以協助到我。又咩事呀？出嚟。佢係咩人嚟㗎？師兄問下佢。同單--有冇同案件任何關係。佢係咩人嚟㗎師兄？（法庭處理其他事項）官： 你自己決定點樣協助法庭囉。你做之前，有冇受訓過？有冇呀？Ms CHAN：我唔知閣下你講嘅受訓或者訓練，係點樣。官： 我唔知你呀。Ms CHAN：但係…官： 我唔係你師傅。或者我唔係你上司。 所以我先至問你。如果我知道嘅話，我至會問仔細啲吖。有冇第一就話，起碼要望住法庭，或者裁判官枝筆，因為佢要抄寫呀。隻手嘅速度永遠唔夠嗰個說話嘅速度快㗎。Ms CHAN：明白，閣下。官： 而且你鍾意又跳下嗰度，又跳下嗰度。我其實抄嚟抄去，抄得1頁咋。Ms CHAN：或者我--如果法庭唔介意嘅話，我可以再重新，睇下有啲咩嘢重要嘅，頭先證人畀咗嘅證供，可以再重新一次，等法庭有時間…官： 我唔知你呀。Ms CHAN：…可以寫到。官： 你自己決定喇。」（見上訴宗卷第91頁G至S）
從判辭引用的審訊紀錄看，原審暫委裁判官跋扈得很(好寸)，一點judicial temperament都沒有，肯定玩完。現在為官之道，首要是奉承老闆，能力是次要，比奉承老闆更重要的是不要有負面新聞見報。工作能力低沒有人管，只要跟老闆關係好，一切好辦無煩惱，只要避開曝光率高的案件，就不會露餡。先前不是有件案裁判官審案時講効率，講控制審案進度因此上訴得直嗎？可惜判辭還沒有上載，未知具體理由。
從判辭內容看不到主控陳小姐有甚麼能力問題，反而是法官態度惡劣，暫委尚且如此，正式聘用豈不是更加驕橫囂張。其實自從法庭設置了審訊錄音，法官已無需逐字抄寫，不再是watch my pen的年代。抄下的紀錄純粹是方便自己記憶案情，記憶力强的法官，稍為記下重點，方便判案，已經足夠。就算主控忽畧了他抄寫速度，也已經謙恭有禮地道歉，何必咄咄逼人。這樣做成績表要蓋黑豬，咎由自取。
沒有留言:
發佈留言