2018年4月26日星期四

死蠢議員

劉慧卿說她支持許智峯離開立法會, 嘩! 我有些意外。泛民在立法會處於弱勢, 資深的民主黨員也有所不惜, 要與死蠢割席, 欺負女人代價之大, 始料不及。民主黨中委會未開會, 卿姐先定了調, 判許智峯死刑, 若中委會與卿姐意見相左, 就會做成民主黨的自殘了。卿姐是否有點輕率呢?

報導指許智峯搶女EO的手機時, 近乎環抱,  因為她把電話放在背後, 過程中有爭持, 女EO因此驚恐哭泣, 有人說是搶劫,  有人說是盜竊, 也有人說是不誠實使用電腦(智能手機合乎電腦的定義, 開啓別人手機閱讀了自己無權獲得的訊息), 不誠實使用電腦要過mens rea這關, apply Ghosh test of dishonesty。與其對行為干犯的控罪作學術討論, 不如直接了當告普通襲擊罪。這件事發生在會議廳外, 就算在會議廳裏, 也不是immuned from prosecution的, 本案也不能與長毛搶文件案作類比。

不知是否近年社會的風氣, 鬧劇可獲掌聲, 抑或是幼稚成風, 別具一格的行為, 就惹人注目。這些議員, 一個二個茂里, 都是有學位卻無智慧的。倒轉國旗區旗, 搶手機, 在法院拍selfie, 都是白痴行為, 為啥?  許智峯, 城大LLB, 唸了個法律學位, 就只懂得踼保安, 欺負女人, 都係讀屎片的死蠢, 太衰格了。他在昨天開記者招待會時, 一早就應該tender unreserved apology, 不用聲淚俱下, 起碼都擠點誠意出來, 一味justify自己搶手機的動機, 何止不是道歉, 根本就是狡辯和指控別人, 所以咪贏了被人一沉百踩囉。死蠢其實有資格做議員喎, 只要不露餡咪得囉。當自知有幾多斤兩, 最佳辦法就傻笑囉。市民會話, 呢個議員雖然無乜表現, 但佢成日開開心心咁, 唔乞人憎喎, 無惡形惡相喎, 換屆時, 糊里糊塗咁, 又再選返你都未定, 幾好。只有死蠢又不懂藏拙那些, 開口就出醜, 出手就要夾著尾巴走。唉!  兜咗你走喺邊度揾返份咁筍嘅工?

77 則留言:

  1. 我的留言, 是無言。
    B'J

    回覆刪除
    回覆
    1. 剛剛看到他今晚的道歉, 昨晚這樣做就容易過關, 現在太遲了。

      刪除
    2. "Stupid is as stupid does", as the saying goes.

      Old BJ

      刪除
  2. 民主黨人才輩出,今次不誠實使用電腦,上次不誠實使用釘書機,如果華叔仲在生的話,睇怕黨鞭都會打斷幾條矣。

    回覆刪除
  3. 卿姐嘅言論好嘢,立即為民主黨止蝕,之後許生仕途如何,就睇佢個人做化,愚見以為佢最佳策略,係立即辭職, 封人口實,然後靜待時間冲淡一切,等到下次換屆選舉時再出戰,留得青山在,那怕冇柴燒也...但我相信以佢性格,佢不會辭職,最多退黨,反正而家冇機制可以令佢失去議席,佢照開會如儀,你都吹佢唔脹,佢有履行議員職責,份人工根據先例應該可保,最多咪道歉、鞠躬多幾次,呢啲低成本嘅嘢,做多無妨,分分鐘仲贏番口碑添

    回覆刪除
    回覆
    1. 梗唔會辭去議員職位, 讓時間丟淡事件。

      刪除
    2. 咁荀嘅燒汁火車,點會咁易放棄呢?!民主黨而家自己打咗仔先,到之後議會罰佢,民主黨大把原因話我哋黨内處置咗佢啦,不勞你哋去搞!最好告佢common assault,等佢孭個案底“豐富吓人生”重好啦!

      刪除
  4. 不誠實意圖而取用電腦 或 common assault , 許生有得揀 ! 講吓笑 .

    回覆刪除
    回覆
    1. 我投common assault,較易入買罪。

      刪除
    2. 買大啲 ! 不誠實意圖而取用電腦

      刪除
    3. 他會說自己真誠地相信私隱被侵, 在擔心之下去查看一下, subjective test。

      刪除
    4. 不過subject test, 標少你有兩個challenges...
      1. Gosh test賭場風雲之後的適用性
      2. Subjective test唔係標少呢隻, 稍複雜, 係「他真誠地知道或不知道這標準:『objective test, 正直的其他人相信私隱被侵』」
      因為他是民選議員, 他若奇怪的宣稱不知道(包括選民)這標準, 他有責任提出奇怪的有效證明。

      刪除
    5. 2, 你啱, 1, 香港未有上訴案討論過嗎?

      刪除
  5. //當自知有幾多斤兩, 最佳辦法就傻笑囉。

    哈哈! 容靚靚是也 XD

    回覆刪除
    回覆
    1. 唉~ 如果游BB做番個正常人, 拍住容(傻)大姐,
      久不久露面, 斯文斯文, 做其立法雙姝, 咪幾好! 造福人群.

      刪除
    2. 上幾次國際版未可料,
      依家, 固然有上國際版. 但前後對比不同前程, 唔同嫁人方法, 可惜.

      刪除
    3. 你慕少艾, 傾向重色輕友(笑)。

      刪除
    4. 喔~ 呢方面是有, 不過尚未表露出來, 標少深知我心 or 睇穿.
      今次我是深明大義..
      民主大勢有民眾基礎, 我是建議好好利用, win(姝)-win(會)-win(大我小我)而已.

      刪除
    5. 魔術師, 容小姐唔止傻笑, 唱埋《深愛著你》來冧你。

      刪除
  6. 完全信服標少平實分析和評論。

    回覆刪除
    回覆
    1. "開開心心議員論"有保留之外, 我也100%全盤同意.

      刪除
    2. 開開心心議員論, 會適合容/游這類質素, 俊男也因格格不入(奶油小生?)而沒有效果.

      刪除
    3. 我無諗得咁詳盡, 淨係諗死蠢都可以藏拙。

      刪除
  7. 正所謂成也蕭何,敗也蕭何,羯子本性,與人無尤!近十年出位的由鄭經翰、黄毓民、長毛等開始,至近年的黄痴瘋等輩全是靠語不驚人來吸納支持者,有甚麽怪物自然產生一批怪物支持者,導致理智的有學識的全不投票!

    回覆刪除
    回覆
    1. Danny兄, 你咁講得罪好多人。

      刪除
    2. 標少,我信奉言論自由!

      刪除
    3. 長毛,教主,大舊佢地係睇住法例去玩野,所以佢地郁手郁脚都唔會出大件事,事實上,有政府官員都話佢地識得尊重立法會的職員。。。
      呢個癲峯,只求博出位就做出呢類柒事,連"尊重"呢個字都做唔到。。。

      刪除
    4. 所謂近朱者赤, 近墨者黑。
      今天仍然有許智峯的支持者為他的行為辯護,
      他們相信, 而且真心相信許生的行為"揭露了"政府侵犯私隱及不當介入立法會事務。

      Gato

      刪除
    5. "佢地"清楚目標敵人, 所以除保安collateral damage外, 不殺錯良民, 顯示小學雞行為, 是選擇下的手段.
      許議員小學mode take over下, 奶野, 顯示地道小學雞本質.
      (Just like 打交打到入教員室都唔知)

      刪除
    6. 毓民果次掟杯,佢都淆到依家...
      但癲峯到依家似乎都未知道事件嚴重性(昨晚的所謂"真誠道歉",分分鐘係黨叫佢咁做先應酬下大家...)
      Gato兄,鬼叫佢地"圍爐取暖"的文化太深入了,所以永遠只聽到支持者的聲音...
      但癲峯似乎唔知道自己入錯黨,仍然當自己好似區軒咁唔駛理會班溫和理性的中產選民,討好自己果堆粉絲就算數,將民主黨形象一舖清袋...
      佢同當年的甘乃威一樣,跟本都未準備好做立法會議員,被人夾硬推出黎的後果就係做了一屆議員後因形象太差而收皮,相信佢個位下屆會由吳明欽個女出黎取代佢,而佢想選的話,退黨同區軒爭位吧...

      刪除
    7. 曾認識一些小官員,他們指長毛其實份人未算最差,通常只會在鏡頭前發癲,在鏡頭後可以和你一齊食煙吹水,老友鬼鬼,教主就麻煩得多鏡頭前後都追住你來罵,郁手郁脚。所以他們怕教主遠多於長毛。

      Danny兄,我很同意你的說法,有甚麽怪物自然產生一批怪物支持者,我認為現在已進化至因有好多怪物支持者,令一些想上位的政棍刻意把自己也變成怪物以換取支持,形成了惡性循環,不論在議會或民間都越來越多怪物,有時聽見公司年輕的trainee閒談,不少都認同怪物政棍的行為,更像被洗腦一般把所有社會問題只簡單地歸納為政府/共產黨的問題,沒有了思考能力,香港的前途真係不樂觀。

      路人P

      刪除
    8. 路人P,多謝閣下的認同。我相信你、我和標少等都是一心希望香港好以至我們的子孫好,但不幸地我們的力量有限,只能好好地教導自己的子女不要被怪物洗腦,但我真不敢跟其他年青人討論這問題,他們真的會用粗口回敬。説回議員質素,我以前是很敬佩bill王,夏佳理先生的,他完全一心一意地做立法工作及監察政府,除他外,我真找不到一個像様的!

      刪除
  8. 請問死蠢議員會唔會因此入獄?

    回覆刪除
    回覆
    1. 唔會喇, 衰幼稚啫, 好多個人求情因素, 邊使坐。

      刪除
    2. 留名等睇某些人又會出黎話某某議員係"鬼"...
      一有好野就話同路人,一有衰野就話人係鬼,如此"民主"的標準怎不教泛民粉絲失望?

      刪除
    3. 何俊仁:欺凌和冒犯
      是所見最「有用」的定性.
      E.g. 林鄭月娥: 野蠻及粗暴 (禮貌行事、野蠻粗暴, 打劫同罪)

      入獄嘛, 只普通襲擊見得人, 不過要睇帶.
      無論如何, 類似案件只是罰款or守行為. 真正打到人一至兩星期, 一個月監禁門檻以作DQ用, 無可能喇!

      刪除
    4. 唔係潑各位高人冷水, 小弟原本都好支持民主, 但愈睇愈唔對路, 初初以為自己唔識嘢有偏見, 唔忿氣就睇有關的中外政治書和研究資料, 點知睇得多就心都實


      一些參考資料:

      Are voters rational?
      https://www.economist.com/blogs/democracyinamerica/2006/11/are_voters_rational

      The Myth of the Rational Voter: Why Democracies Choose Bad Policies
      (by Bryan Caplan)
      https://www.amazon.com/Myth-Rational-Voter-Democracies-Policies/dp/0691138737

      Why is state effectiveness essential for democracy?: Asian examples (Shaoguang Wang)
      https://www.researchgate.net/publication/291907509_Why_is_state_effectiveness_essential_for_democracy_Asian_examples

      袪魅與超越:反思民主、自由、平等、公民社會
      http://www.jointpublishing.com/publishing/catalogue/publisher/joint-publishing/9789620429118.aspx


      [非王]

      刪除
    5. 非王,由於香港過去是殖民地,我個人並不推崇西方民主,只欣賞精英管治,就算比人鬧我奴性都係咁話!

      刪除
    6. 死蠢議員梗係以為自己響夜總會公費玩緊遊龍戲鳳, 差在未矇住對眼攬落去, 如此山狗情節, 對人傷害真係慘過搶劫矣。香港啲扮民主派就係此等質素, 真民主學唔到, 好學唔學, 呃飲呃食, 垃垃圾圾。

      刪除
    7. 巴兄,非兄,Cheng兄,
      現看板門店直播, 政治便是如此運作, 南韓不完整的民主, 但經过幾拾年跌跌碰碰, 現在完勝北韓的精英統治,(金氏祖父孫三人肯定是精英,在中蘇美圍者和援助,但仍可自由行動,是政治學範例), 所以,雖然民主有撞板的愚人, 但仍是我們的行前方向.
      Bill hk

      刪除
    8. Danny 兄, 有同感. 我無黨無派, 打工仔一名, 讀完書便幫英國佬/美國佬打工, 對洋人管治思維和手法不多不少也有些認識. 關於政治、經濟和民生等等議題, 一環扣一環十分複雜,要妥善解決講下就易, 唔係在決策位做過真係唔知咁困難, 只能認低威說, 政治嘅嘢咁高深, 我等小市民識條鐵!


      [非王]

      刪除
    9. //唔會喇, 衰幼稚啫, 好多個人求情因素, 邊使坐//

      三十幾歲人, 仲係"尊貴既立法會議員"
      好唔好意思話自己幼稚??

      刪除
    10. 11:18非王兄,攪政治跟做人一様,過得人要過得自己,做過管理便知要好女兩頭瞞的道理,需要平衡各方。香港地的困局就是政棍明知要妥協也不願妥協,你話食飯我話食麺,你話開山填海,我話點解唔收棕地高爾夫埸?你話普選,佢又話係假普選,點攪?唔可以雙管齊下咩?

      刪除
    11. Danny 兄,

      同意香港現況是困局, 各方不願妥協, 咁樣惡鬥落去只會慢慢陰乾. 記得洋人boss 話過管理係一門藝術, 學校和書本教的不能一成不变照搬來用, 相信攪政治和懂得怎樣妥協都係一門藝術, 唔係咁易學得到.


      [非王]

      刪除
  9. 南韓正正就是精英統治的典範!

    回覆刪除
    回覆
    1. 11:19兄,
      南韓是人民是大股東,精英只是CEO, 人民在股東大會(即大選)可以要CEO下台.CEO不會say No, 這便是民主.
      精英統治是指由人民選出的精英CEO, 不是用權力保位的人可自稱精英統治.
      BILL HK

      刪除
    2. 要比較誰比誰好, 如果云云的選擇都是貪污腐化的選擇, 那麼也是沒有選擇. 大韓民國首位做不完的朴槿惠, 不是因為人民在股東會唔選佢而落台, 而是因為縱容閏密干政(指指點點)和向利益集團取利(貪得無厭)而被利益集團反咬, 當然檢察部門這時候又很給力, 所以誰也不比誰優勝。要說金仔當然是精英中的精英, 成功將南韓從老美的影響中暫時解脫出來。

      刪除
    3. 看來南韓的優勝處, 是民選 + 拉到下台(不是壞人惡晒)
      壞處很突出, 屆屆壞人! 喔~

      刪除
    4. 4:39兄,7:03兄,
      同居10年结婚的人,都有後悔选錯啦. 选擇總會有选錯机會, 但我相信無人因此接受由阿媽代选老婆吧.
      Bill hk (二位是否同一人?,以後留個宝号吧)

      刪除
  10. 第一次道歉前, 民主黨內部沒有“審查”過道歉內容就讓他見傳媒嗎?
    還是民主黨認為許議員有言論自由空間?蠢的不只一人呢.
    台灣議員立法院打架, 女的和男的都勇猛.
    如果那EO不是女性, 無欺負女人過錯又怎樣? 加不加這項也成為大眾評論的大件事, 因涉及搶手機一般人可能遇上的法律問題. 不同周浩鼎案少些眾人談論, 容易過關.
    KKC

    回覆刪除
    回覆
    1. 如果那EO不是女性,而是一條麻甩佬, 佢當然提唔起興趣熊抱捉伊人啦, 哩個擇小而噬的邪惡淫賊心態, 同以前派公糖俾自己人, 咪正正同民主自由背道而馳囉。

      刪除
    2. 3:08兄,
      這傻人行為怪異, 但與民主自由有何關係?
      BILL HK

      刪除
    3. KKC 我不清楚黨例有沒有指定程序如此"成熟",
      一般四個選擇, 一如這般個人承擔個人道歉; 二徵詢知會黨後個人道歉; 三申請後個人出來道歉; 四幾位黨員一字排開見記者.
      可能是一二.

      刪除
    4. 339 兄
      民主派和民主黨, 與民主自由又有甚麼關係? (笑)
      也可以去問問陳增濤, (至少在咀巴上)信奉自由、平等、博愛的法國人, 會不會如此對女仕無禮?
      正經一點, 如果民主黨與民主自由還有關係, 而許也是黨員, 便應尊重別人的行事和意志(兼且69/70的議員都沒反對行之有效的統計), 通過文明和民主的方法來處理他的不滿, 畢竟那些資料有 69/70 不是他的資料, 他也不能說因為政府不是民選的政府就可以正化他的所有行為。他的行為, 就將現在帶回范進中舉的時代。

      刪除
    5. 4:58兄
      名稱和行為是沒有绝对关係的.
      范進中舉說的似是人性,想不到和政治有何关係?
      Bill hk = 339

      刪除
    6. 話說某日范新進垃圾舉人約了他的 friend 丁舉人開會, 會與會之間捉着名叫孔乙己的讀書人 EO 指控她偷東西, 不由分說便把她打折了腿, 也不用報官處理, 自行執法再釋法是也。

      刪除
  11. 民主黨前主席劉慧卿所說,許智峯不適合做議員。
    The laws said otherwise.

    回覆刪除
    回覆
    1. Her personal view has nothing to do with the law. Also, the Democratic Party said her personal view has nothing to do with the Party.

      刪除
  12. 埋嚟睇!議員模擬疑似案件

    http://hk.on.cc/hk/bkn/cnt/news/20180426/mobile/bkn-20180426194429232-0426_00822_001.html?eventsection=hk_news&eventid=402882b062ffebd301630219ece470e0


    表面睇案情未算嚴重到又要拉又要鎖, 瘋哥錢途視乎民主元老級人物肯唔肯放佢一馬


    mg008

    回覆刪除
    回覆
    1. 民主元老級人物如劉慧卿, 想用道德高地去挽回黨譽,比民建聯同何君堯一較高低。
      KKC

      刪除
    2. 以瘋哥既人才, 白鴿無必要攬佢
      而瘋哥既個人政治能量, 埋唔到美金扮民主派堆, 背後企住幾隻老鴿, 佢就入唔到垃圾會

      不過既然佢入唔到罪, 扮民主派亦唔會DQ 埋佢一份
      畢竟姚松炎說明扮民主派同建制派選單議席必勝既日子已經過去
      點到做得埋今屆既

      瘋哥既錢途都應該係止於呢屆任期, 拎埋佢當退休金

      刪除
    3. The two clowns in the video are utterly disgraceful. I bet it had not occurred to them that this would cause psychological harm to the victim.

      Old BJ

      刪除
    4. Clowns being clowns, you cannot expect anything prestigious.

      刪除
  13. 如果該EO體型較弱小的話,與其說許議員欺負女人, 不如說欺凌事件。欺凌是不分性別的。我是女人, 但也討厭有些女權主義者常常拿女性被歧視作觀點,其實根源是強者欺弱。想搏女性團結去解決社會問題,不如不分性別去正視問題。
    或者許議員可用過度活躍症為由求恕。我信他直率,認為自己有對的動機就去做,不分對象性別,不去動作就被人批和理非,是港豬。
    今篇博文,,我才想到為何上次有讀者罵標少賤格,他罵你用揶揄口吻,好像幸災樂禍。如果你嚴肅地罵,我也沒興趣讀。
    睇得多亞洲自由地區的議會打鬥場景,就是一些人以為有動作才得民心,才有權力解決問題。死結令人沮喪, 我都想苦中取樂了。
    KKC

    回覆刪除
    回覆
    1. 香港人就係一大堆無無謂謂既同情心
      學生, 女人, 必勝

      刪除
    2. Dogdogchi,
      搶电話是正歺, 性別只是甜品. 就算不食甜品還是要找數的.
      Bill hk

      刪除
    3. 除非派個大媽去而最終扭打起來...

      刪除
  14. 卿姐今次夠醒目轉軚夠快,自從被拒澳門入境後,立即不参選,做回普通黨員。阿爺應該有驚喜給她,所以話在適當時候,做人應該政治正確

    回覆刪除
  15. 議員話自己係抗掙喎

    你又要比人話你遠在他方離地X香港既抗掙者啦

    街市佬

    回覆刪除
  16. https://hk.news.appledaily.com/local/realtime/article/20180430/58135938
    想學戴展華?

    回覆刪除