擦鞋仔

政情：鬧交當情趣 何君堯自爆怕老婆

最近捲入自拍風波嘅律師會前會長、屯門區議員何君堯有時態度都相當強硬，但佢尋日喺一個活動中自爆原來最怕老婆！佢話同太太不時都會有衝突，好似「火星撞地球」咁，但呢類交流能增進感情，至於會唔會激動到講離婚，佢就笑指不作評論，多次強調自己尊重老婆，有爭執一定會遷就對方。

瘋狂打機 太太堅嬲

佢話曾經試過打機打到不知時候，太太坐喺旁邊，自己完全冇同對方傾偈，太太覺得似被忽視，突然發訊息畀佢話：「好喇喎，你打機打夠喇喎，應該要停喇喎」，佢就怕到即刻停止打機，相當聽話。佢話本港離婚率有近四成，能夠結為夫婦要懂得珍惜，最重要係互相遷就、尊重同包容。

另外，佢最近喺社交網站上載咗一張喺法院大樓內自拍嘅照片，司法機構已經將有關事件轉交警方跟進同處理，佢就對事件封口不談，並指「有啲嘢你知發生緊，少講為佳，等啲人可以平復吓先」。

(2/5/2016東方日報)

何君堯對法庭外拍照一事封口是明智之舉, 我也說過換轉是我, 一早就封口了。

大律師公會主席譚允芝接受蘋果日報訪問時, 曾經提到何君堯是擦鞋仔, 但她沒有細說。當然,  這是人與人之間相處觀察得來的感覺, 也很難舉例來說明, 因為不易以單一事例來判斷究竟一個人是否擦鞋仔。甚麼叫擦鞋? 它的同義詞大概是奉承、取悅、諂媚之類的詞語, 英文則用 shoeshiner, bootlicker, sycophant等字。意思就無需介定, 因為叫得擦鞋仔, 就是那類行為最低層次的一種。

朋友之間的交誼, 發自內心講讚賞鼓勵的話, 不會被視作擦鞋。異性追求的取悅, 因為要奪取芳心, 也不會被視作擦鞋。違背良心, 罔顧事實, 誇大其詞, 因為別有用心去討人歡心, 毫無疑問是擦鞋行為。最常見是下屬對上司, 為了升級加薪, 所以搏取老細歡心。為了做生意賺錢也會落足嘴頭去奉承別人, 當然有讚無彈。為了政治本錢, 搞人際關係, 罔顧法理依據, 穿鑿附會, 以冀推挽, 撈一官半職, 政協常委等, 就是作為律師其中一種擦鞋的理由。也有那些為人勢利, 相識滿天下, 對有利用價值的人刻意營謀, 小心侍奉, 擦鞋於不知不覺間的擦鞋高手。女人就更簡單, 連擦鞋也未必需要, 嬌嗲加風騷, 再加點暴露, 足以殺死一村麻甩佬, 乾淨利落, 盡在不言中。所以只聽人講擦鞋仔, 很少聽到人講擦鞋妹。

在何君堯法庭拍照之二一文, 不斷有人罵何君堯是擦鞋仔, 敗壞律師的名聲, 我不認識他, 故此不能下定論。不過, 作為公眾人物, 又受過嚴格法律訓練, 社會人士對他有要求是極正常的事, 如果他平常的行事及言論, 會使這專業蒙羞也毫無愧色, 放棄對自己一個極平凡的要求, 不管會不會遭受紀律聆訊, 當一個人恬不知恥, 我只能說, 你拿他沒辦法。當社會充斥着擦鞋仔, 而被人抬在花轎上的人已飄飄若醉, 這個社會已變成不辨是非, 不講公義, 不值得留戀的地方。對着擦鞋仔, 我就只能羞與為伍, 免受污染, 不與這類人相交好了。