非禮女病人重審 中醫維持判囚9月
【明報專訊】「仁善堂」六旬中醫藉詞按摩，摸女病人的胸及捽陰，非禮罪成，被判囚9個月。去年已遭判囚9個月的被告上訴，指原審裁判官過度干預辯方盤問證人，未獲公平審訊，案件獲准發還重審，但昨經審訊後維持原判。被告申請保釋上訴，但被裁判官以「辯方未能指出本庭犯錯」為由，不准保釋。
藉詞按摩摸胸捽陰
於美孚新「仁善堂」任職中醫逾10年的被告曾耿中（64歲），被指於去年7月8日在診所內，要求因肩頸膊痛求醫的38歲女病人X脫衣、脫褲，更拉下女病人的內褲為她按摩，其間同步摸胸捽陰，非禮近45分鐘。案件昨續審。
被告一度稱女事主有夜尿、咳嗽問題，大腿內側淋巴位及陰部附近穴位，可以治夜尿；胸部穴位則可治咳嗽，但遭專家證人、香港中醫師公會會長關之義駁斥，下陰穴位非治夜尿，而是治療遺尿；要治夜尿，肚臍下三寸的「關元」穴效果更佳。
關之義駁斥下陰穴位非治夜尿
暫委裁判官林鉅溥裁決時質疑被告證供不可信。林指X自6月20日開始向被告求診，一直在大廳接受針灸治療，但至7月5日獲邀至隱蔽的診症室治療，被告並在無通知X情下突然加插按摩環節，初嘗隔衣摸胸捽陰。被告得逞後又於7月8日，趁X晚上覆診，診症室只剩2人獨處時，邀請X脫衣脫褲接受按摩，但至今仍未能解釋為何大腿淋巴與肩頸膊痛有關等，故被判非禮罪成。
【案件編號﹕KTCC3122/12】(31/8/2012)
藉詞按摩摸胸捽陰
於美孚新「仁善堂」任職中醫逾10年的被告曾耿中（64歲），被指於去年7月8日在診所內，要求因肩頸膊痛求醫的38歲女病人X脫衣、脫褲，更拉下女病人的內褲為她按摩，其間同步摸胸捽陰，非禮近45分鐘。案件昨續審。
被告一度稱女事主有夜尿、咳嗽問題，大腿內側淋巴位及陰部附近穴位，可以治夜尿；胸部穴位則可治咳嗽，但遭專家證人、香港中醫師公會會長關之義駁斥，下陰穴位非治夜尿，而是治療遺尿；要治夜尿，肚臍下三寸的「關元」穴效果更佳。
關之義駁斥下陰穴位非治夜尿
暫委裁判官林鉅溥裁決時質疑被告證供不可信。林指X自6月20日開始向被告求診，一直在大廳接受針灸治療，但至7月5日獲邀至隱蔽的診症室治療，被告並在無通知X情下突然加插按摩環節，初嘗隔衣摸胸捽陰。被告得逞後又於7月8日，趁X晚上覆診，診症室只剩2人獨處時，邀請X脫衣脫褲接受按摩，但至今仍未能解釋為何大腿淋巴與肩頸膊痛有關等，故被判非禮罪成。
【案件編號﹕KTCC3122/12】(31/8/2012)
暫委裁判官林鉅溥未入行之前是Royal Adelaide Hospital的Senior Oral Surgeon，屬醫學世家。後來改行習法，1991年開始返港打政府工，到2000年由高級政府律師轉為裁判官。他是年屆退休之齡再接受任命的暫委裁判官，而並非「新丁」法官。
這件案原審法官是哪一位，現已無需考究。原審定罪在上訴時被推翻了，理由是
25. 綜合而言，本席認為一名聆聽案件及知情之旁觀者，會認定上訴人並沒有獲得一個公平的審訊，而裁判官亦看來沒有做到公正不倚。(香港特別行政區 訴 曾耿中 HCMA832/2011判辭第25段，上訴由高等法院原訟法庭暫委法官彭寶琴聽審。)
上訴判辭列舉原審謄本幾處審訊紀錄，證明裁判官沒有做到公正不阿，下面是其中一例。
這件案原審法官是哪一位，現已無需考究。原審定罪在上訴時被推翻了，理由是
25. 綜合而言，本席認為一名聆聽案件及知情之旁觀者，會認定上訴人並沒有獲得一個公平的審訊，而裁判官亦看來沒有做到公正不倚。(香港特別行政區 訴 曾耿中 HCMA832/2011判辭第25段，上訴由高等法院原訟法庭暫委法官彭寶琴聽審。)
上訴判辭列舉原審謄本幾處審訊紀錄，證明裁判官沒有做到公正不阿，下面是其中一例。
14. 另外，由於上訴人的案情是他當時為控方第一證人所作的按摩，其實是為控方第一證人調理身體，包括醫治其早前提及的夜尿及咳嗽等問題。故此，上訴人是希望依賴控方第一證人的病歷紀錄，以確認這點及以便向控方第一證人作出相關的盤問。然而，裁判官卻一早認定，只有在事發當日，控方第一證人所述的病徵才與案有關，其他並無關連，以致裁判官與上訴人有以下對答：
「…問：咁--姐，你係一--你記唔記得你因咩嘢病嚟睇我嘅呢？嗰陣時。官：唔係，停一停。被告人：係。官：我所明白，初初就傷風喇，咁後來就係肩頸膊痛喇，咁今次都係肩頸膊痛喇。被告人：唔凈係肩頸膊痛一個嘅。官：你停一停。被告人：佢唔凈係一個嘅。官：你停一停，你自己小心啲喇。被告人：好，好。官：舊陣時嗰啲，就我暫時睇唔到咩嘢與案有關喇。被告人：得，係。官：你係咪話與案有關㗎？舊陣時嗰啲。被告人：法官大人，呢度有一個呢個--小姐嘅病歷，應該係證物應該都有嘅。官：停，停。你係咪話舊陣時佢睇過啲咩嘢病，與今次發生嘅事有關嘅先？被告人：有關。官：係吖嘛？被告人：係。官：有咩嘢關？講嚟聽聽。被告人：因為...官：因為次次嚟親傷風，都要摸佢嘅私處、佢胸部，係咪咁樣？被告人：唔係。官：唔係，與案有何關係？被告人：關係就係佢嚟我--即係7月8號嚟睇病，最後佢病嗰時，佢仲--佢除咗頸緊膊痛，佢仲有平時一啲病係未好嘅，佢係...官：唔緊要，咁咪問囉。被告人：係。…被告人：佢嚟睇肩頸膊痛，但係同時佢仲有其他病未醫好嘅。官：係咪佢講埋畀你聽，『我仲有呢度痛、嗰度痛』？被告人：有，係，係咁樣，因為佢...官：係吖嘛？得，而家講緊係7月8號。被告人：你聽...官：你聽--停，停，停。被告人：係咁，7月5號...官：7月8號，妳去見呢位曾醫師嘅時候，妳除咗講畀佢聽肩頸膊痛之...被告人：7月5號，我講緊係7月5號嚟按摩嘅事，佢仲...官：停，停，停。被告人：係。官：第一，呢度唔係遊戲場。被告人：係。官：我以為你講來講去講緊7月8號，你而家話7月5號？被告人：係。官：係，我會畀你繼續問落去，但係記住，我哋關注嘅係7月8號。點都好，你話7月5號佢係嚟見你，除咗肩頸膊痛，仲--佢亦都講畀你聽有其他病痛，係唔係？被告人：係。…被告人：佢仲有就係夜尿又多，佢原來一嚟睇嗰時，第一日，6月20號嗰時就係話佢夜尿好多嘅。官：我哋而家講緊7月5號。被告人：係，7月5號佢啲夜尿又多番，繼續係多。…官：曾醫師，咁我話我唔需須要聽呢啲嘢㗎喎，又有咩嘢關鍵嘅嘢吖？與案有關呢？你話咩嘢又多咗夜尿嘅，佢話冇喎，仲有咩嘢嘢吖？被告人：呢個多咗夜尿呢個問題，呢個病歷上係有嘅。官：我唔知你病歷，你寫乜都得，除非你話佢簽咗名喇，否則我就話佢--你就提過咩嘢夜尿又多了，佢就話冇，即係我所明白，係個肩頸膊痛咋嘛，你有咩嘢其他嘢想問吖？如果你凈係話佢同你講過乜，咁我話你要清晰啲想問乜先至得，否則我就唔會批准啲咁樣嘅問題嘅。…被告人：我就嗰個目的就係話，如果睇下--即係講個病情，我同佢治療嘅病情，佢係仲記唔記得，佢承唔承認嘅，佢有嗰個啲病嘅先。官：咩嘢話？你而家講緊係--即係你話呢啲--你係問緊7月8號，係咪呀？被告人：7 -- 嗰啲病唔係一天可以醫得好嘅。官：係，唔緊要，唔緊要。被告人：係，就係…官：唔緊要。被告人：即係佢嗰啲病人好多病嚟講...官：唔係，唔係。被告人：…佢身體虛弱，一啲...官：唔係，你唔好理。被告人：係。官：你唔好理，你唔好理,我又再重複，呢宗案件最緊要嘅係7月8號佢嚟求診，喺你間房裡面，你同佢之間發生咗嘅是甚麼…被告人：我想知道嘅就係話,佢嘅病除咗頸膊痛以外，佢嘅頸膊痛只係其中一個病嚟，佢初初嚟睇，一直都唔係頸膊痛，頸膊痛係後嚟增加咁樣。官：唔緊要。被告人：咁我同佢醫嘅過程中就唔係凈係同佢醫頸膊痛，希望佢認識，我就唔係凈係幫佢醫頸膊痛，而係佢嗰啲咁多慢性病，唔係會一時都好得嘅。…問：再想問，就係--小姐妳記唔記得你都係講到你嘅病情係包括咗咩嘢呢？包括咗咳嗽，咳咗好耐。官：咪住，咪住，你而家係講緊7月8號、7月5號、6月20號、7月4號定咩嘢嘢呀？被告人：七-- 呢個從一--好多病從頭到後尾，佢嚟咗總共八次，咁...官：喂，老實講喇，我關注嘅就係7月8號佢嚟搵你醫咩嘢嘅嘢啫，同埋你所做嘅係咪合法喇。簡簡單單講，係咁㗎咋，佢舊陣時咩嘢點咳、傷風等等，暫時睇唔到與案有何關係，最多就係話佢返嚟搵你，就係因為信你，覺得你好嘢，一劑藥就醫到佢嘅傷風。問：我就係想澄清楚，就係究竟呢個7月5號同7月8號，你除咗嚟睇膊頭痛，但係我係仲感覺你仲有你以前嗰啲身體虛弱造成嘅嘢。官：唔係，咪住，咪住。問：都係等等嘅病你都未醫好咁嘅。官：你咪住，咪住，咪住，咪住，唔係，最緊要就係佢求醫，佢求你醫乜先？被告人：佢...…問：因為妳嚟醫嘅時候，係咪凈係醫肩頸膊痛吖？或者妳都感覺你身體仲係未夠好，其他有病嘅...官： 唔係，唔係，唔係，唔係，唔係，唔係，聽我講，聽我講。問：…要一齊醫埋嘅。官：唔得，停，停，停，停，停，停。我都話喇，佢求診是甚麼，佢就話肩頸膊痛，講緊7月8號，…問：當時嘅病歷上係有寫嗰啲--同埋嗰啲藥都治療埋嘅，唔係凈係治療呢個頸梗膊痛嘅。…問：肩頸膊痛，我嘅醫療根據等等嗰啲，嗰啲唔須要問證人嘅，係咪呀？即係…官：唔知呢，總之就肩頸膊痛，佢就求醫，就係咁樣喇。」(見上訴宗卷第61頁L至第62頁Q、第63頁B至D、第70頁G至K、第73頁A至P、第77頁N至T、第78頁F至T )
原審裁判官確實不智，花了唇舌來阻止被告浪費時間發問離題的問題，到頭來自己又浪費時間和被告辯駁，而且態度也跋扈。若果要阻止被告重覆發問，可以對被告講「這問題你發問過了，請問別的問題」，自己也要少講廢話。單看上面這段對話，裁判官用了多個「停」「咪住」「唔係」，看起來都覺得突兀，使人覺得這裁判官有點神經質。1994年啟用審訊錄音後，審訊紀錄，一覽無遺。沒有judicial temperament的人，就不要接受judicial appointment。法官的威嚴，並不來自驚堂木、殺威棒，司法機構看來要開workshop，教授一下審案技巧。
網誌管理員已經移除這則留言。
回覆刪除