2017年1月23日星期一

冇廁紙的gimcrack

【短片:Emily Online】伙林作拍片大玩「冇廁紙」 胡官:實情有無人信你架? (20:00)

特首參選人林鄭月娥的「原來便利店是沒有廁紙賣」經歷成了選戰熱門花邊話題,大律師林作在fb貼出和另一參選人胡國興的一唱一和對答片段,林作手拿一籃類似餐廳用的紙巾,說:「攞返去當廁紙,用晒吖麻,無廁紙」,胡國興就說:「你要小心啲喎,咁樣無乜人信架咋」。

短片一開始,胡國興對拿着一籃紙巾的林作說:「你都係姓林架喎,你攞住呢啲(紙巾)做咩?」林作說要拿回去當廁紙,因為家中無廁紙,又急需要用。胡官質疑那些紙巾是用餐時使用的,又說:「你噚日實情係唔係喺屋企架?有無人信你架?」林作說,知道自己「冇乜透明度,又唔太令人信任,但冇畀人捉到就算啦,放過我一次啦」。

林作亦在片段中留言指「我愛胡官」,並標籤了「演技比我好」。
(23/1/2017明報即時新聞)

不只一個人問我, 你同胡官有仇咩, 成日批評佢? 我豈敢又那有資格跟大官有仇, 上面這篇報導, 正好用來闡釋一下批評他的因由。

法律普及化的今天, 法官不再高高在上, 就算高級的司法人員亦然。不過, 法官在社會裏之所以地位尊崇, 是跟他們的工作性質及背後代表的制度有必然關係。市民對法官的形像、儀容、言談舉止也有一定的期望。爛仔、無賴、小學雞的立法會議員, 大家見怪不怪, 如果是法官, 相信沒有人會接納這種表現的。

用冇廁紙事件來抽水, 我想知胡官在sell甚麼? Gimmick? 扮梁醒波? 爭取年輕一輩的認受和支持? 大佬, 選特首喎, 唔係選idol, 唔係玩pantomine喎。這gimmick根本是gimcrack。為乜搞個爛gag出來?

我不否認對法官搞政治存有偏見, 既然是偏見就未必有令人信服的理由。要講理由, 我就一定講到幾個。法官參選特首, 連陪跑也稱不上, 配角也不是, 那種層次就像為疑犯安排認人手續裏的戲子。商界不要你, 建制派不要你, 共產黨不要你, 連法律界都不要你。(Alan Leong上星期不是說爛橙之中他寧願揀曾俊華, 是否表示胡官不單只不是好橙, 而且是爛橙也不如, 否則使乜揀爛橙?) 胡官最近講《基本法》相關的課題, 應該正經的卻表述得一蹋糊塗, 不正經嚴肅的就十分投入。心水清的市民可能會疑惑, 乜啲咁高級嘅法官, 都係好似維園阿伯西裝版咋, 會唔會有點丟法官架呢?

34 則留言:

  1. 上一篇都話左胡官不如將個位比長毛好過啦...我真係驚佢影衰法官形象...
    做埋晒呢類小學雞行為去抽水...佢真係以為咁做會令班民主派選委題佢名?

    回覆刪除
  2. 我好想知胡國興點解要出嚟選,退休冇嘢做寂寞?

    回覆刪除
    回覆
    1. 特首: 全香港只有一位, 不管留下罵名or稱讚, 將永留青史, 吸引好名或是喜權或是逐利者要出嚟選

      刪除
    2. 這要當事人自己剖白。讓我猜: 退休後做暫委法官, 做做下辭任選特首, 可能是想上終審法院上唔到, 所以索性心頭高啲。

      刪除
  3. 胡生已經唔係法官,係跑手.係唔係陪跑?係,不過佢本人點諗,得佢一個人知.
    做得跑手,自然要上場跑.至於點跑法,係佢既選擇.你可以批評佢既場上既表現,不過無謂以審視法官既眼光黎睇佢點跑,因為佢已經唔係法官,係田徑場上戴白髮跑步亦唔會快左.

    回覆刪除
    回覆
    1. 即係脫下官袍就可以唔顧身世, 甚麼質素也全無? 報咗名都未審查資格, 仲未跑, 入到閘先至可以跑。

      刪除
    2. 行政長官參選人胡國興在午餐會致詞時,諷刺其中一名參選人是「色盲」,指他早前在紅綠燈前等了很久仍未宣布參選,相信是看了很多莎士比亞的名著,思考「to run or not to run」。

      胡國興說,自己正學習成為一名政治人物,但另一名希望拯救香港、避免憲制危機的參選人卻在學習如何生活,例如怎樣使用八達通,香港哪裡可以找到廁紙等。

      胡國興說,自己象徵著「改變」,特首梁振英不尋求連任就是一個明顯的訊號,中央認為現在是時候作出改變。

      http://news.rthk.hk/rthk/ch/component/k2/1309664-20170124.htm


      Help~ Oh my god~

      刪除
    3. "To be or not to be" has become such a pun in the pre-election campaign. One does not need to read many Shakespeare or does not even need to read any Shakespeare to learn the phrase. This Hamlet soliloquy is just a cliche. Woo, ex-VP, just made use of any opportunity to make his puns. When he has nothing to offer, he just tries to steal the limelight with gimcracks. Yes, OMG. When Regina Ip is whimpering with tears, Woo is whimpering with gimmicks. What a shame to see a prestigious judicial officer degenerate into a busker juggling with three axes or knives but every time when he tries to catch the toss, he cuts his own skin.

      刪除
    4. 「(當某人)說,自己正學習成為一名政治人物..」相信下續是圓滑手腕、尋求共同利益空間下妥協。
      估唔到下續是小聰明屎忽鬼、到處得罪人。

      胡先生不斷以任務方式進行, and yes, OMGx3

      刪除
    5. 就當佢未入到閘,但比賽呢家野,由你決定當一名跑手既時候已經開始左.
      你可能睇到件官袍好重要,但佢就唔同.脫得官袍落場,就只需要考慮比賽,仲顧身世黎做咩?若係唔舍得件袍,又或有咩身世放唔底,一開始就咪搞咁多野.如果係影響到你發揮表現既野,仲留黎做乜?

      刪除
    6. 邊有得咁撇脫, 任何候選人都要以自己的履歷來游說選委, 切割了過去, 你姓胡、姓曾、姓劉、姓鄭是甚麼?

      刪除
    7. 所以勸你批評人既時候無謂再當人係法官law.
      基本法點寫,法官點判,如是者用法官思維講基本法,得出既結論一定係親體制,比如人大有權釋法之類.假設前法官想抱中共大腿,可惜人地中共已經被3人環抱,無位你入.想入閘自然要用另一種策略.佢出得黎用跑手思維講基本法,好明顯係因為佢已經意識到法官思維幫唔到佢爭取任何一方支持.放在你標少眼裹變左"維園阿伯西裝版",你可以話係佢策略錯誤;不過分分鐘佢亦可能只係早已放棄標少及一眾有識之士既支持,唔當你地係target audience,先有呢D政客(棍)言行.

      刪除
    8. 不論政客政棍, 爭取到我支持都無用, 我只是光棍一條。抱唔到中央大腿所以抱佛腿? 我只希望敗選也不損氣度。

      刪除
    9. 政治呢家野,你死我活,邊有"敗選不損氣度"呢回事?唔好話敗選,勝選如特朗普更係最無氣度既一個.澳洲近年都有唔少逼宮戲,當中可曾有過君子之爭?

      講開"君子之爭",林太呢句"希望今次係君子之爭",講到好似上次係"小人互放暗箭"咁.假設我係曾生葉太,收到既message係"我唔會放箭射你,而你亦無謂開槍打我,我係啊爺點名大紅人".胡官斥林太放暗箭,的確無錯,不過人地放箭既target唔係你,你想擋箭亦無呢個身手.

      刪除
    10. 贏硬就可意氣風發, 輸硬都可以雍容華貴。心虛就以為自己是目標, 殊不知這叫美麗誤中箭。嗰三個根本唔當佢係對手。

      刪除
    11. 回應頭post:但是一般市民大多是以審視法官o既眼光黎睇佢點跑。

      刪除
    12. 合理。
      大眾稱呼叫胡官、CV是法官, 減晒, 你叫我地咁短時間睇乜?

      刪除
  4. http://hk.dv.nextmedia.com/actionnews/hit/20170124/19907002/20140430?_ga=1.49879526.1755323008.1472997955

    http://hk.dv.nextmedia.com/actionnews/hit/20170124/19907002/20140430?_ga=1.49879526.1755323008.1472997955

    Funny video clips ...!

    John T has a great PR team! Have you read his speech in English, which is superb?

    Terry

    回覆刪除
    回覆
    1. https://www.facebook.com/notes/john-tsang-%E6%9B%BE%E4%BF%8A%E8%8F%AF/2017-%E9%A6%99%E6%B8%AF%E7%89%B9%E5%88%A5%E8%A1%8C%E6%94%BF%E5%8D%80%E8%A1%8C%E6%94%BF%E9%95%B7%E5%AE%98%E9%81%B8%E8%88%89%E5%8F%83%E9%81%B8%E4%BA%BA%E6%9B%BE%E4%BF%8A%E8%8F%AF%E5%8F%83%E9%81%B8%E5%AE%A3%E8%A8%80-2017-ce-election-john-c-tsang-declaration/1839717266300917

      good drafting in English.

      Terry

      刪除
    2. Thanks. Just read.

      I don't want to lash out at the candidates all the time. But campaign promises are always easy to make. His pledge, I quote:

      "We cannot be blinded to the economic problems and wealth disparity that we face today. Instead of acting against market forces, our mission is to remedy its pitfalls and improve its implementation, helping those who have fallen through the safety net, and ensuring a decent livelihood for those who are willing to contribute to the success of Hong Kong."

      Did he address his failure in the past and acknowledge it? Or is it an embellishment of empty promises always seen in election campaigns? The paragraph itself is paradoxical. Once again, he emphasizes not to act "against market forces". This coincides with what people accuse him of being nonfeasance ("hea"). Not to act against market forces is always a shield to ward off criticisms. Yet, I wonder if he would be given the opportunity to prove otherwise.

      刪除
    3. Agree with you, Bill.

      BJ (Old BJ)

      刪除
    4. Hea 或無為不一定是壞事。社會經濟自有它運作的規律。政府不是萬能,更會不時犯錯。即使大有為如北京政府,也無法完全以政府意志操控社會經濟的運作,何況是細小開放的香港。順自然是道家的傳統智慧。老子有云:聖人不死,大盜不止。順應市場規律而行,一向是香港成功之道。政府無為,不代表社會也無為。有心的人或企業,可各行其是,造福自己和社群。人人依賴政府、事事依賴政府的社會,才會缺乏活力,無所作為。對社會及市場運作規律缺乏了解的大有為政府,更容易帶領大家撼頭埋牆。
      香港自回歸以來的各種failures,有許多原因引至,大家也有責任。不能都歸咎於政府,更不能說成是個別官員的failures。

      potato

      刪除
    5. Hea不一定是壞事, 長期繃緊就要hea下, 長期hea使自己不會緊繃就是壞事。

      刪除
    6. To: 匿名2017年1月24日 下午8:53

      I guess you were trying to defend John Tsang. When one criticizes part of his platform does not mean that one attributes the government's failures to him.

      Somehow these days whatever Tsang says or does receives (undue) praises from some people.

      Old BJ

      刪除
    7. potato,

      將時光倒流六年,回到2011年的財政預算案。當時《生果報》提及曾俊華的報道標題包括:「曾俊華理財哲學欠奉,只懂派錢多寡欠缺長遠承擔」、「財爺開庫派錢派到赤,今年盈餘1156億來年赤字75億」、「與民為敵,損人不利己揼錢落鹹水海,正狗官,小市民鬧爆曾俊華」、「財爺屈服派錢$6000退稅$6000,市民先贏一仗周日再上街」、「財爺靠嚇無阻泛民決心」……大家會否隱隱然聞到「倒曾」的味道?那個「理財有道」的人怎麼忽然變了這樣?《生果報》和泛民支持者由冷嘲熱諷到忽然挺曾?你知什麼原因?

      刪除
    8. 我並非要defend JT。我只是要為「無為而治」和「大市場、小政府」的管治哲學辯護。今天JT要在沒有亞爺祝福之下參選,若要輸得好好睇睇(我不認為他會勝出這小圈子選舉),一定要做政客、爭民望。做政客,當然要滿足各界壓力和利益團體的游說和訴求,不可能提出「無為而治」和「大市場、小政府」這些票房毒藥作為管治哲學。港英時代可以行「無為而治」和「大市場、小政府」,就是因為沒有民主,不用求選票,市民亦大多抱難民心態,對政府沒有期望。
      至於《生果報》,早期一直捍衛自由市場。自從楊懷康離開後,立論早已屢屢放棄自由市場原則。我不看該報怕有十年了。該報因何前言不對後語,甚至自相矛盾,我不會解讀或為它辯護。擁護自由市場原則的我,亦不是泛民的支持者。

      potato

      刪除
  5. 你縱使不喜歡張志剛都好,但佢今日響明報呢幾句的確值得心思:

    曾俊華當了這麼多年的司長,不可能不知道政策的矛盾性。他認同特首梁振英的房屋政策,但地從何來?改劃、拆遷、發展綠化地帶和郊野公園,甚至填海,哪一樣不面對激烈反對聲音?你有何人人叫好、大家贊同的善策?「休息」可以大庇天下寒士盡歡顏嗎?諮詢、無休止的諮詢,寒士可以等你幾多年!
    房屋只是一例,其他政策幾乎無一例外。任何新的政策改動,都觸動既有利益;一旦觸動根本利益,社會自然有衝突。「與民休息」就可以解決這些衝突嗎?
    休息,就是處於靜止狀態;「與民休息」,就是政府不想作任何重要改動。但現狀是美好的嗎?現狀是大家都滿意的嗎?居住情况、事業發展情况、生活條件情况,以至政治情况,曾俊華要休息,泛民肯休息嗎?泛民不會要求重啟政改嗎?一旦重啟政改,又引發社會的激烈對立。曾俊華不敢講取消人大「8‧31」決定,但泛民又表明不接受「8‧31」,那大家又如何休息呢?曾俊華是否已經跟泛民有某種默契,他當特首,泛民就不提重啟政改,又或者接受「8‧31」?又還是泛民知道曾俊華的政治底牌而暗通款曲?就算如此,瞞得一時,也騙不了一世。泛民一旦要求重啟政改,一切枱底交易都成為泡影,因為泛民已經四分五裂,並且由激進主導,枱底交易如何當真。

    http://news.mingpao.com/pns/dailynews/web_tc/article/20170125/s00012/1485280644104

    "與民休息"係指要詳細諮詢,唔急於推行政策的話,是否要呢5年無止境地爭論落去,期間乜都唔好開始?
    依家香港一人一把聲,聲音細果班人往往用激進手段去抹黑果班大多數沉默者,咁樣你教人"如何休息"?

    回覆刪除
    回覆
    1. 拭目待看曾生的政綱, 社會分裂要休息, how? 經濟政策似乎已休息了很久, 唐唐當年至少有個菠蘿包理論, 曾俊華好似一直都得個牛奶嘜, 把錢收在裏面, 放入牀下底, 不捨得使。

      刪除
    2. 老憎佢當左自己係與世無爭的人,自己做自己事,否則佢唔會做咁耐,可以做三朝元老....
      依家要落番地,佢地係靠果班公關團隊去重建形象嗟...
      如果笑人地無廁紙,唔識用八仔.那麼當年話鬍鬚佬唔知栗米肉粒飯幾錢既人,如今又話要"含淚投票"俾個睇法國電影,經常去starxxxx飲咖啡的"離地中產"?

      刪除
  6. 新春大吉。龍馬精神。一團和氣。Terry

    回覆刪除
  7. http://hk.apple.nextmedia.com/realtime/news/20170127/56232689

    林鄭失策了。一見到就知大陸來個d專業人士,仲要走埋去。Terry

    回覆刪除

注意:只有此網誌的成員可以留言。