2017年1月19日星期四

比白更白, 比酸更酸

開這題目, 好明顯是涉及城中議題, 比白更白是甚麼意思? 從城中這件案的案情(直至目前), 越聽越黑, 怎樣漂也漂不白。不過, 講到這裏我不能再講下去, 否則就犯大不敬。

我一向都佩服葉劉參選的勇氣, 她有心為社會做點事, 值得讚賞。不過肯為社會做事、服務市民的人, 未必需要做特首, 也未必適合做特首。她可以砌低胡官, 她可以和曾俊華搏擊, 林鄭嘛, 她就只好慨歎, 既生瑜何生亮了! 林鄭未出, 葉劉還有點希望, 林鄭一出, 葉劉的酸氣上騰。梁振英讚林鄭有擔當, 葉劉就哭哭啼啼了, 何必丟架呢! 上次董建華公開hug了林鄭, 葉劉就上門求hug, 這就輸了氣度。

梁振英日前曾讚林太「有擔當」和「有能力」,同是特首參選人葉劉淑儀則眼泛淚光稱自己絕對有擔當。林太在訪問中讚賞葉太「很有擔當」,並表示葉太接受選舉洗禮,「我好佩服你(葉太)」。林太說,相信葉太出來參選要承受很大壓力及委屈,有情感上的抒發是人之常情。(19/1/2017 明報)

死唔死, 對手又讚你又同情體諒你, 即是說你根本不是對手, no match, 毫無威脅可言。我就真係好睇唔起哭哭啼啼的對手, 打硬仗就show quali, 無quali只靠向奶媽哭訴讓你吃奶的人, 根本不是對手。這樣講不是講葉劉, 她算有quali, 只是一直都不能洗脫過去給人的壞印象, 如果酸和hea二擇其一, 我揀酸不揀hea, 因為我從來只喜歡實事實幹的人。

我都覺得葉劉有擔當, 在一個撕裂的社會裏, 有擔當的人自然受到攻擊, 如果一味hea做, 一味做好人, 一味識走位避險, 自己甚麼事也不上身, 自然不會受到攻擊。我很喜歡用法官做例子。一個有擔當的法官, 審案時認真, 不怕出名的律師, 不怕上訴, 但在上訴時受批評的機會大, 繼而影響了聲譽。一個無擔當的法官, 找藉口避開麻煩的案件, 恐懼出名的律師, 法律爭議用案情事實來判斷, 找個藉口判被告無罪, 被上訴機會少, 被上訴庭批評的機會就更少, hea做反而變成好官。不做自然不錯, 亙古以來的道理。現今香港的社會氣氛, 會做重要決定的人而不中箭, 呢種人一定是卸膊無擔當的, 除非所做的不是社會具爭議的事。比hea更hea的人, 當然大有人在。

18 則留言:

  1. 「831 唔係我地o既立場,係内地帶入來,呢個係我地要處理的問題」
    不能說的事實都講埋。

    回覆刪除
  2. 算把啦,香港人係要聽花言巧語,受完一個貪曾唔夠嫁,要多個hea曾,台灣空心菜咁大個example都完全冇視,唉

    回覆刪除
    回覆
    1. 香港人? 毒果話乜O米乜囉
      仲好意思笑老人家"掌心雷"

      雷動計劃換佐用手機, 內裏都一樣係"掌手雷"

      刪除
    2. 正如痴線佬係經常鬧人痴線咁,真正的港豬一樣成日鬧人港豬

      刪除
  3. "不揀hea", me too. "如果酸和hea二擇其一", I will cast a blank vote.

    BJ

    回覆刪除
  4. 好大可能要入册。
    我會選薯片。如果曾鈺成舉手,我會選曾鈺成。

    Terry

    回覆刪除
    回覆
    1. 釘咗梗要入去剪頭髮。

      刪除
    2. 標少及各位有識之仕:
      草民看不懂以下連結http://www.info.gov.hk/gia/general/201510/14/P201510140932.htm各位可否簡單講述吓
      多謝各位

      刪除
    3. 不是已經說得很清楚嗎?

      刪除
    4. 標少
      本人不懂司法架構及法律
      所以不容易看得明白 好像是(主任裁判官丶總判官、時任常任裁判官)
      平時標少你用深入淺出寫文章 好似講故事咁
      所以使讀者容易理解
      怎樣也好 多謝你回覆

      刪除
  5. 選完立法會特登叫葉劉去中聯辦謝票,就係想借記者試佢夠唔夠堅定。葉劉咁都唔敢認(學吓何君堯啦),試問小明團伙點有信心搵佢做紙板突手呀。

    回覆刪除
  6. 「深井光屋」活化過程同「小故宮」一樣,未有公開招標、亦未有公眾咨詢,但不同的是只有前者沒有「程序公義」的爭議。所以,所謂的不是社會具爭議的事,其實,嘿嘿,只是某些人/團體有沒有利用傳媒炒作而已~

    回覆刪除
    回覆
    1. 規模很不同, 性質也不一樣, 最主要原因是無大陸元素。即係好似美國總統就職典禮同中國國家主席就職, 前者有啲人仆到去, 後者有人拒絕去, 啲人唔理邊個做美國總統, 總之美國就一定好嘢, 就係咁簡單。你睇啄往林鄭嗰個係乜黨嘅人, 佢哋講明揀薯片都唔揀林鄭, 這就是政治動機。

      刪除
  7. Who, in your view, is the worst criminal judge (dead or alive) ever presided over a Hong Kong criminal court?

    回覆刪除
    回覆
    1. As I observe Bill Siu's blog, Bill might think Ma'am Chui or Judge Toh is the worst, based on experience and reading appellate judgments. But to be safe, Bill might also say that he has no comment on individual members of the judiciary.

      Just a guess,
      PHLI

      刪除
    2. I would rather refrain from commenting individual members of the Judiciary. I normally comment case by case. There are certainly ones who do not impress me.

      刪除