2019年6月16日星期日

修例之死

在政務官中, 林鄭都算是個有幹勁的官員, 她貴為行政長官之後, 也算有佳績, 可是, 修例卻修得一敗塗地。修例的死因在那裏? 一言以蔽之: 跋扈。 我第一次聽到她以陳同佳案為修例的源起, 我當時在大海漂泊, 上網一天要20美金, 我怎會花這些錢, 所以沒有第一時間評論。我在2月28日才有餘閒寫遊記, 在遊記最後一段才第一次評論修例, 當時提出以陳同佳為修例理由根本是藉口, 這藉口一直用了幾個月, 越用越無恥, 連我這個被不少人視為建制的入都戳破這謊言, 只有真的建制派才會用這理由替她圓謊, 罔顧幾個事實: 一, 引渡陳同佳並無迫切性, 因為他無路可逃, 若他是擁有私人飛機和遊艇的富豪就當作別論。二, 無論是修例或個案式安排的引渡, 陳同佳案已變成政治議題, 用來打主權及選舉牌, 台灣由要求引渡, 港方不瞅不睬, 變成香港藉詞引渡以繩之於法, 變成台灣耍手擰頭。這齣戲台詞太差了。

「廢話論」一出, 萬箭穿心。林鄭不是律政出身, 這歷史背景根本是政治性的, 並非立法漏洞, 也非鴕鳥鑽洞, 所以廢話論一出, 惹來不少前高官及律政司中人出來反駁。

大律師公會及法律學者提出修例的批評和建議, 政府一於置若罔聞, 只向建制和商界傾側, 以為拉攏建制就可十拿九穩獲大比數通過。林鄭甚至有膽量指責法律界不理解修例內容, 簡直是膽大妄為的說法。我都不知是誰在這時候出的餿主意。

這樣重要的條例卻用上超短的20天諮詢期, 訂立《國歌法》都搞了年幾還未通過, 《國歌法》基本上是大陸版的改頭換面尚且需要仔細討論, 逃犯條例卻想矇混過關。

整個問題並非出於修例本身, 修例的條文, 若使用於一個人權法治昭著的國家, 議員根本不會質疑, 使人擔心的是大陸的法治, 大陸的法治問題香港是沒有能力解決的。然而, 處理逃犯問題, 香港作為國際大城市, 法治之都, 也要肩負責任, 不能任由自己成為大陸逃犯的天堂。所以修例不應撤銷, 只應再修改而不是放棄立法。誓要撤例方休的人, 我真不知他們腦中的想法。不論林鄭是否下台, 不論誰做行政長官, 都有必要正視修例的問題, 這問題應逃避到2047才解決嗎?

一次一次的遊行, 不知在本港有名有姓的逃犯及其家人、朋友、跑蹆又有沒有參加呢?

135 則留言:

  1. 至今不太明白为何政府需要撤回,事已至此明年選舉建制必受重創,難道上面另有考虑?

    回覆刪除
    回覆
    1. 我不明的與你不明的剛相反, 為何要倉卒強推?

      刪除
    2. 感謝回覆,我認同不該無腦強推,這是执行方法的問題林鄭的無能,但事情發展到这个田地,以后有什么事情大家出来遊行一下政府就退縮,考虑到现在的社会气氛,感觉以后政府什么都不用做

      刪除
    3. 香港以前最出名的經濟政策是laissez faire, 往後咪無為而治囉, 甚麼都不做, 突然一朝醒來2047年7月1日, 到時才聽天由命。

      刪除
    4. 今日成日無睇新聞,行下山舒發下身心...
      返黎,睇了一陣新聞簡報,知道應該係開始失控了...
      標少,依家係直頭去到人多就可以連法理都唔駛睇,話要放人就放人,否則就圍到你跪低...這叫做好事嗎?
      同我前日預測一樣,泛民今次甚似想同中央奪權多過撒回修例,就算真係撒回,就算林鄭落台,佢地只會叫價越來越高...

      刪除
    5. 所以香港無為到以後唔好發展任何野,由得佢死就算?

      刪除
    6. 巴巴先生兄, 顏色革命絶非没有破解辦法,要看泛民班政棍有幾多斤两, 若玩過了火不識收手便有好戲看, 不要忘記老共靠鬥爭/革命起家打江山, 老共認了第二没人敢認第一.

      刪除
    7. //所以修例不應撤銷, 只應再修改而不是放棄立法。//

      有留意涂謹申在上星期六在香港電台節目嘅發言的話,便會知道泛民講嘅撒回係:撒回經諮詢之後首讀,再交法案委員會研究然後二讀、三讀等立法程序去立法,並不是放棄立法。如果祇暫停立法程序,即是諮詢後直上大會二讀,好難詳細審議遂條條文!

      刪除
    8. 樓上位師兄,泛民去到呢個時間,已經唔再"記得"之前講過乜架啦...
      依家咁多籌碼,梗係乘勢取消埋兼令政府不能運作啦...

      刪除
    9. 1212兄,問題係泛民依家相信開始淆底,驚個運動會失控到連埋佢地都燒埋...
      今日班示威者,大多數都係響網上號召多,呢批人係受獨派,自決派指揮的...
      正如樓下話齋:如果涉及港獨層面,上面可以宣布進入緊急狀態...

      刪除
    10. 泛民唔會唔記得,祇是政府啲建制派斷章取義,去強調唔可以撤回!又或者政府跟本唔想重頭去行立法程序,唔想遂條條文俾人用放大鏡睇!

      刪除
    11. 巴巴先生又話唔再講嘅?

      刪除
    12. 巴巴兄,今日我有好多不理世事,等食PENSION既公務L前輩都出左來,唔通佢地又係呢批人係受獨派,自決派指揮的?我家族除左任職警察既公墓員(包括教育、律政、郵政、消防、海關、地政、前醫務衛生署)親朋都出晒來,唔通又係獨派,自決派指揮? 我唔贊成港獨同暴力,有份掉磚都應該要檢控。但簡單歸納為受獨派,自決派指揮,呢個絕對係一個懶惰思維既建制派!!!!!香港需要有智慧的建制派,而唔係懶得去分析既應聲蟲!

      今日路過一個打正旗號既獨派單位,連佢地都無叫香港獨立,因為係呢環節根本無市場。如標少所言,上述既淺藍係怒於林鄭打破公務L既一貫程序,連一些資深既教育局D1官員,同我飲左兩杯都口吐怨言。更加唔好講係DOJ,連d Law Clerk都恥笑鄭若驊係貪吃的肥海獅。

      如果真係要撐政府,真係唔該唔好咁懶惰,唔係只會衰多幾鑊!

      八叔公字

      刪除
    13. 全國正規解放軍據稱都係得兩百萬人左右,究竟係咩人居然幾日內可以指揮到百幾二百萬人示威?香港果然係諜影重重...

      刪除
    14. 八叔公,你的意見我肯尊重,只能說林太是政務官出身,唔識平衡各方勢力。。。
      我夠知道今次政府內部有不同意見啦,但今次泛民賭贏左,如果唔係背後有人幫又点會成事?
      今次係有一堆後生仔做主導,佢地只會聽自決/獨派指揮,這是事實。今次之後佢地人氣急升下,難保下次又借群眾運動去借題發揮。。。(我上星期見到好多學生帶白絲帶)
      林太做唔到下屆特首已成事實(會否提早下台要視乎中央短期內是否揾到人),但依家要如何收拾殘局,要睇中央智慧了。。。

      刪除
    15. 回果位101師兄,的確,今次之後,我諗都要做一排CD ROM去沉澱下自己,去思考下香港呢個殘局如何收拾,今日之後也許過埋七一才發up瘋了。。。

      刪除
    16. 不計預備役連武警約350萬。

      又用返懶惰建制派思維:外部勢力(美帝/英犬)、肥佬黎、有人派錢派水(我撞到有人派餅乾)......真係派你老X喇,我家族d公墓L會為你果1000-2000蚊同餅仔走出來?仲要行到金鐘再搭車返天后再行一次? 唔好痴根喇,做建制做到咁弱智係無得救架。

      八叔公字





      刪除
    17. 八叔公,唔駛動員全部既,只要搵一兩千個打好網絡媒體戰即可。。。
      今次網上吹雞真係用到極致。。。
      (淨係遮打公園果個集會只靠群組吹雞也可兩日內叫成千個人出黎)
      而當日,法國黃背心都係靠網絡而起之嘛。。。
      点都好,放長線睇下囉,而我呢個政治小學雞亦不再响度多言(連匿名都費事),保重。。。

      刪除
    18. 巴巴先生兄:

      很多人仍未知世間險惡, 未經歷過戰亂, 仍以為玩政治鬥爭和搞"革命"很浪漫, 很好玩.

      個人認為以下的短片值得一看, 旨在分享, 没其他目的, 如覺得有料到, 閣下可在You Tube 找到其他九集.

      香港街巷心理戰 Part 10 全民備戰

      https://www.youtube.com/watch?v=1txsXoePqBg

      另重温:

      王卓祺:樹欲靜而風不息 ——透視港版「顏色革命」的外部勢力

      https://www.pentoy.hk/%E7%8E%8B%E5%8D%93%E7%A5%BA%EF%BC%9A%E6%A8%B9%E6%AC%B2%E9%9D%9C%E8%80%8C%E9%A2%A8%E4%B8%8D%E6%81%AF-%E9%80%8F%E8%A6%96%E6%B8%AF%E7%89%88%E3%80%8C%E9%A1%8F%E8%89%B2%E9%9D%A9%E5%91%BD/


      王卓祺﹕再透視港版「顏色革命」的外部勢力
      ——概念及證據

      https://m.mingpao.com/pns/%E8%A7%80%E9%BB%9E/article/20141031/s00012/1414691917043/%E7%8E%8B%E5%8D%93%E7%A5%BA-%E5%86%8D%E9%80%8F%E8%A6%96%E6%B8%AF%E7%89%88%E3%80%8C%E9%A1%8F%E8%89%B2%E9%9D%A9%E5%91%BD%E3%80%8D%E7%9A%84%E5%A4%96%E9%83%A8%E5%8B%A2%E5%8A%9B

      12:12

      刪除
    19. 真心請教下,其實點解成日有人spin 外國勢力呢個口號?係關毛左,文革,67定係純粹推卸失敗責任?巴巴先生沉澱完都可以剖白一下

      刪除
    20. 八叔公,林鄭一開局搵個機電署長做局長就知佢冇人可用。你叫佢邊度搵個有料既律政司?政務司只係等退休,鬼會幫手解決問題?

      同埋佢近日既策略真係差到冇人有,以為自己解決到問題但依家俾哂藍黃勁插。都唔個邊個係佢軍師(或者完全冇)!

      但邊個做特首都係一樣,有料既唔想搞政治,冇料既出哂黎。中央試過商人,公務員,左仔做特首都唔得。突然想起,不如叫張炳良出山搏一搏?最少試埋泛民(話哂都叫係民主派出身)都唔得既話,中央可以宣布一國一制

      刪除
    21. 巴巴先生兄, 慳番啖氣無謂拗, 認真你便輸硬.

      12:12

      刪除
    22. 上面12:12,1:58 前輩聽落身經百戰,甚為可敬。想問你係經歷過二戰?韓戰?越戰?定係三反五反土改文革67 64 ?

      刪除
    23. 如果唔係好似八叔公話懶唔用惱嘅話,真係去想想點解吹雞會有咁多人出嚟響應!自然就是吹雞嘅人一矢中的,針對眾人希望得到而政府又不願給予的事情;政府並沒有好好解釋點解唔可以給予,祇是隨便給個冇人會信嘅理由!你想啲人唔出嚟就奇啦,唔使有外國勢力介入嘅!不過最容易講又唔使搵真實證據(可能係國家機密)嘅理由就係外國勢力介入!

      刪除
    24. 好似黃肉碎,潛水成年,突然浦頭,仲有平台俾佢返修例,真係咁巧合。

      刪除
    25. 點解有人覺得動員出来遊行系容易? 遊行好很辛苦. (可能年紀大啦) .市民唔會按一個制就會出黎遊行.你需要承認政府做野同市民期望有落差. 遊行一下政府就退縮,呢d藉口就算吧啦.管治威信我個人覺得6月9號早就無左啦. 同時,點解中聯辦成日企系市民對面? 或者同學生討論下,同律師會討論下. 即刻會感覺開明好多. The issue is no longer the bill itself.

      刪除
    26. 不如6月23日建制又攪個遊行撑政府,睇下使唔使開多一條行車線。
      政府喎、中聯辦喎,冇理由輸俾外國勢力

      刪除
    27. 攪黑社會式"民主"? 吹雞晒馬鬥人多?

      刪除
    28. 建制人士無理由明知有外國勢力都唔企出黎,國家興亡匹夫有責,唔出黎以後就唔好自稱愛國喇

      刪除
    29. 巴巴先生兄:

      1) 香港街巷心理戰 Part 1 (真理合一,歪論分化)
      https://www.youtube.com/watch?v=wA96XeyRhFs

      2) 香港街巷心理戰 Part 2 (解碼)
      https://www.youtube.com/watch?v=VXGfGwKQDWw

      3) 香港街巷心理戰 Part 3 (解結)
      https://www.youtube.com/watch?v=Ab_NdbdN1HU

      4) 香港街巷心理戰 Part 4 (歷史)
      https://www.youtube.com/watch?v=CwdHK6SSf38

      5) 香港街巷心理戰 Part 5 (借刀殺人)
      https://www.youtube.com/watch?v=KEtvd0gmI6M

      6) 香港街巷心理戰 Part 6 (寧靜,勇氣和智慧)
      https://www.youtube.com/watch?v=3WkHvo4bum4

      7) 香港街巷心理戰 Part 7 (急稿預告)
      https://www.youtube.com/watch?v=aNtuY6PnjJk&t=1s

      8) 香港街巷心理战 Part 8 (旺角的洗礼)
      https://www.youtube.com/watch?v=MUNHl9ECsjs

      9) 香港街巷心理戰 Part 9 (民攻打民 + 貨幣戰爭)
      https://www.youtube.com/watch?v=9pdowsq-dN8


      10) 香港街巷心理戰 Part 10 (全民備戰)
      https://www.youtube.com/watch?v=1txsXoePqBg

      12:12

      刪除
  2. 香港會怎様走下去?想信如來佛祖也攪唔掂,因為到時耶蘇基督又會不滿!

    回覆刪除
    回覆
    1. 佢地可能要玩到出老解才方休...

      刪除
    2. 巴巴先生,民不畏死,何以以死惧之?

      刪除
    3. 巴生,12:27兄,
      香港是經濟社會..中央知,特朗普知,香港人知,你們祈望的事,應該不會發生.
      Bill hk

      刪除
    4. 勿再發春秋大夢, 如香港人不醒覺, 仍係咁搞落去, 搞埋d劣質"程序民主", 連法治也不保, 上海和深圳隨時取代香港

      刪除
    5. 香港仲需要等待一(幾)代年長人士經歷自然人口流失先會轉好

      刪除
  3. 你都識講個核心問題係大陸法治,咁仲點重新推出
    大陸發治突然變好?

    回覆刪除
  4. //誓要撤例方休的人, 我真不知他們腦中的想法。不論林鄭是否下台, 不論誰做行政長官, 都有必要正視修例的問題, 這問題應逃避到2047才解決嗎?//

    所以我倒很欣賞在本博客內經常留言的一位律師先生,他直言搞革命要某黨倒台,我認為他是很直率地知道他想要甚麼,而撤例下台只是幌子。

    不過我更喜歡基本法第十八條最後一段:「......全國人民代表大會常務委員會決定宣布戰爭狀態或因香港特別行政區內發生香港特別行政區政府不能控制的危及國家統一或安全的動亂而決定香港特別行政區進入緊急狀態,中央人民政府可發布命令將有關全國性法律在香港特別行政區實施。 」

    PHLI

    回覆刪除
    回覆
    1. 依家有人想逼上面咁做,從而令美國更加可以用呢樣野去打壓中國...
      依家擺明係中美角力下發生既事黎架啦...如果G20,侵侵同習主席傾完做番朋友,呢d氛圍肯定會好快唔見左...

      刪除
    2. 最討厭講外國勢力介入!我認識嘅,冇一個係受外國勢力影響去遊行!

      刪除
    3. 巴生,
      特生和習生,都不會用香港作棋子..特朗普叫你們大家倾掂去,他要看者依朗和美股及油价..習生要去考慮如何和看特生捉棋又要看者肥仔金這個25仔..他倆才不會花心思落香港.
      Bill hk

      刪除
    4. 是不是美國宣佈誰人才是合法香港總統, 才算外國勢力介入呢?

      有沒有看過 "The Big Short"? 要說服持有 CDO 的人相信評級機構作假, 是差不多不可能的

      刪除
    5. 小心, Trump 一上任便急忙為華爾街班大鱷拆牆鬆綁

      re:
      1. Dodd-Frank Wall Street Reform and Consumer Protection Act

      2. The Volcker Rule

      Trump signs law rolling back post-financial crisis banking rules
      (The Washington Post, 2018/5/24)

      https://beta.washingtonpost.com/business/economy/trump-signs-law-rolling-back-post-financial-crisis-banking-rules/2018/05/24/077e3aa8-5f6c-11e8-a4a4-c070ef53f315_story.html?outputType=amp

      刪除
  5. 古有楊修之死,今有林"修"之死,一如標少所言,死因都是跋扈囂張,目中無人。

    八叔公字

    回覆刪除
    回覆
    1. 同意八叔公説法..看看遊輪碼頭便知,純粹政務官思維,目標就是完成項目.以後的日常工作的如何難做,関我鬼事.
      Bill hk

      刪除
    2. 遊輪碼頭同西九文化區,的確令人失望。。。
      仲有係:不可與敵同眠。。。
      當日用50億/3萬去寵絡敵人以圖和解,到頭來咪付諸東流。。。

      刪除
    3. 好啦,林鄭係第一個藍黃都要佢落台既特首。當年大和解得罪建制,依家得罪泛民。如果佢上星期同中央要求企硬,或小許修改法案,小弟估中央一定叫建制團結。佢做左樣好錯誤既動作,搞到兩邊不是人。

      想食哂兩家茶禮最後乜都冇,就係林鄭既問題了

      刪除
    4. 尊敬的八叔公, Sorry but..
      我相信八叔公是slip of tongue, 楊修之死並不是「跋扈囂張,目中無人」, 其實楊修偏向含蓄, 靜雞雞把事情辦妥, the opposite of 跋扈囂張.
      *
      楊修是死於「好心做錯事、含蓄靜雞雞當中不幸出現了自作聰明成份, 對人心錯判」.
      楊修的「目中無人」, 是「含蓄靜雞雞照顧別人」.
      楊修是大好人, 基本上是小弟榜樣, 只不過個人缺點今次中晒招, 死得不幸留千古.
      *
      另外, 林鄭的成因化簡為跋扈說法我不同意, 在下面「under下午1:44」作解釋.
      BBTW

      刪除
  6. 想請問掛橫額墮斃事件會否召開死因研訊?

    回覆刪除
    回覆
    1. 個鄘俊X重比班支持者叫鄘神, 有班重叫佢做"我老公", 製造偶像效應

      刪除
  7. 「引渡陳同佳並無迫切性, 因為他無路可逃, 若他是擁有私人飛機和遊艇的富豪就當作別論」

    坐艇非法去澳門,再轉到其他國家。這不是難事呢。

    Terry

    回覆刪除
    回覆
    1. Terry,

      陳同佳坐完監之後,離開香港完全合法。不過正如標少講,佢唔係富豪,相信佢冇乜條件去外國,所以可以講係無路可逃!

      刪除
    2. 3:19, 你倆講得啱。昨天太累,思考失靈,抱歉!

      Terry

      刪除
    3. 大家好好學習,統一口徑,服從標的領導,好好學習講話精神

      刪除
    4. 入到澳門至算啦

      刪除
  8. 林鄭該請求解放軍協助,一次屠城可換27年安穩繁榮,這個代價香港該付得起。

    回覆刪除
    回覆
    1. 屠你老X,入過屋咩?屠北京城?
      說到盡是流血鎮壓!
      明明白白的暴動,掟磚,掟大型垃圾桶落天橋,拋鐵馬,唔算暴動!!!
      立場真係恐怖

      刪除
    2. 5:06,語不驚人不罷休!你赢咗喇!香港係你地嘅世界喇!

      刪除
    3. 標少和BBTW兄在上一篇博文的留言已清楚解釋和 "riot"有關的法律條文, 而5:06呢班禍港垃圾唔睇仲企圖誤導網友, 可恥!

      刪除
    4. 又話人係暴徒暴民,一講64就縮

      刪除
    5. 2:19, 在不久之前已有討論, 你可找來看, 邊會缩, 唔想重覆啫

      参考资料

      https://sites.google.com/site/xztibet2/sixfourevent

      刪除
    6. 講64是9唔搭8,你亦搭錯得來自相矛盾
      大家勸你縮,唔好再伸個頭出來比人郁!

      刪除
  9. 昨日的遊行,其中一個主要的訴求,是取消將星期三衝突定性為暴動的決定,和釋放所有被捕人士。

    的確很不明白為何有這麼多人會有這個要求。

    回覆刪除
    回覆
    1. 就係問點解要政治干預法治、或百幾萬人忽然政治???????????

      刪除
    2. 我會寫評論, 今天發表。

      刪除
    3. 只能說香港好多人(現在確信是絕大部分人,不論藍黃)都是口講法治,實為政治。

      刪除
    4. 似唔用腦,人云亦云多啲

      刪除
    5. 咁簡單?結論來得太輕易
      一直講法是香港大部分人都政治冷感
      人云亦云唔會身水身汗上街,不會成氣候,人云亦云會造就香港最高峰的示威?咁講先至完全似唔用腦
      7警案比較有政治現象,有懲警撐警對陣
      好,是政治,100萬人遊行反三四項!!

      對家呢?撐三四項果80萬/40萬/3萬/5000聲勢係邊???

      我BUY是一種累積發洩求變社會現象
      求變其實係其他方位,參考累積過乜

      刪除
    6. 10:45,我亦有同感。林鄭及所有司局長根本唔掂,房屋、民生、醫療、教育等等問題一蘿蘿,就連我個仔兩公婆都奉献了第一次出去行,便知是民生積怨,陳同佳案只是趁勢!

      刪除
    7. 養不教父之過,樓上應反思一下你是如何當父親的

      刪除
    8. 1:06,閣下太抬舉父親的角色了,幾十歲仔仲可以點?我們正就是討論過,所以知原因。閣下是父親嗎?可否分享汝之經驗及方法?

      刪除
    9. 特首話暴動咪又係政治,法佢老母治

      刪除
  10. 泛民,民陣等等政棍誤港,引左一大班暴動份子, 明明係示威人拆鐵馬飛鐵枝, 磚頭制做暴亂

    背後因素: 有關人士修圖改圖功夫了得

    特朗普:難民掟石如同開槍 士兵可開火還擊
    https://hk.on.cc/hk/bkn/cnt/amenews/20181102/bkn-20181102050045217-1102_00972_001.html?refer=hn2

    回覆刪除
  11. NOW影到示威者向警方掟磚, 鐵枝, 其中一個警察只不過係接住舊磚, 有另一個警察接住舊磚掟返出去

    https://youtu.be/ZQfOfIAexzw

    回覆刪除
    回覆
    1. 即係點?接到就當冇掟過?

      開槍避到就當冇開過?

      刪除
    2. 任何國家, 如果示威者向警方掟磚, 鐵枝如同開槍 可開火還擊

      上午9:29, 你地既自由模範

      特朗普:難民掟石如同開槍 士兵可開火還擊
      https://hk.on.cc/hk/bkn/cnt/amenews/20181102/bkn-20181102050045217-1102_00972_001.html?refer=hn2

      刪除
    3. 講外國無意思,中央對待示威者一向係以人民利益為先,不拘泥於所謂法治,協商無效就直接開槍出動坦克車

      刪除
    4. 雖則對警察冇好感
      但系支持police force as a whole

      刪除
    5. 昨日我同十個兄弟都有出去遊行
      無著黑衫,搏記者訪問
      可惜沒有
      其他野我無問題

      但警方一定要交待點解開槍係瞄頭打
      點解手無寸鐵既示威者跌倒後要成十人上去圍打5秒以上

      二哥

      刪除
    6. 解釋當掩飾, 衰多幾錢重

      刪除
    7. 二哥,有headshot鏡頭是胡椒球槍,命中後看到爆粉,等如長程胡椒噴劑,應是打面部才有效。
      速龍突然冲出圍毆孤立無援的绿衫一幕,我記得看過較長的版本,似乎是绿衫將催涙彈扔回警方一邊,引起速龍如臨大敵的姿態(當然制服绿衫後確實可以踢少兩腳,火遮眼吧),隨後疑似鬼頭警司扶起绿衫慢行。我覺得不算過火。

      刪除
    8. 呢一幕我想討論好耐, 雖然短版本, 但個人經驗判斷如下,
      10個8個衝入捉一個落單, 除非有人話軍隊被餵藥(記得64版本?) 否則不可能警察集體餓狼, 落單者一定有「特殊身份」.
      相信幾分鐘下來, 一直是最積極者, 即一定有持續主動襲警(成不成功一件事). 大佬, 警察打份工, 所以拉係拉佢.
      大家要明白一件事, 暴動者打遊擊是好難拉到一個人的, 因為眾人掩護+講數保護.
      呢位師兄落單埋頭苦幹你話咩事? 你證明是記者換咭我可到政總跪三日!
      呢位師兄必定在處理組織攻擊! 落單與位置物料或快速完成有關.
      對比「好難拉到一個人的」, 順理成章全隊齊心拉一個人.
      ***我同意多幾秒警棍毆打是過份武力*** 我認為該同僚需要照肺+再培訓.
      我一直認為, 搶走該位師兄是合理的.
      警察緊張也很自然, 有幾何這場面, 而且面對行動失敗的挑戰很高, 眾人包括記者開始圍攏, 手腳慢一點一點十拿九穩被救走.
      武裝警察快手快腳論論盡盡搶人, 必定惡騰騰, 一(兩?)人受訓不足, 是現實.
      *
      尊貴的屠議員之流, 見片如見寶, 作為皇牌, 唉~
      BBTW

      刪除
  12. 當日中央決定換走真係好打得的狼英,種下今日惡果

    佔中失敗之後政府應該乘勝追擊,直搗黃龍,特別係反骨哺育器-教育界+通識課,應該改翻教實實在在的歷史

    五年過去,又一代反中的狼崽長大,局面越來越不可收拾

    回覆刪除
    回覆
    1. 樓上都講左,昨天的遊行不只年輕人。

      但我也不明白,這些人很多自己都經常返大陸,為何這麽抗拒。

      刪除
    2. 佢地反唔反中我唔理, 而這樣既狼崽,最恐怖係佢地追求既言論自由係唔比其他反對聲音既言論自由. 動不動就起底圍攻 例如: 佢地最鍾意用一張圖話聽到某店有人講: 遊行阻住等等....跟住成班就圍攻某店

      以後局面越來越不可收拾, 係呢班人只有他們自己既自由. 民陣攪出大頭佛

      刪除
    3. 10:15
      呢樣真係好恐怖 .... 變左好似Witch hunt, 紅衛兵既事 又再一次重演
      我覺得呢樣野其實比起唔知幾時同會唔會被人送返大陸仲要可怕, 因為呢樣witch hunt 已經真實咁發生緊係我地身邊 ...
      只要唔係同佢地一樣意見, 又會被打成親共5毛

      昨日就見到facebook 有人打力批鬥某間連鎖茶餐廳 話佢地既老細全部都係共產黨員 叫大家識做 去多d "幫襯" ... 唉

      刪除
    4. 網上見到有人呼籲提供兩個鬼頭警司起底資料,話西方媒體有興趣報道 領導開槍頭子居然是鬼佬 的奇聞。真係癲曬,其實鬼頭警司可能次次選舉都投民主派一票。

      刪除
    5. 佢地最恐怖係自己就淘寶, 但係就唔比人在港購物,


      係facebook 可以力批鬥各界店舖/唔同人. 只話佢地既老細係共產黨員 叫大家識做, 叫假外賣騷擾,係facebook 一句唔同意見可以批鬥人.起底圍攻

      品德不足, 目中無法!!!

      泛民民陣攪亂左香港, 總之佢地既民主大晒

      刪除
    6. 別忘記還有我們本土港獨 一直以脫支建國爲目標 定要拯救香港 from 支那

      本BLOG搏主都脫支那啦 好好的支那香港法官都不要做 寧願去了澳洲做了袋鼠

      刪除
    7. 咁標少明顯係外國勢力喎,大家要小心

      刪除
    8. 搞笑, 專登來外國勢力BLOG張牙舞爪, 還叫大家小心

      刪除
  13. 標少兄,我非常同意閣下對修例的講法,冒昧一問,可否交換blog連結?

    https://junesummerinvest.blogspot.com/

    感謝🙏🏻

    回覆刪除
  14. 標少,有個想法想請教: 既然大家恐懼港府不能把關,如果加條款,所有引渡要求需由世界警察審查再轉介 ( 假設中央和世界警察都不反對), 這樣是否有幫助?法理上是否可行?

    回覆刪除
    回覆
    1. 中美共管?
      香港 變 但澤自由市

      刪除
    2. 1127
      不如直接加入北約好過。

      刪除
    3. 安兄
      今天的香港是否比共產黨更共產,某部分 港人一邊廂捍衛法治,另一邊廂就來踐踏法治。例如要求林鄭撤回暴動控罪。

      刪除
    4. 12:20
      立法过程..為甚麼要有立法过程!因為大家可以發表意見,可以反對,可以示威..連反對都不可以有,有甚麼资格說法治.

      刪除
    5. 標老爺
      立法跟控罪!??

      刪除
    6. 11:27
      由「世界警察審查再轉介」, 從設計角度去睇, 理論上可以.
      我回答好簡單, 世界警察在人類歷史上未出現過, 人心軌跡不變下, 將來也不會成立.
      萬一成立, 是暴君軍隊而已, 並不公正.
      (或者成立成功, 目標是對抗外星人, 但不搞INTRA-TRANSFER啦, 搞TRANSFER予外星人)
      *
      可能是同級設計, 你可以建議一下, 由「海牙國際法庭、或聯合國」審查再轉介
      BBTW

      刪除
    7. 我國再發展一下,強大一下就能設立世界警察,世界公義法治指日可待

      刪除
    8. BBTW, sorry, 我意思係國際警察。

      刪除
    9. 邊個同我講sorry? 唔係11:27+3:34下????
      美國我唔知佢咩反應, 減左佢全世界都好大反應! 同找11:27你老人家作國際警察, 反應同級.
      BBTW

      刪除
    10. 11:27 佢唔知有無經青山醫院審查先轉介過黎呢

      刪除
    11. 我係指 Interpol ,純粹諗下得唔得者,無謂故指扭曲我的意思。

      我係 11:27 和 3:20 ,其他留言唔關我事。

      刪除
    12. 嗯~ 11:27 和 3:20
      世界警察是美國的諷刺匿稱、沒有國際警察、Interpol是國際刑警.
      國際刑警是已存在固有組織, 現有職權下, 不可能擔任這的討論中的任務.
      BBTW

      刪除
  15. 好多人都話過 pen is stronger than sword。唔係話我打個電話叫你出嚟撐下暴徒,比三幾百你出嚟小下林鄭,就連專業中產都前呼後擁出曬嚟。
    呢啲係潛移默化,全靠肥佬黎同一幫政棍,長年累月下推動仇共仇中心理。
    美國佬要搞亂香港,唔係派個靚佬湯咁嘅特工過嚟下達指令。係經過不同教育,宗教,慈善機構,NGO 物識大專教授,學生,民運領袖同佢哋做背後思想工作。我就唔相信你有幾多錢可以收買占中三子。錢當然要花,要從不同途徑地下泵水。但相信絕大部份義士係免費勞工。
    好彩今次林鄭無啦啦中場大腳傳個好波,真係一個 prefect storm。
    我好多網上群組,個個口上奮勇撐遊行,但講下講下,好多人都唔知修例嘅條文。總之反中拒共就要支持。

    回覆刪除
    回覆
    1. 同意,所以見到有宗教團體發聲,都感覺大事不妙。

      不過似乎林鄭團隊的評估有重大失誤。

      刪除
    2. 當然要反支那 . 皆因支那就是個反人類反文明的存在.

      美國? 美國真那麽邪惡 支那的習近平豈會放心讓最珍愛的女兒來美國永居.

      不需要是律師才認識修例的奸惡. 支那從來就不是好東西 所以才有一國兩制的騙局 不是嘛?




      嚴嶺鋒要麽是個傻逼 要麽是個五毛 呵呵 活脫脫的支那賤種

      刪除
    3. 兔哥今次講的,最啱聽。

      刪除
    4. 沒有兔兔回應嘅標少文就像冇氣嘅可樂。

      刪除
    5. 哀哉馬鹿兔放的屁有這麼多人覺得是香

      刪除
  16. 今天的香港, 就像個天天哭鬧的巨嬰, 看見很心煩, 但卻只能哄, 不能打
    別再指責公務員少做少錯, 唔做唔錯了, 因為這是香港應得的
    也別妄想讓香港展翅高飛, 因空中常有亂流, 只會把大家吸進飛機引擎, 攪成肉碎

    回覆刪除
    回覆
    1. 冇錯,林鄭或未來新特首真係逗份糧派下糖比市民,大派福利大家開心下,有爭議既野一律隻字不提,一任推落下一任,香港乜都政治化,尋日遊行的人只鬧林鄭,叫佢落台,遣責警方過份暴力。但對示威者攻擊警方隻字不提,香港咁既社會風氣,咁既民智值得你們特首去付出嗎? 當打份工準時出糧,任滿就交比下一手把啦。

      刪除
    2. 我輩被籐條雞毛掃招呼是家常便飯, 今日十歲孩兒都識得報警告你虐兒, 一係唔好生, 生咗就要想方設法循循善誘, 社會進步是各方各面, 又話細路好難教, 又話好多壞人教壞佢地, 於事無補

      刪除
    3. 檢控工作係由律政司負責。若果特首有權,檢控示威者比檢控濫用武力警員容易得多。

      刪除
  17. 正所謂條路自己撰
    仆街唔好喊

    回覆刪除
  18. 轉至fb 請大家細閱 對反送中/佢地既示威行動只要 UP一句唔合佢地意, 就俾 示威者圍攻呀, 仲要粗口滿天飛

    好多示威者似足红衙兵公審 起底 抄家等等類似文化大革命行動

    https://cdn.discuss.com.hk/t/05c984/f/800x0/https://img.discuss.com.hk/d/attachments/day_190617/20190617_9cd57b8c132fd919917079HGxXKKsJ1l.jpg

    回覆刪除
    回覆
    1. 連老外Nathan Rich 都了解Facebook 在中國被禁的原因, 醒過傷港人多多聲

      The real reason Facebook is banned in China (Nathan Rich)

      https://youtu.be/f2srfDwM2sQ

      刪除
  19. "修例的死因在那裏? 一言以蔽之: 跋扈。"

    不要再諉過於人, 作為領導者, 你看不見危險, 就是失察; 你視而不見, 聽而不聞就是傲慢. 商界最初的反彈已是極大的警號

    佔中爭取一些你本來冇的野, 大部人會嘗試, 但不會很多人不惜代價去堅持. 不過, 若是要你失去一些你擁有的(那怕只是一種感覺), 大部份人是會恐懼, 很多人更會反抗

    民心就是人的情緒, 你說這些情緒是無知, 是不可理喻, 在座諸君, 當然可以按自己的心意發表意見, 領導者若不善察善聽, 加以引導, 反而加速前進, 車毀人亡還要怪責誰?

    回覆刪除
    回覆
    1. 同意你的分析.
      只討論一下來自博文的第一行引句「一言以蔽之: 跋扈」
      諉於跋扈, 似乎過份簡單, 便對焦有誤.
      *
      先減去今次事件, 我會同意林鄭個人有跋扈成份, 但其實keep得很好, 並不外揚. (跋扈根據定義外揚)
      大家可以安其他類似形容詞我都同意:自以為事、自傲、一意姑行、不尊重意見...
      ***今次事件, 是非常嚴重的一意姑行!***
      單一事件而跋扈, 與歷史所見不同, 跋扈是一連串的, 非常外揚, 甚至出現「無關痛癢(不是在辦事情)的指鹿為馬」, 目的當然是show身份地位power.
      林鄭從來都是在辦事(不評分計好壞), 不搞為show而show, 所以她說賣身香港, 是佢個人真心話.
      大家包括我, 當然繼續批評她的本質、行事、能力.
      BBTW

      刪除
    2. 大家先睇下D红衙兵如何公審 起底 抄家等等類似文化大革命行動 <-----諗下立法禁止呢D好過啦

      ----------------------


      惡毒賤咀婦支持送中
      要紅就比你紅爆
      聽聞係大埔人
      幫你瘋傳紅爆大埔區
      https://www.facebook.com/lokman.so.121/posts/140862320429596?hc_location=ufi

      https://www.facebook.com/groups/1094495067293073/permalink/2280041022071799/

      刪除
    3. BBTW 的解說我很同意

      但有一點我想補充: 政治人物表述"心跡時要十分小心用語, 不要讓人覺得自己好大犠牲, 好委屈. 當年董伯伯一句"偉大情操"便送了松松一程

      刪除
    4. 所以上一篇標少帶前一篇怨氣,當中提到"你D中文水平",唔係話無根據

      刪除
    5. 完全同意第三段
      由有到冇
      冇可能唔出聲

      刪除
  20. //領導者若不善察善聽, 加以引導, 反而加速前進, 車毀人亡還要怪責誰?//

    一定是外國勢力干預!

    回覆刪除
    回覆
    1. 難得仲有人拾吓拾吓咁多嘢講, 被班大奸九利用都唔知, 仲以為自己正在拯救天下, 鞋...無語!

      刪除
    2. 大奸九 = 林鄭? 北京?

      刪除
  21. 請問標少認為林鄭就任特首以來有何佳績?

    回覆刪除
  22. Chief Executive of Hong Kong Carrie Lam Cheng Yuet Ngor is Ignorant, Arrogant and Stubborn - Worse Leader Hong Kong Has Ever Had in the Last 200 Years!

    回覆刪除
  23. 標少你好,因為覺得車廂內部分男性乘客的衣著打扮時髦吸引,我朋友(男性)於港鐵車廂拍攝了這些乘客的照片,但俾一對情侶誤會偷拍他們間的親暱行為,結果警察與港鐵員工介入,最後雖然證實左無偷拍到對情侶,但我朋友可能會俾人用港鐵附例第25條,「乘客不得造成滋擾」,「任何人不得在列車上或在鐵路處所任何部分作出對其他乘客造成滋擾或煩擾的行為。」控告。

    請問 1)我朋友會唔會留刑事案底,日後無得申請「良民證」移民? 2)如果要上庭,程序大致是如何? 謝謝!

    回覆刪除